សុខភាព
អាហារទាំងនេះ ហាមដាច់ខាតមិនគួរញ៉ាំមុនពេលហាត់ប្រាណ
ហាត់ប្រាណរាល់ថ្ងៃ ក្រៅពីធ្វើឲ្យសុខភាពល្អហើយ នៅជួយឲ្យមានរាងស្អាត មិនថាប្រុស ស្រី។ ការហាត់ប្រាណត្រឹមត្រូវ ទាមទារឲ្យមានរបៀបហាត់ និងរបបអាហារត្រឹមត្រូវ ទើបមានប្រសិទ្ធភាព។ អត្ថបទនេះសូមលើកយកអាហារខ្លះៗដែលគួរចៀសវាងញ៉ាំមុនហាត់ប្រាណ ដែលជាហេតុផលចម្បងរំខានដល់ការហាត់ប្រាណ៖
១- សាឡាដ
គ្នាយើងខ្លះគិតថា សាឡាដ ជាអាហារពោរពេញដោយវីតាមីន ប៉ុន្តែមិនត្រូវទាំងអស់ទេ ព្រោះទោះសាឡាដ ជាអាហារសុខភាព នៅតែមិនមែនជាជម្រើសល្អបំផុត ញ៉ាំមុនពេលហាត់ប្រាណឡើយ។
បន្លែបន្ទាប់សន្សំក្នុងសឡាដ ដូចជា ផ្កាខាត់ណា ប្រូកូលី និងម្រេច មានផ្ទុកជាតិសរសៃ ធ្វើឲ្យដំណើរការប្រព័ន្ធរំលាយអាហារថយចុះ នាំឲ្យយើងហើមពោះ និងមានឧស្ម័ន (ផោម) អំឡុងពេលហាត់ប្រាណ។ យល់ល្អញ៉ាំសាឡាដចន្លោះ ៤-៥ ម៉ោង មុន ឬក្រោយពេលហាត់ប្រាណ។
២- គ្រាប់ល្ង
គ្រាប់ល្ងជាអាហារពិសេស ប៉ុន្តែគ្មានបានជួយអ្វីទាល់តែសោះ បើយើងញ៉ាំមុនពេលហាត់ប្រាណ។ ហេតុផលតែមួយគត់ គ្រាប់ល្ងអាចល្អបំផុតសម្រាប់យើង តែអាក្រក់បំផុតសម្រាប់ការហាត់ប្រាណ ព្រោះ ល្ង សម្បូរជាតិសរសៃ បង្កឲ្យមានហ្គាស និងហើមពោះជាដើម។
ចៀសវាងញ៉ាំគ្រាប់ល្ង ជាមួយពពួកជាតិសរសៃ (ចំណីយកគ្រាប់ធញ្ញជាតិមកកិនបញ្ចូលគ្នា និងនំបុ័ងមានជាតិសរសៃខ្ពស់) ដោយងាកមកជ្រើសរើសល្បាយមានប្រូតេអ៊ីន និងកាបូអីដ្រាតជំនួសវិញ មុនពេលហាត់ប្រាណ។
៣- គ្រាប់ធញ្ញជាតិលីង
គ្រាប់ធញ្ញជាតិ ជាអាហារសម្រន់ល្អពិសេស (ជួយសម្រកគីឡូ) តែភាគច្រើននៃធញ្ញជាតិរំលីង សម្បូរអំបិល។ អាហារប្រៃអាចរំខានខ្លាំងបំផុតទៅលើតុល្យភាពសារធាតុរាវក្នុងរាងកាយដែលជាតម្រូវការអំឡុងពេលហាត់ប្រាណ។ យកល្អ ចៀសវាងញ៉ាំធញ្ញជាតិលីងជាមួយសាច់គោងៀត អាហារថ្ងៃត្រង់ជាមួយសាច់ និងអាហារសម្រន់ ដូចជា ដំឡូងបំពង។
៤- ចេកមិនទាន់ទុំល្អ
ចេក ជាអាហារសម្រន់ប្រសើរបំផុត មុនពេលហាត់ប្រាណ មានផ្ទុកជាតិប៉ូតាស្យូមខ្ពស់។ ជាមធ្យម ញ៉ាំចេកមុនពេលហាត់ប្រាណ អាចជួយរក្សាសារធាតុចិញ្ចឹមឲ្យនៅកម្រិតខ្ពស់។ តែសូមប្រាកដថា គ្នាយើងបានជ្រើសចេកត្រឹមត្រូវ។ ចំណុចអុជៗពណ៌ត្នោតបញ្ជាក់ថា ជាដំណាក់កាលទុំល្អបំផុត ជាដំណាក់កាលពេញទៅដោយជាតិស្ករ ស្រួលស្រូបយកជាងចេក មិនទាន់ទុំល្អ និងនៅមានជាតិម្សៅ ពិបាកដល់ការរំលាយអាហារ។
ផ្លែឈើមិនទាន់ទុំមិនមែនជាជម្រើសល្អមុនពេលហាត់ប្រាណទេ វាអាចបញ្ចេញផោមផ្តេសផ្តាស និងហើមពោះ។
