UNICEF បន្ថែមបំរាមថ្មីចំពោះអ្នកចាក់វ៉ាក់សាំងកូវីដ ដើម្បីទុកឱកាសឱ្យថ្នាំបញ្ចេញប្រសិទ្ធភាព

ក្នុងអំឡុងពេលចាក់ថ្នាំបង្ការកូវីដ-១៩ ការអនុវត្តបំរាមតាមអ្នកជំនាញណែនាំឱ្យបានត្រឹមត្រូវ អាចធ្វើឱ្យវ៉ាក់សាំងមានប្រសិទ្ធភាពខ្ពស់ ងាយបង្កើតអង់ទីគ័រការពារវីរុស។

ត្រណមសំខាន់ៗអំពីការផឹកស្រានិងការទទួលទានហឹរ មុននិងក្រោយពេលចាក់វ៉ាក់សាំង​ ជឿថា គ្រប់គ្នាបានដឹងរួចហើយ។ ចំណែកសកម្មភាពមួយចំនួនទៀតដែលគួរចៀសវាងនិងប្រការគួរធ្វើដើម្បីជួយជំរុញប្រព័ន្ធភាពឱ្យរឹងមាំ ព្រមទាំងបណ្ដុះអង់ទីគ័របានរហ័ស ក៏យើងបានយល់ដឹងច្រើនមកហើយដែរ។

ដោយឡែកនាពេលថ្មីៗនេះ ប្រភពពីអង្គការ UNICEF បានចេញបំរាមមួយទៀតសម្រាប់អ្នកដែលត្រូវចាក់វ៉ាក់សាំងថ្មីចាស់គួរចៀសវាងឱ្យបាន ដើម្បីទុកឱកាសឱ្យវ៉ាក់សាំងធ្វើការបានល្អ។

លទ្ធផលសិក្សាបានមកពីអង្គការ យូនីសេហ្វ បានរកឃើញថា ការប្រើថ្នាំជក់ឬបារី កំលុងពេលចាក់វ៉ាក់សាំងមានផលប៉ះពាល់ដល់ប្រសិទ្ធភាពនៃថ្នាំបង្ការកូវីដ-១៩។ នេះក៏ដោយសារតែនៅក្នុងថ្នាំជក់ឬបារី មានកម្រិតសារធាតុញៀនដែលអាចបង្អាក់ដំណើរការនៃវ៉ាក់សាំងជ្រាបចូលទៅពង្រឹងប្រព័ន្ធភាពស៊ាំក្នុងសរីរាង្គ។

កន្លងមកក៏មានការព្រមានខ្លាំងៗចំពោះអ្នកជក់បារីផងដែរថា ពួកគេជាបុគ្គលប្រឈមហានិភ័យឆ្លងវីរុសកូវីដ-១៩ខ្លាំងមិនចាញ់អ្នកមានជំងឺរ៉ាំរ៉ៃនោះទេ។ មូលហេតុមកពីអ្នកជក់បារីមានសុខភាពសួតខ្សោយ ពុំមានអង់ទីគ័រគ្រប់គ្រាន់ក្នុងការប្រឆាំងការពារនឹងវីរុស ប្រសិនណាបើឆ្លង នោះងាយប្រឈមមុខនឹងរោគសញ្ញាធ្ងន់ធ្ងរទៀតផង។ ដូចគ្នានេះ វ៉ាក់សាំងការពារកូវីដក៏ថមថយសមត្ថភាពរបស់វា ចំពោះបុគ្គលណាដែលជក់បារីជាប្រចាំ។

ដូច្នេះ ​ដើម្បីឱ្យប្រសិទ្ធភាពវ៉ាក់សាំងកាន់តែមានសមត្ថភាពខ្លាំង ក៏ដូចជាជួយការពារអត្រាឆ្លងឱ្យតិចបំផុត សូមតមបារីមួយរយៈពេលសិន ឬផ្ដាច់បារីតែម្ដង៕

ប្រែសម្រួល៖ សន្យា

ប្រភព៖ UNICEF

ចុចអាន៖ ជួយប្រាប់អ្នកទើបចាក់វ៉ាក់សាំង! ៤ វិធីជួយឱ្យថ្នាំផ្ដល់ប្រសិទ្ធភាពខ្លាំង និងមានអង់ទីគ័ររឹងមាំ

ចុចអាន៖ ​វេជ្ជបណ្ឌិតទូន្មានហាមរួមភេទ៣ថ្ងៃ ក្រោយចាក់វ៉ាក់សាំងបង្ការកូវីដ-១៩