សុខភាព

សញ្ញាបង្ហាញថាជាតិពុលក្នុងខ្លួន ឡើងដល់កម្រិតគួរបារម្ភ

បានផុស

៣ years មុន

នៅ

ថ្ងៃចន្ទ ២៦ កក្កដា ២០២១

ដោយ

Sonya

ជាតិពុលមានវត្តមានគ្រប់ទីកន្លែងជុំវិញខ្លួនយើង មិនថាខ្យល់យើងដកដង្ហើម ទឹក នំចំណីយើងញ៉ាំ ហើយសូម្បីតែ Smartphone កាន់គ្រប់ដៃរាល់ថ្ងៃ ក៏សម្បូរទៅដោយបាក់តេរី ជាប្រភពមេរោគបង្កឲ្យយើងឈឺ។ ពេលជាតិពុលទាំងនោះ ផ្សំផ្តុំគ្នាដល់កម្រិតខ្លាំងនោះ សញ្ញាមួយចំនួននឹងកើតមានឡើងលើរាងកាយ ហើយយើងអាចមើលឃើញជាក់ស្តែង។

១- ពិបាកបត់ជើងធំ (ទល់លាមក)

The Asian Squatting Way Of Using Toilets Is Actually Better Than Sitting | TRP

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលញ៉ាំអាហារមួយពេលៗ រាប់ទាំងចំណីញ៉ាំលេងទៀត ច្បាស់ណាស់ សារធាតុគីមីមិនល្អមួយចំនួនប្រាកដជាចូលក្នុងខ្លួនដែរ នេះរាប់ទាំងធាតុគីមីរក្សាម្ហូបអាហារឲ្យបានយូរ គ្រឿងបន្ថែមរសជាតិ និងពណ៌ឲ្យចំណី។ល។ សារធាតុទាំងនេះច្រើនចូលមក ពោះវៀនតូចរបស់យើងទទួលយកមិនបានទេ មុខជាធ្វើឲ្យពោះវៀនជួបបញ្ហា ជាហេតុឲ្យយើងពិបាកបត់ជើងធំ។ ដំណោះស្រាយចំពោះបញ្ហានេះ គឺព្យាយាមញ៉ាំអាហារបែបធម្មជាតិតាមដែលអាចរកបាន បន្ថយការផឹកស្រា និងញ៉ាំទឹកឲ្យបានសមល្មមតាមរាងកាយ។

២- ពិបាកផ្ចង់អារម្មណ៍

រាល់ពេល បើតែងជួបបញ្ហាវិលមុខ ច្របូកច្របល់ ពិបាកផ្ចង់ស្មារតី មិនស្រស់ស្រាយ ទោះបីរាល់យប់បានគេងឆ្អែតគ្រប់គ្រាន់ក៏ដោយ នេះគឺបណ្តាលមកពីជាតិពុលក្នុងខ្លួនបានបំបាត់សារធាតុរ៉ែ និងវីតាមីនដែលរាងកាយត្រូវការជាចាំបាច់។ ករណីនេះប្រៀបដូចម៉ាស៊ីនត្រូវការប្រេងរម្អិលថ្មី ដែលមានន័យថា ដល់កម្រិតអាសន្នត្រូវយកចិត្តទុកដាក់ហើយ។

៣- ធុំក្លិនខ្លួនមិនល្អជាប់រហូត ទោះបីប្រើទឹកអប់ក៏ដោយ

ទោះបីងូតទឹករួច ប្រើគ្រឿងបំបាត់ក្លិនខ្លួន តែនៅតែមិនបាត់ នេះក៏ជាសញ្ញាមិនល្អមួយដែរ។ មានន័យថា ជាតិពុលច្រើនបានផលិតក្លិនមិនល្អសព្វរាងកាយ។ មិនតែប៉ុណ្ណោះ វាក៏អាចធ្វើឲ្យយើងផោមច្រើនខុសពីធម្មតា។

