សុខភាព

គួរដឹង! ប្រភេទអាហារដែលសំបូរទៅដោយអាស៊ីដខ្លាញ់អូមេហ្គា ៣ និងប្រយោជន៍ចំពោះសុខភាព

បានផុស

៤ years មុន

នៅ

ថ្ងៃចន្ទ ២៨ មិថុនា ២០២១

ដោយ

អាស៊ីដខ្លាញ់អូមេហ្គា ៣ គឺពិតជាមានសារសំខាន់ណាស់ ដើម្បីរក្សារាងនិងសុខភាពរបស់យើងឲ្យកាន់តែរឹងមាំជាងមុន។ គ្រប់គ្នាមិនអាចខ្វះវាបានឡើយ។

ខាងក្រោមនេះគឺជាបញ្ជីនៃអាស៊ីដខ្លាញ់អូមេហ្គា ៣ ដែលមាននៅក្នុងអាហារ៖

១ ប្រភពត្រី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពពួកត្រី Mackerel ផ្ទុកទៅដោយសារធាតុសេលេញ៉ូមវីតាមីនB ១២ និងប្រេងអូមេហ្គា ៣ ។ ត្រីសំបូរខ្លាញ់នេះមានរសជាតិឆ្ងាញ់ ដែលធ្វើឲ្យវាងាយស្រួលក្នុងការបញ្ចូលទៅក្នុងម្ហូបណាមួយ។ វាមាន DHA ០,៥៩ ក្រាម និង ០,៤៣ ក្រាមនៃ EPA។

អយស្ទឺរ គឺជាមុខម្ហូបពិសេសមួយក្នុងចំណោមអាហារសមុទ្រលំដាប់កំពូល។ វាត្រូវបានបម្រើក្នុងទម្រង់ជាមុខម្ហូបឬអាហារសម្រន់។ រួមជាមួយប្រេងអូមេហ្គា ៣ អយស្ទ័រក៏ផ្ទុកបរិមាណវីតាមីន B ១២ និងស័ង្កសីរួមទាំងមាន ALA ០,១៤ ក្រាម DHA ០,២៣ ក្រាម និង EPA០,៣០ ក្រាម។

ត្រីសាលមុនមានផ្ទុកប៉ូតាស្យូម ប្រូតេអ៊ីន ម៉ាញ៉េស្យូម សេលេញ៉ូម វីតាមីន B និង E ជាត្រីមានជីវជាតិខ្ពស់ និងផ្តល់នូវកម្រិតអូមេហ្គា ៣ ខុសៗគ្នា។ ក្បាលវាមានផ្ទុក DHA ១,២៤ ក្រាមនៃ DHA ខ្លួន ០,៥៩ ក្រាមនៃ EPA និង កន្ទុយមានផ្ទុក ១,២២ ក្រាម DHA ០,៣៥ ក្រាមនៃ EPA។

ពពួកត្រី Sardines នេះ មានផ្ទុកសារជាតិ selenium, វីតាមីន B១២និង D រួមទាំងប្រេងអូមេហ្គា ៣ ។ ជាពិសេសវាមានផ្ទុកនៅ DHA ០,៧៤ ក្រាម និង ០,៤៥ ក្រាមនៃ EPA។

ត្រី Seabass ជាត្រីជប៉ុន និងត្រូវបានបម្រើតាមវិធីផ្សេងៗគ្នា ហើយផ្តល់នូវបរិមាណប្រូតេអ៊ីននិងសេលេញ៉ូមត្រឹមត្រូវ។ វាផ្ទុក DHA ០,៤៧ ក្រាម និង EPA ០,១ ក្រាម។

បង្គា មានផ្ទុកប៉ូតាស្យូមប្រូតេអ៊ីននិងប្រេងអូមេហ្គា ៣ ។ អាហារសមុទ្រដ៏ឈ្ងុយឆ្ងាញ់នេះមាន DHA ០,១២ក្រាម និង EPA ០,១២ ។

២ ប្រភពបន្លែ

សារាយសមុទ្រប្រភេទសារាយ ដូចជា chlorella (smoothie), nori (ប្រើក្នុងការរុំស៊ូស៊ី), សារ៉ាយសមុទ្រ (ប្រភេទអាហារសម្រន់) និង spirulina (smoothie) មានផ្ទុកនូវសុខភាពជាច្រើន ដូចជាប្រេងអូមេហ្គា ៣, DHA និង EPA ។ សារាយសមុទ្រជាទូទៅមានសារធាតុប្រឆាំងអុកស៊ីតកម្មខ្ពស់ និងមានមុខងារជួយដល់ជំងឺទឹកនោមផ្អែម និងគ្រប់គ្រងជំងឺលើសឈាម។

គ្រាប់ជី សំបូរទៅដោយជាតិសរសៃប្រូតេអ៊ីននិងអាស៊ីតខ្លាញ់អូមេហ្គា ៣ ។ ការរួមបញ្ចូលវាទៅក្នុងអាហារសាឡាត់ឬម្ហូបផ្សេងទៀតអាចជួយក្នុងការថែរក្សាសុខភាពរាងកាយឲ្យកាន់តែរឹងមាំ៕

ប្រែសម្រួល៖ សាង ស្រីល័ក្ខ

ប្រភព៖practicalheal

ចុចអាន៖អ្នកខ្វះកោសិកាគ្រាប់ឈាមក្រហម អាហារទាំងនេះអាចជួយបាន

ចុចអាន៖ប៉ិកួកជាចំណីសុខភាព មានឥទ្ធិពលថែរក្សាប្រព័ន្ធរំលាយអាហារ និងបង្កើនភាពស៊ាំកាន់តែខ្លាំង