សុខភាព

វិធីងាយៗសម្គាល់ថ្នាំក្លែងក្លាយ មិនព្រួយទិញប៉ះ ខាតទាំងលុយ បំផ្លាញទាំងសុខភាព

បានផុស

៣ years មុន

នៅ

ថ្ងៃពុធ ៤ សីហា ២០២១

ដោយ

Sonya

ថ្នាំក្លែងក្លាយជាកង្វល់ដ៏ធំរបស់ក្រសួងពាក់ព័ន្ធ ឯអ្នកទិញដែលជាប្រជាពលរដ្ឋមួយចំនួនពុំបានចាប់អារម្មណ៍ ឬខ្វាយខ្វល់ច្រើនពីថ្នាំក្លែងក្លាយទេ អាងតែជឿទុកចិត្តលើអ្នកលក់ថ្នាំពេទ្យនោះ តើនឹងមានផលប៉ះពាល់យ៉ាងណាទៅ? ថ្នាំក្លែងក្លាយមានអីសម្គាល់?

១- អ្វីទៅជាថ្នាំក្លែងក្លាយ?

Essential medicines for universal health coverage - The Lancet

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឱសថក្លែងក្លាយ (Counterfeit Medicines) ជាថ្នាំដែលមានសារធាតុសកម្មមិនត្រឹមត្រូវ ឬគ្មានសារធាតុសកម្មតាមការកំណត់លើស្លាកសញ្ញា-ប្រអប់ ហើយមិនទទួលបានការត្រួតពិនិត្យគុណភាពរបស់អាជ្ញាធរមានសមត្ថកិច្ច។

២- វិធីសម្គាល់ថ្នាំក្លែងក្លាយ

Coronavirus: how to access the medicines you and your family need

បើតាមការបញ្ជាក់របស់ឱសថការី សេត ច័ន្ទកក្កដា បង្រៀននៅសាកលវិទ្យាអន្តរជាតិ មុខវិជ្ជា Pharmacognogy និង Toxicology មានចំណុចជាច្រើនដែលអ្នកជំនាញប្រើដើម្បីសម្គាល់ថាថ្នាំណាមួយជាថ្នាំក្លែងក្លាយ ឬពិតប្រាកដ។ តែក្នុងនោះមានចំណុចមួយដែលយើងគ្រប់គ្នាអាចសម្គាល់បាន នោះគឺស្លាកសញ្ញាបញ្ជិកា (Vignette) ព្រោះរាល់ថ្នាំពេទ្យដែលនាំចូលដោយស្របច្បាប់ នឹងទទួលបានការត្រួតពិនិត្យគុណភាពពីមន្ត្រីជំនាញរបស់ក្រសួងសុខាភិបាល និងសុទ្ធសឹងតែមានបិទលេខបញ្ជិកា។

ដូចនេះងាយបំផុត ពេលយើងទៅទិញថ្នាំគួរតែសុំឲ្យឱសថការី ឬអ្នកលក់ថ្នាំបង្ហាញលេខបញ្ជិកា ដែលអាចជាស្ទីកឃ័រ ឬក្រដាសបិទនៅប្រអប់ថ្នាំដោយមានលេខកូដ និងឈ្មោះក្រុមហ៊ុនដែលនាំចូលថ្នាំ ដើម្បីប្រាកដថាថ្នាំដែលយើងទិញមកប្រើនោះ មិនមែនជាថ្នាំក្លែងក្លាយ។

៣- ផលប៉ះពាល់

The Science of Medicines - Online Course - FutureLearn

ការទិញថ្នាំក្លែងក្លាយដើម្បីព្យាបាលជំងឺមិនត្រឹមតែខាតបង់លុយនោះទេ ថែមទាំងប៉ះពាល់ដល់សុខភាពអ្នកប្រើធ្ងន់ធ្ងរ។
– អ្នកជំងឺមិនជាសះស្បើយ
– អាចបណ្តាលឲ្យជំងឺកាន់តែវិវត្តធ្ងន់ធ្ងរ
– អាចឲ្យអ្នកជំងឺកើតជំងឺផ្សេងបន្ថែមទៀត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ប្រយ័ត្ន! បើមានជំងឺលើសឈាម គួរកុំឲ្យប្រើថ្នាំប៉ុន្មានមុខនេះ

ចុចអាន៖ ឈប់យល់ច្រឡំ! ថ្នាំទាំងនេះមិនអាចព្យាបាលកូវីដឲ្យជាសះស្បើយបាន ១០០ ភាគរយឡើយ