សុខភាព

អនុវត្ត ៥វិធីនេះបាន វីរុសបំប្លែងខ្លួន Delta មិនហ៊ានមកក្បែរ

បានផុស

៤ years មុន

នៅ

ថ្ងៃពុធ ៤ សីហា ២០២១

ដោយ

Sonya

ក្នុងរយៈពេលប៉ុន្មានថ្ងៃនេះ វីរុសបំប្លែង Delta បានកំពុងរាតត្បាតជាខ្លាំងក្នុងសហគមន៍យើង ដែលជាការគួរឲ្យព្រួយបារម្ភព្រោះវីរុសបំប្លែងនេះឆ្លងបានលឿន និងអាចបណ្ដាលឲ្យយើងធ្លាក់ឈឺធ្ងន់ពេលឆ្លង។ ដើម្បីការពារខ្លួនពីវីរុសបំប្លែង Delta គ្នាយើងអាចអនុវត្តតាមវិធីសាស្ត្រខាងក្រោមនេះ។

វិធីសាស្ត្រការពារខ្លួនពីវីរុសបំប្លែង Delta

១. ចាក់វ៉ាក់សាំង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតតែការចាក់វ៉ាក់សាំងមិនអាចការពារខ្លួនពីវីរុសបំប្លែង Delta ១០០% ប៉ុន្តែការចាក់វ៉ាក់សាំងជាជម្រើសល្អបំផុតក្នុងការការពារយើងមិនឲ្យធ្លាក់ខ្លួនឈឺធ្ងន់ ឬប្រឈមនឹងការស្លាប់ដោយសារការឆ្លងវីរុសបំប្លែង Delta ឬជំងឺកូវីដ-១៩ ធម្មតា។

២. ធ្វើតាមវិធានការការពារ

ទោះយ៉ាងណាក៏ដោយ យើងនៅតែអាចការពារខ្លួនពីវីរុសបំប្លែង Delta ឬវីរុសកូរ៉ូណាធម្មតាបានដោយអនុវត្តតាមការណែនាំរបស់អង្គការសុខភាពពិភពលោក និងក្រសួងសុខាភិបាលដោយមានការ៖

ពាក់ម៉ាសរាល់ពេលចេញទៅណាមកណា
លាងដៃឲ្យស្អាតជានិច្ចជាមួយសាប៊ូនឹងទឹកស្អាត ជែល ឬអាល់កុលលាងដៃ
រក្សាគម្លាតពីអ្នកដទៃ
ក្អក ឬកណ្ដាស់ខ្ទប់មាត់ ច្រមុះនឹងកែងដៃ
ចេញក្រៅផ្ទះតែពេលចាំបាច់។ល។

៣. សម្លាប់មេរោគលើផ្ទៃរបស់របរ

How do you sanitize your mobile? - Here's how you should clean your phone to ward off Coronavirus | The Economic Times

ដើម្បីការពារខ្លួនពីវីរុសបំប្លែង Delta ឬជំងឺកូវីដ-១៩ធម្មតា យើងគួរសម្អាត ឬសម្លាប់មេរោគរាល់ផ្ទៃវត្ថុណាដែលមានមនុស្សប៉ះពាល់ច្រើនជាប្រចាំដូចជា ដៃទ្វារ ប្រកាន់ដៃកាំជណ្ដើរ ទូរស័ព្ទ ក្ដារចុចកុំព្យូទ័រជាដើម។ ប្រសិនបើផ្ទៃវត្ថុកខ្វក់ខ្លាំង យើងគួរសម្អាតដោយទឹក និងសាប៊ូជាមុនសិន សឹមប្រើថ្នាំសម្លាប់មេរោគ (ចំពោះវត្ថុដែលត្រូវទឹកមិនខូច)។ នេះបើតាមការឲ្យពីមជ្ឈមណ្ឌលទប់ស្កាត់ និងប្រឆាំងជំងឺឆ្លងអាមេរិក (CDC)។

៤. ពង្រឹងប្រព័ន្ធការពាររាងកាយ

One Major Side Effect of Not Drinking Enough Water, Says Study | Eat This Not That

ប្រព័ន្ធការពាររាងកាយមាននាទីសំខាន់បំផុតក្នុងកាលៈទេសៈនេះ ដើម្បីការពារខ្លួនពីវីរុសបំប្លែង Delta ដូចនេះហើយ គ្នាយើងគួរយកចិត្តទុកដាក់ថែទាំ និងពង្រឹងប្រព័ន្ធការពាររាងកាយឲ្យបានរឹងមាំដោយការមានរបបអាហារត្រឹមត្រូវ (បន្លែ ផ្លែឈើ សាច់។ល។) ញ៉ាំទឹកឲ្យបានគ្រប់គ្រាន់ សម្រាកឲ្យបានគ្រប់គ្រាន់ និងហាត់ប្រាណជាប្រចាំ ពិសេសនោះគឺយើងត្រូវថែទាំសុខភាពផ្លូវដង្ហើមឲ្យបានល្អ។

៥. តាមដានព័ត៌មាន

ជាចុងក្រោយ យើងគួរតាមដានរាល់ការ Update ព័ត៌មានទាក់ទងនឹងជំងឺកូវីដ-១៩ ព្រោះវាជួយយើងដឹងពីអ្វីៗដែលកំពុងកើតឡើងក្នុងប្រទេស ការវិវត្តរបស់ជំងឺកូវីដ-១៩ និងវិធីការពារខ្លួនពីវីរុសបំប្លែង Delta ឬវីរុសបំប្លែងដទៃទៀត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ខុសគ្នាដាច់! រោគសញ្ញា Delta ចំពោះអ្នកចាក់វ៉ាក់សាំងហើយ និងអ្នកមិនទាន់ចាក់

ចុចអាន៖ ច្បាស់ៗ អាការ ៣យ៉ាង កើតឡើង ក្រោយចាក់វ៉ាក់សាំងលាយគ្នា