សុខភាព

ទម្លាប់ខុសមួយចំនួន ដែលមនុស្សមានទំនោរធ្វើ បន្ទាប់ពីដុសធ្មេញរួច

បានផុស

៤ years មុន

នៅ

ថ្ងៃចន្ទ ៥ កក្កដា ២០២១

ដោយ

ក្រៅពីដុសធ្មេញឲ្យបានត្រឹមត្រូវ នៅមានអាកប្បកិរិយាមួយចំនួនដែលមនុស្សគ្រប់គ្នាមិនគួរធ្វើ បន្ទាប់ពីដុសធ្មេញរួច។ពេទ្យធ្មេញ Narawan cheowwit នៃមន្ទីរពេទ្យ Siriraj បាននិយាយថា វាជាការសំខាន់ដើម្បី កំណត់ពីសារសំខាន់នៃសារធាតុ fluoride ដែលមនុស្សជាច្រើនមិនដឹង។

fluoride គឺជាធាតុមួយក្នុងចំណោមធាតុសំខាន់ទាំង ៥ ក្នុងការការពារការពុកធ្មេញ រួមមានការសម្អាតធ្មេញ ដោយដុសធ្មេញបានត្រឹមត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការមិនអើពើនឹងសារៈសំខាន់នៃ fluoride នៅក្នុងថ្នាំដុសធ្មេញ អាចបណ្តាលឲ្យធ្មេញមិនត្រូវបានការពារពេញលេញពីការពុកធ្មេញ។ ទោះបីយើងដុសធ្មេញជាប្រចាំក៏ដោយ។

តើ fluoride គឺជាអ្វី?

fluoride គឺជាសារធាតុរ៉ែមួយប្រភេទដែលមានប្រសិទ្ធភាពក្នុងការការពារការពុកធ្មេញ។ fluoride ត្រូវបានប្រើដើម្បីទាក់ទងផ្ទៃធ្មេញ ដែលអាចធ្វើបានដោយដុសធ្មេញរបស់អ្នកជាមួយថ្នាំដុសធ្មេញដែលមានសារជាតិ fluoride ។

ទម្លាប់ខុសដែលមនុស្សមានទំនោរធ្វើ បន្ទាប់ពីដុសធ្មេញភ្លាមៗ

អ្វីដែលមនុស្សជាច្រើន ប្រហែលមិនបានដឹងនោះគឺថា បន្ទាប់ពីដុសធ្មេញរួច អ្នកគួរតែខ្ពុរមាត់ជាមួយទឹកអំបិលមួយសន្ទុះ ហើយកុំពិសារទឹកបន្ទាប់ពីដុសធ្មេញយ៉ាងតិច ៣០ នាទីដើម្បីឲ្យ fluoride ស្ថិតនៅក្នុងមាត់បានយូរ។

ដូចគ្នានេះផងដែរ មុនពេលដុសធ្មេញ កុំជ្រលក់ថ្នាំដុសធ្មេញជាមួយទឹកមុនពេលដុសធ្មេញ ដើម្បីជួយបង្កើតពពុះ។ ទឹកអាចកាត់បន្ថយបរិមាណ fluoride នៅក្នុងថ្នាំដុសធ្មេញ ដែលអាចធ្វើឲ្យខូចគុណភាព។

តើមានគ្រោះថ្នាក់នៃការប្រើប្រាស់ fluoride ទេ ? ការសិក្សាបានបង្ហាញថា ការប៉ះពាល់នឹង fluoride ក្នុងទម្រង់និងទំហំត្រឹមត្រូវក្នុងរយៈពេលយូរ គឺមិនបង្កអន្តរាយទេ ហើយមិនត្រូវបានផ្សារភ្ជាប់ជាមួយនឹងការកើតឡើងនៃជំងឺជាប្រព័ន្ធនិងជំងឺមហារីកប្រភេទណាមួយឡើយ។

ចុងក្រោយការប្រើប្រាស់តែ fluoride តែមួយមុខមិនអាចការពារការពុកធ្មេញបានទេ។ ដូច្នេះយើងត្រូវសម្អាតធ្មេញដោយដុសធ្មេញនិងខ្ពុរមាត់តាមរបៀបត្រឹមត្រូវ។ ការកែទំលាប់នៃរបបអាហារកាត់បន្ថយអាហារផ្អែមឬស្អិត និងទៅជួបពេទ្យធ្មេញ ដើម្បីពិនិត្យធ្មេញឲ្យបានទៀងទាត់រៀងរាល់ ៦ ខែម្តង។ ចងចាំថាអ្នកមានធ្មេញរឹងមាំនឹងត្រូវបាន ប្រើដើម្បីទំពាអាហារអស់មួយជីវិត៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖រឿង ៣ យ៉ាងគួរចៀសវាងក្រោយញ៉ាំអាហាររួចភ្លាមៗ

ចុចអាន៖ប្រយ័ត្នផង! អ្នកជំនាញថាច្រាសដុសធ្មេញអាចបង្កហានិភ័យចម្លងវីរុសកូវីដ-១៩