ក្លិនមាត់មិនល្អ! សាកល្បងប្រើវិធីនេះ ធានាលែងមានបញ្ហាដែលនាំឲ្យបាត់បង់ទំនុកចិត្ត

ខ្យល់ដង្ហើមស្រស់ថ្លាមនុស្សនឹងមានទំនុកចិត្ត ប៉ុន្តែបើមានក្លិនអាក្រក់ អ្នកណាក៏មិនចង់នៅជិត ចង់ក្បែរប៉ុន្មានឡើយ។ ដង្ហើមមិនល្អជាទូទៅ អាចកើតឡើងចំពោះ​គ្រប់គ្នា​ ដែល​មិន​បាន​សំអាត​មាត់​ធ្មេញ​បាន​ល្អ​ និងមិន​គ្រប់​ជ្រុងជ្រោយ។

មានក្លិនមិនល្អ​ តោះ​មក​ដឹង​ពី​វិធីបន្ទាន់ចំនួន ៧ ដើម្បី​ទប់ស្កាត់​ដង្ហើម​អាក្រក់​នាំឲ្យបាត់បង់​ទំនុកចិត្ត៖

១ ដុសធ្មេញ​

ពាក្សពីរម៉ាត់នេះស្រួលយល់ណាស់ តែបើប្រហែស អាចបណ្ដាលឲ្យមានក្លិនមាត់។ ដុសធ្មេញ គ្រាន់តែដុសពេលព្រឹកនិងពេលយប់ប៉ុណ្ណោះ។ ប៉ុន្តែបើដុសមិនបានត្រឹមត្រូវ នឹងបណ្ដាលឲ្យមានបញ្ហាក្លិនមាត់មិនល្អ ។ បន្ថែមពីលើនេះ វាអាចនៅសល់កំទេចកំទីអាហារនៅជាប់ធ្មេញ។ ដូច្នេះសូមដុសធ្មេញឲ្យបានត្រឹមត្រូវ កុំប្រញាប់ ដើម្បីជួយកាត់បន្ថយដង្ហើមមិនល្អផងដែរ។

២ ផឹកទឹក​ឲ្យ​បានច្រើន

នេះគឺជាមធ្យោបាយងាយស្រួលជាងគេ ដោយគ្រាន់តែផឹកទឹក​ឲ្យ​បានញឹកញាប់ ការផឹកទឹកក៏​អាច​ជួយកាត់បន្ថយក្លិនទឹកមាត់ផងដែរ។

៣ ទំពារស្ករកៅស៊ូ

ក្លិនល្អចេញអញ្ចាញធ្មេញ ជួយកាត់បន្ថយដង្ហើមមិនល្អ។ លើសពីនេះ ការទំពារស្ករកៅស៊ូ​ ជួយ​រំញោចទឹកមាត់ដែលជាយន្តការការពារធម្មជាតិ ប្រឆាំងនឹងអាស៊ីដដែលបណ្តាល​ឲ្យ​ពុកធ្មេញនិងដង្ហើមមិនល្អ។

៤ ប្រើប្រាស់ទឹកក្ពុលមាត់ជាប្រចាំ

សព្វថ្ងៃនេះផលិតផលដកដង្ហើម​នៃទឹកក្ពុលមាត់ជាច្រើន​ ត្រូវបានដាក់លក់ ហើយមានទំហំតូច​និងអាច​យកតាមខ្លួន​បានយ៉ាងងាយស្រួល។

៥ ស្ករគ្រាប់បំបាត់ក្លិន

ស្ករគ្រាប់មួយចំនួនអាចជួយបំបាត់ដង្ហើមអាក្រក់ វាក៏ជួយធ្វើឲ្យ​ដង្ហើមមានក្លិនផងដែរ។ ការបានណែនាំបង្ហាញ​ថាបន្ទាប់ពីហូបស្ករគ្រាប់ ​ចូរផឹកទឹកបន្តិច​ ដើម្បីយកស្ករដែលហូបរួចចេញធ្មេញ។ បើមិនដូច្នោះទេ វាអាច​ជាបញ្ហាជាមួយនឹងដង្ហើម​អាក្រក់វិញ។

៦ ប្រេងដូង

ប្រេងដូងដែល​ចំរាញ់​រួច ​គឺជារឿងមួយទៀតដែលអាចជួយបំបាត់ដង្ហើមអាក្រក់។ គ្រាន់តែដាក់វាចូលក្នុងមាត់ ​ហើយក្ពុលមាត់ដូចទឹកបំបាត់ក្លិន។ ធ្វើបែបនេះ ​នឹង​អាចជួយកាត់បន្ថយបាក់តេរីនៅក្នុងមាត់។

៧ ទៅ​ពេទ្យធ្មេញ

ការស្វែងរកទន្តពេទ្យ​ ដើម្បីថែរក្សាមាត់អ្នក នឹងជួយកាត់បន្ថយក្លិន។ ជាពិសេសគឺជួយឲ្យស្នាម​ញញឹម​របស់​យើង​កាន់តែមានទំនុកចិត្ត។ សូមទៅជួបពេទ្យពេទ្យធ្មេញរាល់ ៦ ខែ ម្ដងឲ្យទៀងទាត់៕

ប្រែសម្រួល៖ សាង ស្រីល័ក្ខ

ចុចអាន៖ការបង្ករោគពីធ្មេញអាចនាំឲ្យមានគ្រោះថ្នាក់ដល់ជីវិត

ចុចអាន៖អាហារ ១០ នេះជួយជំរុញចលនាឈាមរត់បានល្អ ជាពិសេស ដូចនៅឆ្ងាយពីដុកទ័រ