សុខភាព

កំណត់ចំណាំ! រោគសញ្ញាវីរុសកូវីដ-១៩ បំប្លែងខ្លួនថ្មីទាំង៣ប្រភេទ

បានផុស

៤ years មុន

នៅ

ថ្ងៃពុធ ១៤ កក្កដា ២០២១

ដោយ

Sonya

រោគសញ្ញាវីរុសបំប្លែងកូវីដ-១៩ អាចនៅមិនទាន់បែងចែកឲ្យដាច់ស្រួលបួលពីជំងឺកូវីដ ១៩ ធម្មតាបាននៅឡើយ។ ប៉ុន្តែមានរោគសញ្ញាមួយចំនួនដែលពពួកវីរុសបំប្លែងកូវីដ-១៩ លេចឡើងពេលឆ្លង គ្នាយើងអាចកំណត់ចំណាំបានដោយខ្លួនឯង។

Facts about the COVID-19 Variants and What It Means for Vaccines

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោគសញ្ញាវីរុសបំប្លែងកូវីដ-១៩ ចំនួន ៣ធំៗ

១. វីរុសបំប្លែងថ្មី Delta

The symptoms of the Delta variant appear to differ from traditional COVID symptoms. Here's what to look out for

វីរុសបំប្លែងថ្មី Delta ត្រូវបានគេកំណត់ដំបូងក្នុងប្រទេសឥណ្ឌានៅខែធ្នូ ឆ្នាំ ២០២០នេះ ហើយរកឃើញជាលើកដំបូងនៅប្រទេសកម្ពុជាយើងក្នុងខែមិថុនា ឆ្នាំ ២០២១ ។ វាមានសភាពឆ្លងលឿន និងមានភាពកាចសាហាវជាងជំងឺកូវីដ-១៩ ធម្មតា បើតាមការសិក្សាកន្លងមកសង្កេតឃើញថា រោគសញ្ញាវីរុសបំប្លែង Delta មានភាពខុសគ្នារវាងអ្នកចាក់វ៉ាក់សាំងរួច និងអ្នកមិនទាន់ចាក់វ៉ាក់សាំងនៅពេលឆ្លងវីរុសបំប្លែងនេះដូចជា៖

អ្នកចាក់វ៉ាក់សាំងរួច៖ ឈឺក្បាល ហៀរសម្បោរ កណ្ដាស់ និងឈឺ ឬរមាស់ក និងមិនសូវមានរោគសញ្ញាកូវីដ-១៩ ធម្មតាកើតឡើងទេរួមមាន ហិតមិនដឹងក្លិន ញ៉ាំមិនដឹងរសជាតិ ក្ដៅខ្លួន និងដង្ហក់។
អ្នកមិនទាន់ចាក់វ៉ាក់សាំង៖ ឈឺក្បាល ហៀរសម្បោរ ក្ដៅខ្លួន ក្អកញឹកញាប់ និងរោគសញ្ញាដូចកូវីដ-១៩ធម្មតាផ្សេងទៀត។

២. វីរុសបំប្លែងថ្មី Alpha

Delta variant symptoms: Signs of COVID-19 could be different with Indian strain - here's what to look out for | UK News | Sky News

វីរុសបំប្លែងថ្មី Alpha ត្រូវបានរកឃើញដំបូងនៅចក្រភពអង់គ្លេស ហើយវាក៏ជាប្រភេទវីរុសបំប្លែងកូវីដ-១៩ ដែលអង្គការសុខភាពពិភពលោក (WHO) មានការព្រួយបារម្ភ ខ្លាចរាលដាលខ្លាំង។ ចំពោះរោគសញ្ញារបស់វីរុសបំប្លែងប្រភេទនេះដែលយើងគួរកត់ចំណាំមាន៖

គ្រុនក្តៅ (៣៧.៥អង្សាសេឡើង)
ឈឺក
ដកដង្ហើមខ្លី
ឈឺចុកចាប់លើរាងកាយ និងឈឺក្បាល
មិនសូវដឹងរសជាតិអាហារ ឬ ច្រមុះមិនសូវដឹងក្លិន

៣. វីរុសបំប្លែងថ្មី Beta

Coronavirus new strain symptoms: Dyspnea, arthralgia and myalgia - signs you've had it | Express.co.uk

វីរុសកូវីដ-១៩ បំប្លែងថ្មីប្រភេទនេះ រកឃើញជាលើកដំបូងនៅអាហ្វ្រិកខាងត្បូងក្នុងខែធ្នូ ឆ្នាំ ២០២០។ ក្នុងចំណោមវីរុសបំប្លែងថ្មី ចំនួន ៤ ប្រភេទដែល WHO ព្រួយបារម្ភក្នុងនោះក៏មានវីរុសបំប្លែង Beta ដែរ។ ចំណែករោគសញ្ញាវីរុសបំប្លែងប្រភេទនេះមានដូចជា៖

ឈឺក
រាគរូស
ឈឺក្បាល
ភ្នែកឡើងក្រហម
អណ្ដាតលែងដឹងរសជាតិ
ច្រមុះហិតមិនដឹងក្លិន
ឡើងកន្ទួលបរិវេណស្បែក
ម្រាមដៃម្រាមជើងប្រែពណ៌ខុសប្រក្រតី

យើងគ្រប់គ្នា គួរតែបន្តការពារខ្លួនឲ្យបានល្អពីវីរុសកូវីដ-១៩ នេះ មិនថា ចាក់វ៉ាក់សាំងហើយ ឬមិនទាន់ចាក់នោះទេ យើងនៅតែអាចឆ្លង និងចម្លងវីរុសនេះទៅកាន់មនុស្សជាទីស្រលាញ់ក្បែរខ្លួន ដូចនេះ ចាំបាច់ត្រូវបន្តអនុវត្តវិធានការ ៣កុំ ៣ការពារ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វីរុសកូវីដ-១៩ បំប្លែងខ្លួនថ្មី ៤ ប្រភេទ WHO បារម្ភខ្លាចរាលដាលខ្លាំង

ចុចអាន៖ វេជ្ជបណ្ឌិត ពន្យល់ពីប្រភេទថ្នាំដែលអ្នកជំងឺឈឺក្បាលប្រកាំង អាចប្រើបានមុននិងក្រោយចាក់ វ៉ាក់សាំងកូវីដ