សុខភាព

អ្នកម្ដាយថ្មីថ្មោងគួរដឹងអ្វីខ្លះ ពីកំណើតកូនដែលកើតដោយវះកាត់និងធម្មជាតិ

បានផុស

៣ years មុន

នៅ

ថ្ងៃចន្ទ ១៩ កក្កដា ២០២១

ដោយ

ស្ត្រីដែលមានកូនឬជិតសម្រាលកូន គួរតែដឹងថាភាពស៊ាំ និងការអភិវឌ្ឍខួរក្បាលរបស់ក្មេង អាចខុសគ្នាពីក្មេង ដែលកើតមកដោយមធ្យោបាយធម្មជាតិនិងវះកាត់។ នៅពេលម្តាយដែលបំរុងរៀបចំសម្រាលកូន ត្រូវស្វែងយល់និងដឹងពីព័ត៌មាននេះ ដើម្បីធ្វើយ៉ាងណាឲ្យកូនមានសុខភាពល្អនិង អភិវឌ្ឍខួរក្បាលក្មេងបានល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សានិងការស្រាវជ្រាវបានបង្ហាញថា កុមារកើតចេញពីផ្នែកវះកាត់ អាចមានឪកាសយឺតក្នុងការវិវត្តប្រព័ន្ធអូតូអ៊ុយមីន ជាងកុមារកើតមកដោយមធ្យោបាយធម្មជាតិ ជាពិសេសជះឥទ្ធិពលដល់ជំងឺឬអាឡ័កស៊ី។ លើសពីនេះទៅទៀត ការសិក្សានាពេលបច្ចុប្បន្នបានបង្ហាញថា ការវះកាត់អាចត្រូវបានផ្សារភ្ជាប់ជាមួយនឹងការអភិវឌ្ឍខួរក្បាលផងដែរ។

យោងតាមការសិក្សាកុមារ ១ នាក់ក្នុងចំណោម ៧ នាក់ ដែលកើតដោយការវះកាត់ឬមានភាពពិការពីកំណើត ត្រូវបានផ្សារភ្ជាប់ជាមួយនឹងហានិភ័យនៃការសិក្សា នៅពេលចាប់ផ្តើមចូលរៀន។ ហើយបានរកឃើញថា កុមារអាយុ ៤ ទៅ ៩ ឆ្នាំ មានពិន្ទុតេស្តស្តង់ដាជាមធ្យមតិចជាងកុមារ ដែលកើតដោយធម្មជាតិ នោះគឺការទាក់ទងនឹងអត្រាទាបនៃការបំបៅដោះកូន។

ជាការពិតការបង្កើតកូនដោយធម្មជាតិ គឺទាក់ទងនឹងការបំបៅកូនដូចគ្នា

ស្រ្តីដែលវះកាត់ ពុំសូវសំបូរទឹកដោះឲ្យកូនឡើយ ចំពោះស្រ្តីកើតដោយធម្មជាតិ មិនខ្វះឡើយទឹកសោះឲ្យកូនបៅ។

ដូចគ្នានេះដែរ ទឹកដោះម្តាយមានផ្ទុកសារធាតុចិញ្ចឹមជាង ២០០ ហើយផ្តល់នូវគុណតម្លៃយ៉ាងច្រើន ហើយសារធាតុចិញ្ចឹមមួយដែលមានសារៈសំខាន់សម្រាប់ការអភិវឌ្ឍខួរក្បាលគឺ “ sphingo myelin” ដែលជាខ្លាញ់ជួយដល់មុខងារខួរក្បាល ដើម្បីបង្កើត myelin ជួយភ្ជាប់មុខងារ neuronal ។

នេះធ្វើឲ្យខួរក្បាលមានទំនាក់ទំនងកាន់តែច្រើន គិតបានរហ័ស រៀនរហ័ស។ លើសពីនេះទៀត ទឹកដោះម្តាយមានផ្ទុកមីក្រូជីវសាស្ត្រល្អៗជាច្រើនប្រភេទ ដូចជា B. lactis ដែលមិនត្រឹមជួយពង្រឹងប្រព័ន្ធភាពស៊ាំប៉ុណ្ណោះទេ តែវាថែមទាំងជួយដល់ក្រពះពោះវៀនផងដែរ។

អតិសុខុមប្រាណនេះ ច្រើនតែមាននៅក្នុងពោះវៀនរបស់កុមារ ដែលផ្តល់កំណើតដោយធម្មជាតិក្នុងពេលតែមួយក្នុងទឹកដោះម្ដាយ។

ទោះយ៉ាងណា ម្ដាយគ្រប់គ្នា គួរតែសម្រាកឲ្យបានគ្រប់គ្រាន់។ ផឹកទឹកស្អាតឬទឹកខ្ញីក្តៅឧណ្ឌៗ ញ៉ាំអាហារ ៥ មុខរួមមានប្រូតេអ៊ីន កាបូអ៊ីដ្រាតខ្លាញ់ ជាតិរ៉ែ និងវីតាមីន ក៏ដូចជាថ្នាំដែលជួយបង្កើនទឹកដោះ។ លើសពីនេះ ម្តាយគួរថែរក្សាស្ថានភាពផ្លូវចិត្តរបស់ឲ្យប្រសើរ ព្រោះប្រសិនបើពួកគេមានស្ត្រេសឬថប់បារម្ភ វាអាចបណ្តាលឲ្យមានទឹកដោះតិច។ កុំភ្លេចថែរក្សាសុខភាពឲ្យបានល្អ ព្រោះសុខភាពរបស់ម្ដាយមានសារៈសំខាន់ និងប៉ះពាល់ដល់ការលូតលាស់របស់កូនអ្នកផងដែរ៕

ប្រែសម្រួល៖ សាង ស្រីល័ក្ខ

ចុចអាន៖សញ្ញាទាំង ៦ បង្ហាញថា អ្នកម្ដាយកំពុងពពោះកូនភ្លោះក្នុងផ្ទៃ

ចុចអាន៖ឪពុកម្ដាយកុំថើបមាត់កូនឲ្យសោះ មានមេរោគជាច្រើនឆ្លងតាមផ្លូវដង្ហើម