៥- ស៊ុតស្ងោរឆ្អិន
ស៊ុតស្ងោរឆ្អិន ជាប្រភពអាហារមានប្រូតេអ៊ីនគ្មានខ្លាញ់ ប៉ុន្តែវាមិនបានផ្តល់ជាតិកាបូអ៊ីដ្រាត បំពេញថាមពលទេ។ ផ្ទុយទៅវិញ ប្រូតេអ៊ីនចូលក្នុងក្រពះយើង ត្រូវការពេលវែងសម្រាប់រំលាយ ធ្វើឲ្យយើងខ្សោយ ពេលហាត់ប្រាណ។
៦- Protein bars
រឿងនេះកុំចាញ់បោកគេទៀត Protein bars លក់នៅលើទីផ្សារសព្វថ្ងៃ គ្មានមួយណាល្អជាង Candy bars ទេ។ បើគ្នាយើងចង់ញ៉ាំ Protein bars មុនពេលហាត់ប្រាណ គួរជ្រើសរើសប្រភេទណាមានកាបូអីដ្រាតខ្ពស់។ ប្រូតេអ៊ីន ដុតយឺតជាងកាបូអ៊ីដ្រាតក្នុងខ្លួនយើង។ ដូច្នេះ ចាំបាច់ការរួមបញ្ចូលគ្នារវាងសារធាតុទាំងពីរជាជំនួយសំខាន់បំផុត។
បើ bar របស់យើងតិចជាង ១០ ក្រាមនៃប្រូតេអ៊ីន នឹងបង្កឲ្យសម្ពាធឈាមធ្លាក់ចុះ នាំឲ្យមានអារម្មណ៍ហត់នឿយ ពេលហាត់ប្រាណ។ ដើម្បីរក្សាកម្លាំង គួរស្វែងរក bar ណា មានប្រូតេអ៊ីន សមាមាត្រជាមួយស្ករ ១:១ (មានកាឡូរីតិចជាង ២០០)។
៧- អាហារហឹរ
អាហារហឹរអាចជួយដុតកាឡូរី ប៉ុន្តែវាមិនបានជួយយើងថែមទៀតទេ បើញ៉ាំមុនពេលហាត់ប្រាណ។ ទោះជាអាហារសុខភាពក៏ពិតមែន តែអាហារហឹរ អាចបណ្តាលឲ្យគ្នាយើងមានអាការៈចុកទ្រូង។
៨- អាហារមានខ្លាញ់ច្រើន
ខ្លាញ់បំប្លែងទៅជាថាមពល មានកម្រិតយឺតជាងជាតិស្ករ និងប្រូតេអ៊ីន។ ដូចនេះ គ្មានថាមពលគ្រាប់គ្រាន់ ដើម្បីរត់លើម៉ាស៊ីនហាត់ប្រាណទេ បើគ្នាយើងទើបញ៉ាំបានតែត្រឹម ២ ម៉ោងនោះ។ គួរនៅឆ្ងាយពីអាហារមានជាតិខ្លាញ់ខ្ពស់ ដូចជា Hamburgers, Cheesecake និងអាហារផ្សេងៗច្រើនទៀត។ អ្វីគួរឲ្យចាប់អារម្មណ៍នោះ គឺផ្លែប៊ើរ ជាផ្លែឈើមានជាតិខ្លាញ់ខ្ពស់។ គួរចៀសវាងដូចគ្នា ទោះបីវាត្រូវគេស្គាល់ថាបានជួយសម្រកគីឡូក៏ដោយ ព្រោះវាមានផ្ទុកសារជាតិសរសៃនៅក្នុងនោះ។
៩- ផលិតផលទឹកដោះគោ
ទោះអាហារផលិតពីទឹកដោះគោមានជាតិខ្លាញ់ទាប ជាផ្នែកមួយនៃអាហារសុខភាព ប៉ុន្តែញ៉ាំវាមុនពេលហាត់ប្រាណ ក៏ធ្វើឲ្យប៉ះពាល់ដូចគ្នា។ ជាក់ស្តែង តាមការអះអាងរបស់លោក Metsovas អ្នកឯកទេសផ្នែកអាហារូបត្ថម្ភ ក្នុងរដ្ឋកាលីហ្វ័រញ៉ា ថា អត្តពលិកជាច្រើនតែងជួបបញ្ហា ដោយសារញ៉ាំអាហារធ្វើពីទឹកដោះគោ ២ ម៉ោងមុន ឬក្រោយពេលហាត់ប្រាណ។
លោកណែនាំឲ្យកំណត់អាហារមានជាតិទឹកដោះគោនេះឲ្យបានច្បាស់ បើយើងមានអារម្មណ៍មានអាលែកហ្ស៊ីអាស៊ីដ ឬធ្លាប់មានបទពិសោធភើហួសប្រមាណ។
១០- ភេសជ្ជៈមានរសជាតិផ្សេងៗ