៤- ឈឺចាប់តាមសន្លាក់ និងសាច់ដុំ

មិនធ្លាប់ទៅកន្លែងហាត់ប្រាណ មិនធ្លាប់ធ្វើការធ្ងន់ៗ តែបែរជាឧស្សាហ៍ឈឺតាមសន្លាក់ និងសាច់ដុំ។ នេះក៏ជាមូលហេតុមួយបញ្ជាក់ថា ជាតិពុលបានប្រមូលផ្តុំក្នុងកម្រិតមួយបង្កឲ្យយើងឈឺសព្វរាងកាយ។

៥- ឡើងរោល កន្ទួល ឬមុនលើស្បែក

ស្បែកជាសេរីរាង្គធំជាងគេនៃរាងកាយ ហើយក៏ជាកន្លែងបង្ហាញពីអាការៈថាយើងឈឺ ឬសុខភាពល្អផងដែរ។ ផលិតផលខុស ដូចជា សាប៊ូកក់សក់ ឡេលាបស្បែក សាប៊ូដុសខ្លួនមកប្រើលើស្បែក ក៏បង្ហាញសញ្ញាមិនល្អភ្លាមៗ។ ដោយឡែក ជាតិពុលក្នុងខ្លួនឡើងខ្លាំង វាក៏បង្ហាញមកលើស្បែកដែរ ដូចជា ការឡើងមុន រោលកន្ទួល និងរមាស់ ជាដើម។

៦- ពិបាកគេងលក់ដូចសព្វដង

សារធាតុពុលច្រើនក៏ធ្វើឲ្យយើងពិបាកគេងលក់ អស់កម្លាំងល្ហិតល្ហៃជាប្រចាំ ជាពិសេសវាបង្កឲ្យអ័រម៉ូនក័រទីសុល Cortisol (អ័រម៉ូនស្ត្រេស) ដំណើរការមិនប្រក្រតី។ បើបណ្តោយកាន់តែធ្ងន់ធ្ងរជាងនេះគឺ វាធ្វើឲ្យកើតជាជំងឺគេងមិនលក់តែម្តង ដែលជាដំណាក់កាលត្រូវដោះស្រាយ។

៧- ដង្ហើមក្លិនមិនល្អ

ដង្ហើមចេញមកមានក្លិនមិនល្អ បង្ហាញពីប្រព័ន្ធរំលាយអាហារមានបញ្ហា ហើយនេះក៏ជាសញ្ញាបញ្ជាក់ថា ថ្លើមយើងបានព្យាយាមបន្សាបជាតិពុលអស់កម្រិតហើយ ដូចនេះវាជាសញ្ញាព្រមានដល់យើងផងដែរ។

៨- ក្រចកដៃ ក្រចកជើងផុយ និងជាំ

ជាតិពុលឡើងខ្លាំង ក៏បង្ហាញនៅលើក្រចកដៃ និងជើងដែរ ហើយកន្លែងនេះដែរ ក៏ជាកន្លែងដែលពពួកផ្សិត បាក់តេរី ចូលចិត្ត។ ដូចនេះ ក្រចកដៃ ជើងឡើងជាំ ឬផុយខុសពីធម្មតា ក៏គួរប្រុងប្រយ័ត្ន។

៩- សក់ជ្រុះលឿន

Quarantine hair loss: Why it happens and how to tackle it?

សក់ជ្រុះជារឿងធម្មតា ប៉ុន្តែករណីខ្លះជាសញ្ញាណនៃជាតិពុលក្នុងខ្លួនឡើងដល់កម្រិតខ្ពស់ផងដែរ ជាពិសេសជាតិពុល Arsenic (ជាតិពុលអាសេនិក) ឡើងខ្លាំង ដែលធ្វើឲ្យសក់ជ្រុះលឿន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចំណាំមើលផង! បើមានសញ្ញាប៉ុន្មាននេះ សួតមានបញ្ហាហើយ

ចុចអាន៖ បណ្ដោយខ្លួនធ្វើរឿងទាំងនេះ ប្រយ័ត្នខ្លាញ់រុំថ្លើម

Related Topics:ជាតិពុល