Delta ឆ្លងក្នុងសហគមន៍ហើយ! សង្កេតមើលដោយខ្លួនឯង រោគសញ្ញា កូវីដ ទាំង ៣ ប្រភេទ កំពុងវាយលុក កម្ពុជា

វីរុសបំប្លែងខ្លួន ដែលតា (Delta) កំពុងរាតត្បាតចូលក្នុងសហគមន៍របស់ប្រទេសកម្ពុជាហើយ​ ខណៈរដ្ឋមន្ត្រីក្រសួងសុខាភិបាល បានក្រើន​រំលឹក​ដល់​ពលរដ្ឋ ឲ្យបន្តប្រុងប្រយ័ត្នខ្ពស់ ការពារខ្លួន កុំភ្លេចខ្លួនឲ្យសោះ កាត់បន្ថយការធ្វើដំណើរចល័ត ឬនៅផ្ទះ ប្រសិន​មិនមានភារកិច្ចចាំបាច់។

ក្រសួងសុខាភិបាលសង្កេតឃើញថា ការចម្លងនាបច្ចុប្បន្ននេះ មានសន្ទុះកើនឡើងលើយុវវ័យ ដែលក្រុមនេះបានដើរចេញក្រៅផ្ទះច្រើន ឬមានការជួបជុំមិត្តភក្តិ អាច​នាំ​ជំងឺ​ចូលផ្ទះ​ឆ្លង​រាលដាល​ដល់​សមាជិក គ្រួសារឪពុកម្តាយ ជីដូន​ជីតា ឬអ្នកមានជំងឺប្រចាំកាយដែលជាបុគ្គលងាយរងគ្រោះ និងប្រឈមខ្ពស់ចំពោះភាពធ្ងន់ធ្ងរនៃជំងឺ ឬឈានទៅដល់ការស្លាប់បើមានការឆ្លងនូវ វីរុសកូវីដ-១៩ នេះ។

គិតមកត្រឹមពេលនេះ ពិភពលោកកំពុងជួបប្រទះវីរុសបំប្លែងខ្លួនជាច្រើនប្រភេទ ដែលមានសមត្ថភាពឆ្លងខ្លាំង។

ខាងក្រោមនេះ គឺជារោគសញ្ញាវីរុសកូវីដ-១៩ ចំនួន៣ប្រភេទដែលកំពុងវាយលុកកម្ពុជា រួមទាំងវីរុស Delta មានប្រភពចេញពីប្រទេសឥណ្ឌា ដែលគេដឹងថាឆ្លងសាហាវផងដែរ៖

វីរុសបំប្លែងខ្លួនឥណ្ឌា Delta 

– ឈឺក

– ហៀរសំបោរ

– ឈឺក្បាល

– អាការស្រដៀងផ្តាសាយធម្មតា

– មិនសូវជួបអាការបាត់បង់រសជាតិអាហារ

វីរុសបំប្លែងខ្លួនអង់គ្លេស Alpha

– ក្អក

– ឈឺក

– ហៀរសំបោរ

– ឈឺក្បាល

– គ្រុនរងា

– ឈឺចាប់តាមរាងកាយមួយចំនួន

– គ្រុនក្តៅ

– ក្អួត ឬ រាក

– មិនឃ្លានអាហារ

កូវីដទម្រង់ដើម

– ក្អកមិនឈប់

– ច្រមុះលែងដឹងក្លិន

– លែងដឹងរសជាតិ

– ពិបាកដកដង្ហើម

– ហត់

– មានកម្តៅពី ៣៧.៥ អង្សាសេឡើង៕

ប្រែសម្រួល៖ Vann Vann

ចុចអាន៖ សូម្បីបុរសនិងស្រ្តីឆ្លងកូវីដ ក៏ចេញរោគសញ្ញាខុសគ្នាដែរ