សុខភាព

ទើបសម្រាលកូនរួចក្នុងពេលផ្ទុះកូវីដ-១៩ មានសាច់ញាតិមកលេង គួរប្រើតិចនិកនេះ

បានផុស

៤ years មុន

នៅ

ថ្ងៃចន្ទ ៥ កក្កដា ២០២១

ដោយ

Sonya

ជាធម្មតា បន្ទាប់ពីសម្រាលកូនរួច បងប្អូនសាច់ញាតិតែងតែមកលេង សួរសុខទុក្ខ មើលមុខកូនយើង ប៉ុន្តែនៅក្នុងអំឡុងពេលផ្ទុះជំងឺកូវីដ-១៩ នេះ ការដែលមានការជួបជុំច្រើនគ្នាប្រឈមនឹងការឆ្លងវីរុសនេះខ្លាំងណាស់។ ចុះបើបងប្អូនត្រូវមកលេងគួរធ្វើម៉េចទើបល្អ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ចាន់ ស៊ីណេត បានឲ្យដឹងថា បើយើងសម្រាលកូនអំឡុងពេលនេះ តែសុខភាពធម្មតា មិនមានឈឺ ឬសង្ស័យកើតជំងឺកូវីដ-១៩ទេ ក្រុមគ្រូពេទ្យនឹងអនុញ្ញាតឲ្យយើងឆាប់ចេញទៅផ្ទះវិញធម្មតា បន្ទាប់ពីណែនាំរបៀបថែទាំខ្លួន និងការណែនាំផ្សេងៗពីគ្រូពេទ្យជំនាញ។

ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា-ចិន សែនសុខ បន្តថា ក្នុងករណីដែលមានសាច់ញាតិមកលេង គួរបង្កើនការប្រុងប្រយ័ត្ន និងការពារជាមួយការណែនាំដូចជា៖

១. រាល់អ្នកមកលេងទាំងអស់គួរពាក់ម៉ាស់ឲ្យជាប់
២. លាងសម្អាតដៃជាមួយសាប៊ូ និងទឹកស្អាត អាកុល ឬជែល។ល។
៣. ខ្ទប់មាត់ ច្រមុះជាមួយក្រដាស កំណាត់ ឬកែងដៃ ពេលក្អក ឬកណ្ដាល់ម្ដង
៤. រក្សាគម្លាតពីទារក (មិនគួរបី ឬថើបអាអូនទេ)។ល។

ទើបសម្រាលកូនរួចក្នុងពេលផ្ទុះកូវីដ-១៩ មានសាច់ញាតិមកលេង គួរប្រើតិចនិកនេះ

រាល់ក្រដាស ឬកំណណាត់ដែលប្រើខ្ទប់មាត់ ឬច្រមុះពេលក្អក ឬកណ្ដាស់គួរបោះចោលក្នុងធុងសម្រាម និងវេចខ្ជប់ឲ្យបានត្រឹមត្រូវ និងគួរលាងដៃក្រោយពេលកណ្ដាស់ ឬក្អករួច។

វេជ្ជបណ្ឌិតរូបនេះបន្តថា ប្រសិនបើបងប្អូនមកលេងមានសញ្ញាគួរឲ្យសង្ស័យ ឬកំពុងធ្វើចត្តាឡីស័ក យើងមិនគួរឲ្យគាត់មកលេងដាច់ខាត ចាំពេលសុខភាពគាត់ល្អធម្មតាសឹមឲ្យមកមើលមុខកូនយើង ព្រោះវីរុសកូវីដ-១៩ យើងមិនអាចមើលឃើញ ឬដឹងថាអ្នកមកលេងមានជំងឺនេះ ឬក៏អត់។

បន្ថែមពីលើនេះ ម៉ាក់ប៉ាក៏គួរតែកត់ចំណាំស្ថានភាពសុខភាពយើងផ្ទាល់ខ្លួនដែរ បើមានបញ្ហាគួរទាក់ទងទៅខាងមន្ទីរពេទ្យឲ្យដឹងភ្លាម ចៀសវាងអាចឆ្លងដល់កូន។ ការពារ ប្រសើរជាងព្យាបាល៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៤ តិចនិក ត្រៀមខ្លួនសម្រាលកូនដោយសុវត្ថិភាពក្នុងពេលកូវីដ-១៩ វាយលុក

ចុចអាន៖ បើខោអាវជាប់សំណាកអ្នកផ្ទុកកូវីដ-១៩ ហើយយកទៅហាលថ្ងៃ មេរោគងាប់អត់?