សុខភាព
ក្រោយចាក់វ៉ាក់សាំងរួច មានរោគសញ្ញាមួយនេះ គួរប្រញាប់ទៅជួបពេទ្យជាបន្ទាន់
ជាទូទៅក្រោយចាក់វ៉ាក់សាំងកូវីដ មនុស្សគ្រប់គ្នាតែងលេចចេញនៅរោគសញ្ញាដូចជា ឈឺក្បាល ឈឺដៃនៅកន្លែងចាក់ ក្ដៅខ្លួន ឬក្អួតជាដើម។ ប៉ុន្តែការជ្រាវជ្រាវថ្មីមួយបានបង្ហាញថាអ្នកចាក់វ៉ាក់សាំងរួច អាចមានរោគសញ្ញាមួយទៀត លើរាងកាយ បើទុកយូរនឹងមានគ្រោះថ្នាក់ដល់ជីវិតនោះគឺការស្ទះសរសៃឈាម។

រោគសញ្ញានេះបណ្ដាលមកពីវ៉ាក់សាំងបង្កើតភាពស៊ាំមិនធម្មតាទៅនឹងសកម្មភាពរបស់ផ្លាស្មា ដែលបណ្តាលឲ្យមានសកម្មភាពនៃផ្លាស្មាទាបនិងមានការកន្ត្រាក់។
យោងតាមរបាយការណ៍វេជ្ជសាស្ត្រ ហានិភ័យនៃការកើតរោគនេះ បន្ទាប់ពីការចាក់វ៉ាក់សាំង ឬការចាក់វ៉ាក់សាំង mRNA គឺស្ថិតក្នុងចំណោមមនុស្សដែលមានអាយុក្រោម ៥៥ ឆ្នាំ ដោយស្ត្រីមានហានិភ័យខ្ពស់ជាងបុរស ហើយប្រទេសដែលងាយរងគ្រោះបំផុតគឺប្រជាជនលោកខាងលិច។
ការស្ទះសរសៃឈាម នឹងបង្ហាញរោគសញ្ញាបន្ទាប់ពី ៤ ទៅ ៣០ ថ្ងៃបន្ទាប់ពីចាក់ថ្នាំរួច។
១ ឈឺក្បាលធ្ងន់ធ្ងរ ក្នុងករណីមានជំងឺស្ទះសរសៃឈាមខួរក្បាល ។
២ ចុកដៃ និងអាចមានការឈឺចាប់ពេញដៃនិងជើង។
៣ ទម្រង់មុខអាចនឹងខូចទ្រង់ទ្រាយ ឬនិយាយមិនច្បាស់។
៤ ប្រកាច់ឬសន្លប់ និងមានចក្ខុព្រិលៗមើលមិនសូវច្បាស់ជាដើម។
៥ នឿយហត់ ពិបាកដកដង្ហើម ឬកកស្ទះ ឈឺទ្រូងក្នុងករណីមានជំងឺស្ទះសួត ។
៦ ឈឺពោះនិងក្អួតចង្អោរ ក្នុងករណីមានដំបៅក្នុងក្រពះ ។
៧ ឈឺខ្នងធ្ងន់ធ្ងរ ហើមជើង ឬស្លេកស្លាំង ក្នុងករណីខ្លះមានការហើមខ្លាំង និងមានស្នាមជាំលើស្បែក (មិនសូវជាកើតមានឡើយ) ។

ទោះយ៉ាងណាយើងក៏អាចកាត់បន្ថយហានិភ័យនៃការចាក់វ៉ាក់សាំងដោយប្រើវិធីសាស្ត្របង្ការនេះ៖
- ផឹកទឹកឲ្យបានច្រើន មុននិងក្រោយពេលចាក់វ៉ាក់សាំង ដើម្បីកាត់បន្ថយការកកឈាម។
- ចៀសវាងការផឹកកាហ្វេ ព្រោះកាហ្វេនឹងជម្រុញឲ្យនោមញឹកញាប់ ហើយអាចបណ្តាលឲ្យឈាមឡើងក្រាស់។ ប៉ុន្តែប្រសិនបើជ្រុលជាផឹកកាហ្វេហើយ អ្នកគួរតែផឹកទឹកឲ្យបានច្រើន។
- ប្រសិនបើមានការព្រួយបារម្ភ អ្នកអាចពិចារណាបញ្ឈប់ការប្រើថ្នាំដែលបង្កើនហានិភ័យ ដូចជាថ្នាំពន្យារកំណើត ថ្នាំអរម៉ូន ដែលបណ្ដាលឲ្យឈាមស្រអាប់ ។ អ្នកអាចឈប់ប្រើប្រហែល ២ សប្ដាហ៍មុននិងក្រោយពេលចាក់ ឬពិគ្រោះជាមួយវេជ្ជបណ្ឌិត។
- អ្នកដែលមានជំងឺប្រចាំកាយ ជាពិសេសអ្នកជំងឺសរសៃឈាមអាក់ទែរ។ ជំងឺនេះគួរតែពិគ្រោះជាមួយវេជ្ជបណ្ឌិតដែលព្យាបាល ប្រសិនបើត្រូវចាក់វ៉ាក់សាំង។
- មនុស្សដែលទើបនឹងវះកាត់ ហើយមិនអាចដើរឬធ្វើចលនាបានស្រួល។ ការចាក់វ៉ាក់សាំងគួរតែត្រូវបានពន្យាររហូតដល់ចលនាត្រលប់មកធម្មតាវិញ ទើបអាចចាក់បាន៕
ប្រែសម្រួល៖ សាង ស្រីល័ក្ខ
ចុចអាន៖អាហារ ៥ មុខ ជួយបន្ថយផលប៉ះពាល់លើរាងកាយ ក្រោយចាក់វ៉ាក់សាំងរួច

-
ព័ត៌មានអន្ដរជាតិ១ ថ្ងៃ ago
មេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម៥ ថ្ងៃ ago
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានអន្ដរជាតិ១ សប្តាហ៍ ago
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
សន្តិសុខសង្គម៩ ម៉ោង ago
ភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានអន្ដរជាតិ១ សប្តាហ៍ ago
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ព័ត៌មានអន្ដរជាតិ២ ថ្ងៃ ago
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៦ ថ្ងៃ ago
ខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ២ ថ្ងៃ ago
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