ចេញរោគសញ្ញាទាំងនេះ ច្បាស់ណាស់ថាអ្នកឆ្លង Delta ហើយ មិនមែនកូវីដទម្រង់ដើមទេ

ខណៈករណីឆ្លងជំងឺកូវីដ-១៩ កំពុងហក់ឡើងខ្ពស់នៅទូទាំងពិភពលោក ក្រុមអ្នកជំនាញបានចំណាយពេលរាប់ខែ ដោយផ្តោតជាពិសេសទៅលើវីរុសបំប្លែងខ្លួន Delta។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលគ្រប់គ្រងនិងបង្ការជំងឺអាមេរិក (CDC) បានណែនាំជាថ្មី ឲ្យអ្នករាល់គ្នាពាក់ម៉ាស់វិញនៅក្នុងកន្លែងបិទជិត បើទោះបីជាពួកគេចាក់វ៉ាក់សាំងរួចហើយក៏ដោយ។

វេជ្ជបណ្ឌិត Todd Bell សាស្ត្រាចារ្យ នៅសាកលវិទ្យាល័យ Texas Tech University Health Sciences Center បាននិយាយថា នេះដោយសារតែវីរុសបំប្លែងខ្លួន Delta ដែលឆ្លងខ្លាំង។

ការស្រាវជ្រាវខ្លះបង្ហាញថា បើប្រៀបធៀបទៅនឹង កូវីដ-១៩ទម្រង់ដើម, វីរុស Delta មានមេរោគច្រើនជាង ១,០០០ ដង នៅក្នុងច្រមុះនិងផ្លូវដង្ហើមរបស់អ្នកដែលឆ្លង។

លោក Todd Bell បានប្រៀបធៀបវ៉ាក់សាំង ទៅនឹងអាវក្រោះការពារគ្រាប់ប្រឆាំង Delta។ លោកក៏បានគាំទ្រការលើកឡើងរបស់ CDC ផងដែរ ដែលនិយាយថា​​ ម៉ាស់គឺជាវិធីដែលអាចជួយកាត់បន្ថយហានិភ័យនៃការឆ្លងបាន។

វីរុសបំប្លែងខ្លួន Delta មើលទៅអាច និងមានសកម្មភាពប្រហាក់ប្រហែលនឹងកូវីដទម្រង់ដើម ប៉ុន្តែក្រុមគ្រូពេទ្យបានកត់សម្គាល់ឃើញភាពខុសគ្នាខ្លះៗ។

គ្រុនក្តៅនិងក្អក គឺជារោគសញ្ញានៃវីរុសទាំងពីរប្រភេទនេះ ប៉ុន្តែអាការឈឺក្បាល តឹងច្រមុះ ឈឺបំពង់ក និងហៀរសំបោរ គឺជារោគសញ្ញាកើតឡើងច្រើនបំផុតលើអ្នកឆ្លង Delta។ ការកណ្តាស់ញឹកញាប់ក៏ជារោគសញ្ញាដែរ។

ការបាត់បង់រសជាតិនិងក្លិន ដែលត្រូវបានគេចាត់ទុកថាជារោគសញ្ញាសំខាន់នៃមេរោគដើម គឺអាចកើតឡើងប៉ុន្តែមិនសូវញឹកញាប់ទេ ចំពោះអ្នកឆ្លង Delta៕

ប្រែសម្រួល៖ Vann Vann

ប្រភព៖​ Wear TV

ចុចអាន៖ បង្ហាញមូលហេតុ វីរុសបំប្លែងខ្លួន Delta ឆ្លងសាហាវ ធ្វើឲ្យគ្រប់គ្នាភ័យខ្លាច