សុខភាព

អាហារ ១០ មុខនេះ ហូបសឹងរាល់ថ្ងៃមិនធុញ ថែមទាំងជួយបំប៉នសួតឲ្យរឹងមាំ នាសម័យកូវីដ

បានផុស

៤ years មុន

នៅ

ថ្ងៃសុក្រ ២៣ កក្កដា ២០២១

ដោយ

សាង ស្រីល័ក្ខ

មន្ទីរសុខាភិបាលថៃ បានណែនាំឲ្យប្រជាជនហូបអាហារងាយៗចំនួន ១០ មុខជាប្រចាំថ្ងៃ ដើម្បីចិញ្ចឹមសួតឲ្យរឹងមាំ ឈ្នះមេរោគរាតត្បាត។

លោកវេជ្ជបណ្ឌិត Suwanchai អគ្គនាយកដ្ឋានសុខាភិបាលថៃ មានប្រសាសន៍ថា ការធ្វើលំហាត់ប្រាណរួមទាំងការបរិភោគអាហារដែលសំបូរទៅដោយសារធាតុចិញ្ចឹម អាចជួយការពារសួតនិងកាត់បន្ថយការខូចខាតសួត ពីជំងឺឬការឆ្លងផ្សេងៗ។

អាហារ ១០ មុខដែលងាយរក ហើយអាចហូបជាប្រចាំថ្ងៃបាន និងមានឥទ្ធិពលវិជ្ជមានទៅលើមុខងារសួត៖

១ ខ្ញី ជាឱសថដែលល្អសម្រាប់ក្រពះ ពោះវៀន ជួយប្រឆាំងនឹងការរលាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ម្រេចផ្អែម គឺជាប្រភពដ៏ល្អនៃវីតាមីន C ជួយប្រយុទ្ធប្រឆាំងនឹងរ៉ាឌីកាល់សេរី និងរក្សាប្រព័ន្ធភាពស៊ាំឲ្យដំណើរការធម្មតា។

៣ ប៉ោម មានផ្ទុកនូវជាតិសរសៃ និងចំណីអាហារវីតាមីន C និងសារធាតុប្រឆាំងអុកស៊ីតកម្មរបស់វា។

៤ ល្ពៅ ផ្ទុកនូវសារធាតុចិញ្ចឹមជាច្រើន ដែលជួយលើកកម្ពស់សុខភាពសួត ជាពិសេសមានផ្ទុកសារធាតុសំខាន់ដូចជា៖ carotenoids, beta-carotene, lutein និង zesanthin ។

៥ ការសិក្សាស្រាវជ្រាវបានរកឃើញថា រមៀត មានផ្ទុកសារធាតុ Curcumin ដែលជាសមាសធាតុចម្បងរបស់វា ការទទួលទាន curcumin ត្រូវបានផ្សារភ្ជាប់ជាមួយនឹងមុខងារសួតប្រសើរឡើង។

៦ ប៉េងប៉ោះ មានផ្ទុកសារធាតុលីកូប៉ែន ដែលជាអង់ទីអុកស៊ីដង់នៅក្នុងក្រុមការ៉ូទីនស្តេរ៉ូអ៊ីត ជួយកាត់បន្ថយការរលាកផ្លូវដង្ហើម ចំពោះអ្នកដែលមានជំងឺហឺត និងជួយដល់មុខងារសួតចំពោះអ្នកដែលមានជំងឺស្ទះសួតរ៉ាំរ៉ៃ។

៧ គ្រាប់ធញ្ញជាតិ ដូចជាអង្ករសំរូប ស្រូវសាឡី ជាដើម គឺជាអាហារដែលមានជាតិសរសៃខ្ពស់ ដែលសំបូរទៅដោយវីតាមីន E សេលេញ៉ូម និងអាស៊ីតខ្លាញ់សំខាន់ៗដែលល្អសម្រាប់សុខភាពសួត។

៨ ប្រេងអូលីវ គឺជាប្រភពដ៏ល្អនៃសារធាតុប្រឆាំងអុកស៊ីតកម្ម ព្រោះវាមានផ្ទុកប៉ូលីហ្វេណុល និងវីតាមីន Eដែលជួយការពារជំងឺផ្លូវដង្ហើម។

៩ អយស្ទ័រ សំបូរទៅដោយសារធាតុរ៉ែចាំបាច់សម្រាប់សុខភាពសួត រួមមានស័ង្កសី សេលេញ៉ូម វីតាមីន B និង ស្ពាន់។