សុខភាព

អ្នកជាសះស្បើយពីកូវីដ-១៩ ត្រូវរង់ចាំ ៩០ថ្ងៃសិន ទើបអាចចាក់វ៉ាក់សាំងបាន

បានផុស

៣ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

Sonya

ទោះជាករណីឆ្លងកូវីដ-១៩ លើកទី២ ក្រោយពីជាសះស្បើយលើកទី១ មិនសូវកើតមាន ក៏ក្រុមអ្នកជំនាញខាងជំងឺឆ្លងដាស់តឿនថា លទ្ធភាពឆ្លងនៅតែមាន ហើយបានលើកទឹកចិត្តឲ្យអ្នកឆ្លងលើកទី១ ចាក់វ៉ាក់សាំងបង្ការកូវីដ-១៩ ក្រោយជាសះស្បើយបាន ៣ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលគ្រប់គ្រងនិងបង្ការជំងឺឆ្លងអាមេរិក (CDC) ទូន្មានថា បន្ទាប់ពីអ្នកជំងឺជាសះស្បើយភ្លាម ពុំចាំបាច់ទទួលវ៉ាក់សាំងលឿនពេកទេ។ ជាទូទៅ ក្រោយជាពីជំងឺរយៈ២-៣ សប្ដាហ៍ អ្នកអាចចាក់វ៉ាក់សាំងបានហើយ តែយកល្អគួររង់ចាំ ៩០ ថ្ងៃសិន សឹមចាក់វ៉ាក់សាំងការពារ COVID-19 ។ ក្នុងករណីអ្នកមិនមានបញ្ហាសុខភាពធ្ងន់ធ្ងរឬមិនមែនជាបុគ្គលប្រឈមហានិភ័យខ្ពស់ អាចពន្យាពេលដល់ ៦ ខែក្រោយ សឹមចាក់វ៉ាក់សាំងក៏បាន។

មូលហេតុដែលគប្បីរង់ចាំច្រើនថ្ងៃបែបនេះ ដោយសារការបណ្ដុះអង់ទីគ័រ អាចនឹងមានឥទ្ធិពលមិនល្អ និងមិនមានការជំរុញដល់ការឆ្លើយតបរបស់វ៉ាក់សាំង បើយើងទៅចាក់វ៉ាក់សាំងក្រោយជាពីជំងឺភ្លាមៗ។ ដូចនេះហើយ បានជាអ្នកជំនាញណែនាំឲ្យអ្នកជាសះស្បើយត្រូវរង់ចាំ ៣ខែ រហូតអង់ទីគ័រកើតចេញពីការបណ្ដុះ ឬក្លូននេះអស់ពីរាងកាយសិន៕