សុខភាព

តើអាហ្វេរ៉ែស៊ីសជាអ្វី (Apheresis) ?

បានផុស

៤ years មុន

នៅ

ថ្ងៃសៅរ៍ ៣ កក្កដា ២០២១

ដោយ

អាហ្វេរ៉ែស៊ីស ជាបច្ចេកវិទ្យាក្នុងការដកយកកោសិកាឈាមពីមនុស្ស ដើម្បីសង្គ្រោះជីវិតអ្នកជំងឺដែលកំពុងមានអាសន្នផ្នែកវិបត្តិឈាម។ ចុងសតវត្សទី ២០ នៅខែមេសា ១៩៨១ ម៉ាស៊ីនដ៏ទំនើបត្រូវបានបង្កើតឡើងជាលើកដំបូង ដើម្បីចូលរួមក្នុងការអភិវឌ្ឍន៍វិទ្យាសាស្ត្រក្នុងការដកយកកោសិកាឈាម ប្រកបដោយសុវត្ថិភាព និងប្រសិទ្ធភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរពេទ្យកាល់ម៉ែត បានចាប់ផ្តើមអនុវត្តបច្ចេកទេសទំនើបនេះតាំងពីឆ្នាំ ២០១៣ ក្នុងការព្យាបាលជំងឺមហារីកឈាម ជំងឺរ៉ាំរ៉ៃ និងការផ្តល់ផលិតផលឈាមដែលមានប្រសិទ្ធភាព ជួយសង្គ្រោះជីវិតអ្នកជំងឺជាច្រើន។ ក្នុងការអនុវត្តសព្វថ្ងៃនេះ យើងបានដកយកនូវកោសិកាឈាមមួយចំនួនដូចជា៖
– គ្រាប់ឈាមមហារីក
– ប្លាស្មា
– ប្លាកែត
– និងកោសិកាពូជដើម។

លើសពីនេះទៀត យើងអាចដកយកនូវសារធាតុពុលចេញពីប្លាស្មា (Therapeutic Plasma Exchange) ដើម្បីសង្គ្រោះជីវិតអ្នកជំងឺ៖
– ខ្សោយសាច់ដុំធ្ងន់ធ្ងរ (Myasthenia gravis)
– វិបត្តិកកឈាមនៅសរសៃតូចៗ (Thrombotic Thrombopenic Purpura)
– ខ្សោយសាច់ដុំដោយវិបត្តប្រពន្ធ័សសៃប្រសាទ (Guillain Barre Syndrom) ។ល។

មន្ទីរពេទ្យកាល់ម៉ែត បានផ្តល់ជូននូវការព្យាបាលដោយអាហ្វេរ៉េស៊ីស លើកដំបូងបង្អស់នៅកម្ពុជា និងកំពុងតែអភិវឌ្ឍបន្ថែមនូវបច្ចេកវិទ្យាថ្មីៗទៀត៕

អត្ថបទ៖រស្មី