សុខភាព

ភ្នាក់ងារប្រឆាំងនឹងអ៉ីស្តាមីន ៥ ប្រភេទពីធម្មជាតិ ព្យាបាលអាឡ័កស៊ីបានយ៉ាងសក្ដិសិទ្ធិ

បានផុស

៤ years មុន

នៅ

ថ្ងៃពុធ ១៤ កក្កដា ២០២១

ដោយ

អាឡ័កស៊ីភាគច្រើនបណ្តាលមកពីប្រព័ន្ធភាពស៊ាំ មានប្រតិកម្មប្រឆាំងនឹងរាងកាយ ដែលបណ្តាលឲ្យមានអាឡ័កស៊ី ។ ប៉ុន្តែក្រៅពីការប្រើថ្នាំដើម្បីព្យាបាល ក៏មានថ្នាំប្រឆាំង នឹងអ៊ីស្តាមីនពីធម្មជាតិ ដែលអ្នកអាចញ៉ាំដើម្បីបន្ថយអាឡ័កស៊ីផងដែរ។

សារធាតុអ៉ីស្តាមីននៅក្នុងខ្លួនច្រើនគឺជាប្រភេទប្រូតេអ៊ីន ដែលជាធម្មតារំញោចអាឡ័កស៊ីឲ្យទៅ ក្អក កណ្តាស់ រមាស់ភ្នែក រមាស់នៅបំពង់ក។

ថ្នាំប្រឆាំងនឹងអ៉ីស្តាមីនធម្មជាតិ ៥ មុខខាងក្រោមនេះ អាចព្យាបាលអាឡ័កស៊ី ទោះបីជាអាឡ័កស៊ីនោះ បណ្ដាលមកពី លំអង អាហារ រោមចៀម ធូលី ឬអ្វីផ្សេងទៀត។

១ វីតាមីន C

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីតាមីន C ជាធម្មតាមាននៅក្នុងផ្លែឈើនិងបន្លែជាច្រើនដូចជាម្ទេសផ្អែម ផ្កាខាត់ណាខៀវនិងស ត្រសក់ស្រូវ ស្ពៃក្តោប ផ្លែគីវី ស្ត្របឺរី ប៉េងប៉ោះ ក៏ដូចជាផ្លែក្រូចជាដើម។

២ Bromelain

ប្រភេទនៃថ្នាំប្រឆាំងនឹងអ៉ីស្តាមីនធម្មជាតិនេះ គឺជាអង់ស៊ីមដែលត្រូវបានគេរកឃើញជាទូទៅនៅក្នុងទឹកម្នាស់ និងអាហារបំប៉ន។ ការស្រាវជ្រាវលើសត្វកណ្តុរនៅក្នុងមន្ទីរពិសោធន៍បានបង្ហាញថា bromine អាចកាត់បន្ថយអាឡ័កស៊ីនិងប្រឆាំងនឹងប្រតិកម្មអាឡ័កស៊ី។

៣ Butterbur

ភាគច្រើននៃពួកវាត្រូវបានគេរកឃើញនៅក្នុងរុក្ខជាតិដែលមានដើមកំណើតនៅអឺរ៉ុប។ មជ្ឈមណ្ឌលជាតិសម្រាប់សុខភាពបំពេញបន្ថែមនិងសុខភាពចម្រុះ (NCCIH) ក៏បានបញ្ជាក់ផងដែរថា Butterbur អាចមានឥទ្ធិពលប្រឆាំងនឹង អ៉ីស្តាមីន ដែលអាចជួយកាត់បន្ថយអាឡ័កស៊ី។ ទោះជាយ៉ាងណាក៏ ដោយការទទួលទាន Butterbur ក៏បង្កើនហានិភ័យដល់សុខភាពផងដែរ ព្រោះវាអាចបណ្តាលឲ្យរាគរូស ឈឺភ្នែក ឈឺក្បាល អស់កម្លាំង ជាដើម។

៤ Probiotics

វាគឺជាមីក្រូសរីរាង្គមួយផ្សេងទៀតដែលល្អសម្រាប់សុខភាព។ ជាពិសេសក៏ជួយធ្វើឲ្យមានតុល្យភាពបាក់តេរីនៅក្នុងក្រពះមានកម្រិតត្រឹមត្រូវ។ វាក៏ជួយលើកកម្ពស់ប្រព័ន្ធភាពស៊ាំនៃរាងកាយរបស់អ្នកដើម្បីប្រឆាំងនឹងប្រតិកម្មអាឡ័កស៊ីដែលអាចកើតឡើងចំពោះអ្នកគ្រប់ពេល។

៥ Quercetin

Quercetin គឺជាសារធាតុ Flavonoid ប្រឆាំងអុកស៊ីតកម្ម។ វាអាចត្រូវបានគេរកឃើញនៅក្នុងរុក្ខជាតិនិងអាហារជាច្រើនប្រភេទដូចជាតែខ្មៅ ផ្លែប៉ោម ផ្លែប៊ឺរី ទំពាំងបាយ តែបៃតង និងម្រេច ។ quasitin អាចធ្វើឲ្យប្រសើរឡើងនូវប្រព័ន្ធដង្ហើមជាពិសេស៕

ប្រែសម្រួល៖ សាង ស្រីល័ក្ខ

ចុចអាន៖ក្រោយចាក់វ៉ាក់សាំងរួច មានរោគសញ្ញាមួយនេះ គួរប្រញាប់ទៅជួបពេទ្យជាបន្ទាន់

ចុចអាន៖កុំប្រហែស ! រោគសញ្ញាស្នាមជាំលើដងខ្លួន កំពុងបញ្ជាក់ពីស្ថានភាពជំងឺធ្ងន់ធ្ងរក្នុងរាងកាយ