ការសិក្សា៖ អ្នកឆ្លងកូវីដម្នាក់ ក្នុងចំណោម១០នាក់​ មានបញ្ហាពាក់ព័ន្ធការចងចាំ

ការសិក្សាមួយដែលចេញផ្សាយដោយទស្សាវដ្តី JAMA Network Open បានរកឃើញថា មនុស្សម្នាក់ក្នុងចំណោម១០នាក់ ដែលផ្ទុកជំងឺកូវីដ-១៩ បានរាយការណ៍ពីបញ្ហាចងចាំ រហូតដល់ទៅ៨ខែ បន្ទាប់ពីការឆ្លងរោគ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា ជាងពាក់កណ្តាលនៃអ្នកជំងឺទាំងនេះ ក៏មានការអស់កម្លាំងជាប់ផងដែរ ហើយប្រហែល២០ភាគរយបង្ហាញថា រោគសញ្ញាមិនឈប់ទាំងនេះ បានជះឥទ្ធិពលដល់ការងាររបស់ពួកគេនិងសកម្មភាពជីវិតផ្សេងទៀត។

លើសពីនេះ ៤១ភាគរយ នៃអ្នកដែលមានបញ្ហាចងចាំជាច្រើនខែបន្ទាប់ពីការឆ្លង បាននិយាយថា សុខភាពរបស់ពួកគេកាន់តែអាក្រក់ទៅៗ ក្នុងរយៈពេលមួយឆ្នាំចុងក្រោយនេះ។

ក្រុមអ្នកស្រាវជ្រាវមកពីមន្ទីរពេទ្យសាកលវិទ្យាល័យ Oslo ប្រទេសន័រវេស​ បានសរសេរថា “តាមការរកឃើញរបស់យើង ជំងឺកូវីដ-១៩ អាចជះឥទ្ធិពលអវិជ្ជមានដល់ការចងចាំ សូម្បីតែក្នុងរយៈពេល៨ ខែបន្ទាប់ពីមានករណីស្រាលក៏ដោយ ហើយនេះអាចទាក់ទងនឹងសុខភាពកាន់តែអាក្រក់ទៅៗ”។

ចាប់តាំងពីការផ្ទុះឡើងនៃជំងឺរាតត្បាតមក ការសិក្សានានាបានបង្ហាញថា មនុស្សជាច្រើនដែលឆ្លងមេរោគកូវីដ-១៩ បានជួបប្រទះរោគសញ្ញាយូរអង្វែង រួមទាំងបញ្ហាខាងលើផងដែរ។

សម្រាប់ការសិក្សានេះ ក្រុមអ្នកស្រាវជ្រាវបានប្រៀបធៀបមនុស្សពេញវ័យជាង ២,១០០ នាក់ដែលបានធ្វើតេស្តវិជ្ជមាននៅប្រទេសន័រវេស ចន្លោះថ្ងៃទី ១ ខែកុម្ភៈដល់ថ្ងៃទី ១៥ ខែមេសាឆ្នាំមុន ជាមួយមនុស្សពេញវ័យចំនួន ៣១,០០០ នាក់ ដែលបានធ្វើតេស្តអវិជ្ជមាននិងមនុស្សពេញវ័យដែលមិនទាន់ធ្វើតេស្តចំនួន ២០,០០០ នាក់ ដោយផ្អែកលើវិធានការសុខភាពផ្សេងៗ៕

ប្រែសម្រួល៖ Vann Vann

ប្រភព៖ UPI

ចុចអាន៖ ធ្លាយឯកសារសម្ងាត់! អង់គ្លេស មានផែនការមិនព្យាបាលមនុស្សចាស់ និងអ្នកគ្មានសង្ឃឹមរស់ ក្នុងពេលផ្ទុះរោគរាតត្បាត