សុខភាព
សម្ភារផ្ទាល់ខ្លួនទាំងនេះ កុំឲ្យអ្នកផ្សេងខ្ចីប្រើឱ្យសោះ អាចឆ្លងមេរោគ
មានការសិក្សា រកឃើញថា ការប្រើកាសទូរស័ព្ទរួមគ្នា អាចឆ្លងបាក់តេរី ហើយបើបាក់តេរីអាក្រក់ អាចបង្កទៅជាមេរោគ។ ប៉ុន្ដែនៅមានសម្ភារៈជាច្រើនទៀត ដែលយើងគួរចៀសវាងប្រើរួមគ្នា ដើម្បីការពារការឆ្លងបាក់តេរី ឬមេរោគ។
១. កន្ត្រៃកាត់ក្រចក
យើងមិនអាចមើលឃើញដោយភ្នែកទទេបានឡើយ តែនៅលើក្រចកដៃ និងក្រចកជើង មានបាក់តេរី វីរុស និងផ្សិតយ៉ាងច្រើន។ ដូច្នេះ កន្ត្រៃកាត់ក្រចក អាចជាជាសម្ភារៈបង្កការឆ្លងមេរោគផ្សិត និង HPV ប្រសិនបើយើងប្រើរួមគ្នា។
២. ក្រវិល
ត្រចៀករបស់យើង មានសរសៃឈាមជាច្រើន ហើយនេះជាមូលហេតុ ដែលអាចងាយឆ្លងជំងឺមានក្នុងឈាម ដោយគ្រាន់តែពាក់ក្រវិលរបស់ពួកម៉ាក ឬបងប្អូន។ ប្រសិនបើយើងចាំបាច់ត្រូវពាក់ក្រវិលរបស់អ្នកដទៃ យើងត្រូវលាងវាជាមួយអាល់កុលជាមុនសិន។
៣. ក្រេមលាបបបូរមាត់
ក្នុងបបូរមាត់របស់យើង មានសរសៃឈាមជាច្រើន ហើយវីរុសជំងឺរើម អាចចម្លងពីមនុស្សម្នាក់ ទៅម្នាក់ទៀត តាមរយៈការប្រើក្រេមលាបបបូរមាត់រួមគ្នា បើទោះបីអ្នកផ្ទុកវីរុស ពុំមានលេចចេញរោគសញ្ញាក៏ដោយ។
៤. ប្រដាប់លុញក្លៀក (Ball deodorants)
ប្រដាប់លុញក្លៀក អាចបណ្ដាលឲ្យឆ្លងមេរោគជាច្រើន ជាពិសេសមេរោគ អាចឆ្លងចូលទៅក្នុងរបួសតូចៗ ក្រោយការកោររោមក្លៀក។ ប្រដាប់លុញក្លៀក គ្រាន់តែជួយបំបាត់ក្លិនប៉ុណ្ណោះ មិនបានជួយការពារការឆ្លងមេរោគនោះទេ។ ដូច្នេះ ជម្រើសល្អ គឺប្រើប្រាស់ប្រដាប់លុញក្លៀក ដែលមានសារធាតុប្រឆាំងបាក់តេរី និងកុំប្រើរួមគ្នាជាមួយអ្នកដទៃ។
៥. សាប៊ូដុំ
ក្រោយការប្រើសាប៊ូដុំ លាងដៃ ឬដុសខ្លួន មានមីក្រូសរីរាង្គជាច្រើន ជាប់នៅលើសាប៊ូនោះ ដោយមានទាំងពពួក Microbes និងវីរុសបង្កគ្រោះថ្នាក់។ កាន់តែសម្បូរវីរុសគ្រោះថ្នាក់ នោះគឺ ដុំសាប៊ូ ដែលត្រាំក្នុងប្រអប់ដែលមានទឹក ឬសំណើម ព្រោះវាបង្កើតបរិស្ថានអំណោយផលដល់បាក់តេរី ផ្សិត និងវីរុស។ ដើម្បីកាត់បន្ថយការឆ្លងមេរោគ យើងគួរប្រើសាប៊ូរាវជំនួសវិញ។
៦. ក្រាស់សិតសក់
ក្រាស់សិតសក់ បង្កើនការប្រឈមឆ្លងប៉ារ៉ាស៊ីតជាច្រើន ដូចជា ចៃ កមរមាស់ និងមេរោគ Staph។ ក្នុងករណីបើប្រើរួមគ្នា យើងគួរសម្អាតដោយប្រើទឹកអនាម័យ។
៧. កន្សែង
កន្សែង ជាទីតាំងដែលពពួកបាក់តេរីរស់នៅ ជាពិសេសបើព្យួរវានៅក្នុងបន្ទប់ទឹក ដែលមានសំណើមខ្ពស់។ បើកន្សែងធំក្លិនផ្អូមទៀត មានន័យថា មានបាក់តេរីជាច្រើននៅជាប់កន្សែងរបស់យើង ហើយវាអាចបណ្ដាលឲ្យឆ្លងមេរោគផ្សិតដល់អ្នកប្រើប្រាស់ ជាពិសេសបណ្ដាលឲ្យរមាស់ និងកើតមុន។ វិធីល្អ គឺបោកគក់កន្សែងឲ្យបានញឹកញាប់ និងហាលវាឲ្យស្ងួត។
៨. ប្រដាប់ដុសខ្លួន
ប្រដាប់ដុសខ្លួន ជារោងចក្រនៃបាក់តេរីតែម្តង ដោយសារវាតែងតែមានសភាពសើម។ ដូច្នេះ យើងគួរហាលវាឲ្យស្ងួត និងកុំប្រើប្រាស់រួមគ្នាជាមួយអ្នកដទៃ។
៩. គ្រឿង Makeup
យើងគួរចៀសវាងការប្រើគ្រឿង Makeup ដែលប៉ះផ្ទាល់ជាមួយសារធាតុរាវលើរាងកាយ ដូចជា ទឹកភ្នែក ទឹកមាត់ សំបោរ ឈាម ឬខ្ទុះមុន ជាមួយអ្នកដទៃ ព្រោះវាងាយបង្កការឆ្លងបាក់តេរី និងមេរោគ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ប្រយ័ត្នមេរោគឆ្លង! កន្សែងជូតខ្លួនមិនគួរប្រើឱ្យលើសពី៣ដងទេ
ចុចអាន៖ ឪពុកម្ដាយកុំថើបមាត់កូនឲ្យសោះ មានមេរោគជាច្រើនឆ្លងតាមផ្លូវដង្ហើម
ការផ្ទេរអំណាចសន្តិភាពនៅអាមេរិក៖ ពីចូ បៃដិនទៅដូណាល់ ត្រាំ ខុសពី ដូណាល់ ត្រាំ ទៅចូ បៃដិន
នារីម្នាក់ត្រូវឃាតករសម្លាប់រួចចាក់សោរក្នុងបន្ទប់ជួលរហូតធុំក្លិនស្អុយទេីបបែកការណ៍
ស្នងការនគរបាលរាជធានី គ្រោងបង្កើតក្រុមសមត្ថកិច្ចចល័តដើម្បីតាមពិនិត្យអនុវត្តលើអ្នកដំណើរទាំងឡាយណា ដែលសមត្ថកិច្ចមានការសង្ស័យថាមានជាតិស្រវឹង
ពូទីន ប្រកាសចំហចរចាជាមួយរដ្ឋបាលដូណាល់ ត្រាំ ខណៈហុងគ្រីបរិហារអឺរ៉ុប
ក្រសួងប្រៃសណីយ៍កម្ពុជា និង ក្រសួងបច្ចេកវិទ្យាគមនាគមន៍នៃសាធារណរដ្ឋហ្វីលីពីនធ្វើសន្និសីទស្តីពីការផ្ទេរបច្ចេកវិទ្យាឌីជីថលឱ្យគ្នាដើម្បីជំរុញល្បឿននៃការធ្វើបរិវត្តកម្ម
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១៤ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍២០ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