សុខភាព

ក្រុមអ្នកស្រាវជ្រាវ៖ ភ័ស្តុតាងបញ្ជាក់ថា គីមឈី ជួយកាត់បន្ថយហានិភ័យនៃការស្លាប់ពីកូវីដ

បានផុស

៣ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

របបអាហារដើរតួនាទីយ៉ាងសំខាន់ ដើម្បីពង្រឹងភាពស៊ាំទៅនឹងរាងកាយ។ អាហារខ្លះជាបន្លែ ផ្លែឈើ ដែលមានជាតិរ៉ែនិងវីតាមីន ក៏ដូចជាប្រូតេអ៊ីនល្អៗ ដូចជាសាច់ ស៊ុត ទឹកដោះគោ គ្រាប់ធញ្ញជាតិ ជាដើម។

ប៉ុន្តែមនុស្សជាច្រើនប្រហែលជាមិនបានដឹងថា មានអាហារមួយប្រភេទទៀត ដែលមានសារជាតិ fermented របស់ជនជាតិកូរ៉េនោះគឺ “ គីមឈី” បានរួមចំណែក ដល់ការកាត់បន្ថយហានិភ័យនៃការស្លាប់ពីកូវីដយ៉ាងច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្រាវជ្រាវពីប្រទេសបារាំង បានបង្ហាញថា អត្រាមរណភាពរបស់មនុស្សដែលឆ្លងវីរុសកូវីដ នៅកូរ៉េខាងត្បូងនិងអាល្លឺម៉ង់ មានចំនួន ១៩ ភាគរយ នៃកំរិតទាប បើប្រៀបធៀបទៅនឹងចំនួនអ្នកឆ្លងជំងឺច្រើន។ ទន្ទឹមនឹងនេះដែរ ប្រទេសដទៃទៀត ដែលមានករណីតិច តែបែរជាមានអត្រាស្លាប់ខ្ពស់វិញ។ នេះអាចបណ្ដាលមកពីម្ហូបជនជាតិកូរ៉េដូចជា “គីមឈី” និង Sauerkraut ដែលជនជាតិអាល្លឺម៉ង់បរិភោគជាប្រចាំ។

ពពួកបន្លែដែលមានជាតិ fermented ទាំងនេះ ជួយកាត់បន្ថយហានិភ័យនៃការស្លាប់ពីការឆ្លងមេរោគ។

គីមឈីតាសក់ឬស្ពៃ សុទ្ធតែជួយកាត់បន្ថយកម្រិតអង់ស៊ីមប្រូតេអ៊ីន ដែលជាច្រកចេញចូលក្នុងការឆ្លងវីរុសចូលក្នុងខ្លួន។

ដំបូងគេងាយយល់ថា សរីរាង្គណាខ្លះដែលមាននៅក្នុងខ្លួនរបស់យើង ដូចជា បេះដូង សួត ក្រពះ ពោះវៀន ជាដើម ដែលជាកោសិកាព័ទ្ធជុំវិញក្នុងអង់ស៊ីមប្រូតេអ៊ីនហៅថា អង់ស៊ីមបំលែងទី ២ (ACE2) ដែលវាប្រៀបដូចជាច្រកចូល សម្រាប់វីរុស SARS-CoV-2 ។

បន្លែជ្រក់មានផ្ទុកសារធាតុប្រឆាំងអុកស៊ីតកម្ម វាជួយកាត់បន្ថយកម្រិតនៃអង់ស៊ីមប្រូតេអ៊ីនទាំងនេះ ដោយហេតុនេះ វាអាចកាត់បន្ថយច្រកចូលនៃការឆ្លងចូលទៅក្នុងខ្លួន និងកាត់បន្ថយការឆ្លងមេរោគនិងហានិភ័យនៃការស្លាប់ពីការឆ្លងវីរុសកូវីដ។

គីមឈីជាធម្មតាមានជាតិសូដ្យូមខ្ពស់ អ្នកដែលមានជំងឺតម្រងនោមឬត្រូវការគ្រប់គ្រងជាតិសូដ្យូមក្នុងខ្លួន គួរតែពិគ្រោះជាមួយគ្រូពេទ្យមុនហូប។ សម្រាប់មនុស្សដែលមានសុខភាពល្អ ជាការល្អបំផុតក្នុងការកំណត់ចំនួនអាហារក្នុងមួយពេល ហើយកុំភ្លេចហាត់ប្រាណ និងសម្រាកឲ្យបានគ្រប់គ្រាន់៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖គ្រាប់ផ្កាឈូករ័ត្ន មុខងារឱសថព្យាបាលជំងឺរ៉ាំរ៉ៃបានច្រើនមុខ ជាពិសេសទាក់ទងនឹងសួត

ចុចអាន៖ងាយៗដឹងថា ម្ហូបអាហារទិញពីផ្សារ គ្មានវីរុសបំប្លែងខ្លួនគ្រប់ប្រភេទតោងលើ

ចុចអាន៖មូលហេតុដែលគីមឈីកូរ៉េមានភាពល្បីល្បាញខ្លាំង មិនមែនផ្ដោតលើរសជាតិមួយមុខ