ទោះភេសជ្ជៈរសជាតិផ្សេងៗ ត្រូវគេផ្សព្វផ្សាយជាភេសជ្ជៈបំប៉នសម្រាប់កាយសម្បទាក៏ដោយ ក៏ភាគច្រើនវាសម្បូរជាតិស្ករ ឬអាក្រក់ជាងនេះទៅទៀត ជាតិផ្អែមសិប្បនិមិ្មត នឹងបង្អាក់ការហាត់ប្រាណរបស់យើង។
១១- ភេសជ្ជៈប៉ូវកម្លាំង
ភេសជ្ជៈប៉ូវកម្លាំងភាគច្រើនសម្បូរកាបូនកាបូណាត និងជាតិស្ករ ឬជាតិស្ករសិប្បនិមិ្មត បង្កឲ្យមានឧស្ម័ន ហើមពោះ និងអស់កម្លាំង។ សារជាតិកាហ្វេអ៊ីនក្នុងភេសជ្ជៈប៉ូវកម្លាំង អាចជួយបាន សម្រាប់ការហាត់ប្រាណឲ្យខ្លាំងក្លា ប៉ុន្តែភេសជ្ជៈទាំងនេះក៏បាននាំមកនូវជាតិស្ករច្រើនលើសលុប អាចបង្កឲ្យការហាត់ប្រាណបរាជ័យ។
មិនត្រឹមតែមិនល្អសម្រាប់យើងប៉ុណ្ណោះទេ ក៏មិនល្អសម្រាប់ការផ្ទុកជាតិទឹក ជាគន្លឹះសំខាន់បំផុតអំឡុងពេលហាត់ប្រាណដូចគ្នា។ ជម្រើសល្អ គួរញ៉ាំតែបៃតង មានអង់ទីអុកស៊ីដង់ខ្ពស់ តែខ្មៅ ឡាតេគ្មានជាតិខ្លាញ់ វាអាចជួយបង្កើនថាមពលដូចគ្នា៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ដាច់ខាត! រឿង៣យ៉ាង កុំបំពានមុនពេលហាត់ប្រាណឱ្យសោះ ប្រយ័ត្ននាំគ្រោះថ្នាក់
ខេត្តរតនគិរី៖ ស្វាយចន្ទីធម្មតាថ្លៃជាងពូជM23 ប៉ុន្តែឆ្នាំនេះចន្ទីមិនសូវមានផ្លែ ក៏អាចលក់បានតម្លៃសមរម្យ
ខាត់ ស្រីច័ន្ទ ជឿថា សារិតុលា នឹងជោគជ័យនៅពេលក្រោយ បើទោះពេលនេះបានត្រឹមលំដាប់រងទី២ MSC
រដ្ឋមន្ត្រីសុខាភិបាល ជំរុញថ្នាក់ដឹកនាំ និងបុគ្គលិកមន្ទីរពេទ្យកុមារជាតិ ខិតខំបន្ថែមទៀត ដើម្បីកាត់បន្ថយអត្រាស្លាប់កុមារកាន់តែប្រសើរ
អភិបាលខេត្តតាកែវ ដឹកនាំប្រតិភូចុះសួរសុខទុក្ខកងកម្លាំងឈរជើងការពារព្រំដែនប្រាសាទតាមាន់
សម្តេច ម៉ែន សំអន អញ្ជើញប្រារព្ធពិធីជូនពរ និងអបអរសាទរបុណ្យចូលឆ្នាំខ្មែរ នៅខេត្តស្វាយរៀង
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
ត្រឹមមួយថ្ងៃដើមខែមេសា ប្រទេសអាស៊ីអាគ្នេយ៍ចំនួន៣ កើតគ្រោះអគ្គិភ័យរន្ធត់ដំណាលគ្នា
ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង
សភាពាណិជ្ជកម្មអាមេរិកនៅកម្ពុជា ស្នើឱ្យដោះស្រាយបញ្ហាពន្ធអាមេរិកថ្មី ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»
អាមេរិកថាកម្ពុជាយកពន្ធខ្លួន ៩៧ ភាគរយ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ
-
ព័ត៌មានជាតិ២ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២២ ម៉ោង agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល