សុខភាព
វ៉ាក់សាំងកូវីដ-១៩ អាចទប់ទល់នឹងវីរុសបំប្លែង Delta បានដល់កម្រិតណា?
វីរុសបំប្លែង Delta បើធៀបនឹងជំងឺកូវីដ-១៩ ធម្មតា មានសមត្ថភាពឆ្លងលឿនជាង និងមានសភាពកាចសាហាវជាងផងដែរ និង មកដល់ពេលនេះ វីរុសបំប្លែងនេះចាប់ផ្ដើមរាលដាលក្នុងសហគមន៍ក្នុងបណ្ដាប្រទេសជាច្រើន។ ចុះវ៉ាក់សាំងកូវីដ-១៩ មានប្រសិទ្ធិភាពប្រឆាំងនឹងវីរុសបំប្លែងDelta មិនឲ្យវាយលុកសុខភាពយើងធ្ងន់ធ្ងរបាន? ហើយវ៉ាក់សាំងកូវីដ-១៩ ទប់ទល់វីរុសបំប្លែង Delta បានដល់កម្រិតណា?
លោកស្រី Soumya Swaminathan ប្រធានផ្នែកវិទ្យាសាស្ត្រនៃអង្គការសុខភាពពិភពលោក (WHO) បានបកស្រាយឲ្យដឹងថា វីរុសបំប្លែងDelta អាចចម្លងបានលឿន និងអាចប្រឆាំងអង់ទីករដែលមាននៅក្នុងឈាមរបស់យើង។ នេះមានន័យថា យើងត្រូវការអង់ទីករខ្លាំង ដើម្បីយកឈ្នះនឹងវីរុសបំប្លែងនេះ បើប្រៀបនឹងវីរុសបំប្លែងដទៃដូច វីរុសបំប្លែង Alpha ជាដើម។
លោកស្រីបន្តថា ដំណឹងល្អនោះគឺ រាល់វ៉ាក់សាំងកូវីដ-១៩ទាំងអស់ ដែលទទួលស្គាល់ដោយអង្គការសុខភាពពិភពលោក មានប្រសិទ្ធភាពអាចប្រឆាំងនឹងការធ្លាក់ខ្លួនឈឺធ្ងន់ធ្ងរ ដែលត្រូវការការព្យាបាលក្នុងមន្ទីរពេទ្យ និងការស្លាប់ដោយសារវីរុសបំប្លែង Delta។ វ៉ាក់សាំងទាំងនេះ អាចការពារជំងឺមិនឲ្យវិវដ្ដធ្ងន់ធ្ងរបាន និងអ្វីដែល WHO ចង់បាននោះគឺ ទោះជាយើងឆ្លងក៏ដោយ ក៏យើងឆាប់ជាសះស្បើយ និងមិនឈឺធ្ងន់។
ត្បិតតែឥឡូវនេះមិនទាន់មានវ៉ាក់សាំងណាអាចការពារយើងមិនឲ្យឆ្លងបាន ១០០% តែប្រសិទ្ធភាពរបស់វ៉ាក់សាំងនីមួយៗ អាចការពារមិនឲ្យយើងឆ្លងជំងឺកូវីដ-១៩ និងវីរុសបំប្លែង Deltaមានចន្លោះពី ៧០% ដល់ ៩០%។ ប៉ុន្តែ បើនិយាយពីការការពារយើងពីជំងឺធ្ងន់ធ្ងរ និងការសម្រាកព្យាបាលនៅមន្ទីរពេទ្យ វ៉ាក់សាំងកូវីដ-១៩ ទាំងអស់សុទ្ធតែមានប្រសិទ្ធិភាពលើស៩០%។
ដូច្នេះហើយទើបលោកស្រី Soumya Swaminathanបន្ថែមថា ប្រសិនបើយើងអាចទទួលបានវ៉ាក់សាំងទទួលស្គាល់ដោយ WHO យើងគួរតែចាក់វាឲ្យបានគ្រប់ដូស ដើម្បីការពារខ្លួនពីការឆ្លងវីរុសបំប្លែង Delta និងជំងឺកូវីដ-១៩។ ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ
ចុចអាន៖ ក្រោយចាក់វ៉ាក់សាំង Johnson & Johnson រួច យុវវ័យ និងមនុស្សចាស់ ត្រូវប្ដូរទម្លាប់ហូបចុកភ្លាមៗ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?