សុខភាព
ឧស្សាហ៍ “វិលមុខ” ប្រយ័ត្នទៅជាជំងឺធ្ងន់ធ្ងរនៅថ្ងៃក្រោយ
អារម្មណ៍ថាខ្លួនយើងកំពុងវិលនៅក្នុងលំហ ឬលំហវិលជុំវិញនៃខ្លួនយើងព្រោះការវិលមុខ អាចជាសញ្ញាសំខាន់មួយដែលដាស់តឿនយើងទៅរកជំងឺណាមួយ ដែលវានឹងស្តែងចេញនៅថ្ងៃបន្ទាប់។ ដូច្នេះយើងមិនគួរព្រងើយកន្តើយចំពោះរោគសញ្ញានេះឡើយ។
ក) មូលហេតុនៃការវិលមុខ៖
មានបញ្ហា និងកត្តាផ្សេងគ្នាៗយ៉ាងច្រើន ដែលជំរុញឲ្យមានអាការៈវិលមុខដូចជាៈ
១. បញ្ហាប្រព័ន្ធប្រសាទ: ការវិលមុខដែលរួមផ្សំមកជាមួយសញ្ញាប្រព័ន្ធប្រសាទដូចជា ស្ពឹកមួយចំហៀងខ្លួន ឈឺក្បាលខ្លាំងផ្នែកខាងក្រោយនិយាយអាក់ៗ មើលឃើញរូបភាពបែកជាពីរ ការថយចុះនូវវិញ្ញាណ និងចលនា ការវិលនៃគ្រាប់ភ្នែកក្នុងទិសដៅច្រើនជ្រុង សញ្ញាប៉ះពាល់លើខួរតូច (មិនអាចទប់លំនឹង និងសម្របសម្រួលចលនា ឬដងខ្លួន) ឈ្លក់ និងពិបាកលេប។ រាល់សញ្ញាទាំងអស់នេះអាចប៉ះពាល់ដល់ជីវិតភ្លាមៗ។
២. បញ្ហាត្រចៀក: បញ្ហាដែលទាក់ទងនឹងត្រចៀកមានដូចជា៖
ក. ឈឺក្នុងត្រចៀក
ខ. ស្តាប់លែងសូវបាន( ធ្ងន់ត្រចៀក)
គ. ហូរឈាម ឬមានហូរទឹករងៃតាមត្រចៀក ដែលបណ្តាលមកពីការរលាកដោយសារមេរោគ
ឃ. ការប៉ះទង្គិច ឬដុះសាច់ក្នុងត្រចៀក។
៣. បញ្ហាផ្សេងៗទៀត: ដូចជាការប្រើប្រាស់ថ្នាំមួយចំនួន (ថ្នាំប្រឆាំងការកន្ត្រាក់ ថ្នាំបញ្ចុះសម្ពាធឈាម ។ល។) ខ្វះគ្រាប់ឈាម ខ្វះជាតិស្ករ ខ្សោះជាតិទឹក ជំងឺស្រឺត ការថយចុះសម្ពាធឈាមនៅពេលដែលងើបឈរ។
ខ) ការធ្វើរោគវិនិច្ឆ័យ៖
– ការពិនិត្យដោយក្រុមគ្រូពេទ្យជំនាញ ដើម្បីឈានទៅរកការព្យាបាលមូលហេតុច្បាស់លាស់។
– ពិនិត្យឈាម និងដោយប្រើប្រាស់ម៉ាស៊ីនទំនើបស្វ័យប្រវត្តិដូចជា ស្កេននែរ ឬ អ៊ីអ៊ែអឹម (Scanner, IRM) ដើម្បីរកការប៉ះពាល់ទៅលើប្រព័ន្ធប្រសាទកណ្តាល និងប្រព័ន្ធប្រសាទក្រៅ។
គ) ផលវិបាកនៃការវិលមុខ៖
ការវិលមុខញឹកញាប់អាចរំខានដល់ការរស់នៅប្រចាំថ្ងៃរបស់អ្នកជំងឺ និងវិវត្តទៅជាជំងឺរ៉ាំរ៉ៃ។ ការវិលមុខខ្លាំង អាចបណ្តាលឲ្យដួលភ្លាមៗ បង្កឲ្យមានការប៉ះទង្គិចលើសរីរាង្គផ្សេងៗ និងមានគ្រោះថ្នាក់ដល់អាយុជីវិត។
ប្រសិនបើលោកអ្នកមានអាការៈវិលមុខញឹកញាប់ សូមប្រញាប់មកជួបជាមួយក្រុមគ្រូពេទ្យជំនាញនៃមន្ទីរពេទ្យកាល់ម៉ែត ដែលត្រៀមខ្លួនជាស្រេច ដើម្បីពិនិត្យ ពិគ្រោះ ផ្តល់អនុសាសន៍លម្អិត និងដោយស៊ីជម្រៅអំពីបញ្ហាសុខភាពរបស់លោកអ្នក។
សូមប្រុងប្រយ័ត្នចំពោះអាការៈវិលមុខ និងស្វែងរកការព្យាលបាលឲ្យបានត្រឹមត្រូវ និងឆាប់រហ័ស ដែលអាចឲ្យយើងការពារអាយុជីវិតបានប្រាកដ ដូចពាក្យស្លោកប្រហែសបាត់ ប្រយ័ត្នគង់៕
អត្ថបទ៖ រស្មី
សូមចុចអាន៖ ឆ្ងល់ទេ ហេតុអ្វីបានបណ្តាលឲ្យអ្នកក្រិនថ្លើម?
ជំងឺផ្តាសាយបក្សីប្រភេទថ្មី ឆ្លងដល់សត្វគោយកទឹកដោះនៅសហរដ្ឋអាមេរិក បង្កក្តីបារម្ភខ្លាំង
ថៃសង្គ្រោះជនរងគ្រោះ៦១នាក់ពីកន្លែងឆបោកនៅមីយ៉ាន់ម៉ា
ប្រជាជនហ្គាហ្សារងភាពវេទនាខ្លាំង ខណៈអាកាសធាតុចុះត្រជាក់ខ្លាំង លាយឡំដោយព្យុះ
បញ្ជរសេវាសាធារណៈចល័តរបស់ក្រសួងការងារនៅតាមគ្រឹះស្ថានអប់រំ ជាការបង្ខិតឱកាសការងារ ដល់សិស្ស និស្សិត
គម្រោងដំឡើងរបាំងពុះចែកទ្រូង លើផ្លូវ ៦០ ម៉ែត្រ ប្រើប្រាស់ពេលប្រមាណ ១ ខែកន្លះ ទើបបញ្ចប់
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
មនុស្សស្និទ្ធនឹង កឹម សុខា សង្ស័យលើការសារភាពរបស់លោក សេង សារី
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត