សុខភាព

កុំប្រហែសឲ្យសោះ! មូលហេតុដែលធ្វើឲ្យរាងកាយមានកង្វះជាតិដែក ប្រែជាស្លេកស្លាំង

បានផុស

៤ years មុន

នៅ

ថ្ងៃអង្គារ ១០ សីហា ២០២១

ដោយ

ជាតិដែកគឺជាសារធាតុចិញ្ចឹមដ៏សំខាន់ និងចាំបាច់សម្រាប់រាងកាយមនុស្សគ្រប់វ័យ។ អាយុលូតលាស់កាន់តែចាស់ ត្រូវការជាតិដែកច្រើនដូចជានៅវ័យកុមារ។ ទោះយ៉ាងណា មនុស្សវ័យជំទង់និងស្ត្រីមានផ្ទៃពោះ គឺមិនអាចខ្វះបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើកង្វះជាតិដែកគឺជាអ្វី?

ភាពស្លេកស្លាំងគឺជាភាពមិនប្រក្រតី ដែលបណ្ដាលមកពីកង្វះជាតិដែក។ ជាធម្មតាវាបណ្ដាលមកពីកង្វះជាតិដែក នៅក្នុងអាហារដែលទទួលទាន ឬមកពីការហូរឈាមរ៉ាំរ៉ៃ ដូចជាដំបៅក្រពះឬពោះវៀន។

មូលហេតុនៃជំងឺនេះ

កង្វះជាតិដែក គឺជាមូលហេតុចម្បងនៃភាពស្លេកស្លាំង ដែលបណ្ដាលឲ្យមានជំងឺខ្វះឈាមនិងខ្វះជាតិដែក។ វាច្រើនកើតមានឡើងនៅក្នុងប្រទេសអភិវឌ្ឍន៍ និងប្រទេសកំពុងអភិវឌ្ឍន៍។ នៅក្នុងប្រទេសអភិវឌ្ឍន៍ច្រើនកើតលើស្ត្រីដែលមករដូវ (ប្រហែល ៤-៨ភាគរយ) នេះបណ្ដាលមកពីការបាត់បង់ឈាម ដោយសារការមករដូវឬកង្វះជាតិដែកក្នុងពេលមានផ្ទៃពោះ ឬបំបៅដោះកូន ព្រោះវាជាពេលវេលាដែលរាងកាយត្រូវការជាតិដែកខ្ពស់។

ស្វែងយល់ពីអត្ថប្រយោជន៍នៃជាតិដែក

១ ជួយបង្កើតប្រព័ន្ធភាពស៊ាំប្រឆាំងនឹងជំងឺ ជំនួយការលូតលាស់កោសិកាខួរក្បាល ទាក់ទងនឹងការយល់ដឹងនិងការចងចាំ ។

២ ជួយដល់មុខងារសាច់ដុំ និងជាសមាសធាតុនៃអង់ស៊ីមនៃថាមពល។ ដោយសាររាងកាយមិនទទួលបានជាតិដែកគ្រប់គ្រាន់ពីអាហារ និងថែមទាំងមានជំងឺរ៉ាំរ៉ៃ ដែលបណ្ដាលឲ្យស្រូបយកជាតិដែកតិច ដូចជាជំងឺរលាកក្រពះរ៉ាំរ៉ៃ ឬអូតូអ៊ុយមីនជាដើម។

ដូច្នេះហើយ ចំពោះស្ត្រីដែលមានអាយុ ១៥ និង ៥០ ឆ្នាំ គួរតែទទួលបានជាតិដែកប្រហែល ១៥ មីលីក្រាមក្នុងមួយថ្ងៃ។ ប្រសិនបើពួកគេមានអាយុ ៥០ ឬចាស់ជាងនេះ ត្រូវការជាតិដែក ១០ មីលីក្រាមក្នុងមួយថ្ងៃ។

ដើម្បីសុវត្ថិភាពសុខភាព វាជាការល្អបំផុតដែលត្រូវពិនិត្យមើលបរិមាណជាតិដែកនៅក្នុងខ្លួន។ ប៉ុន្តែការទទួលទានជាតិដែកច្រើន អាចបណ្តាលឲ្យរាងកាយយកជាតិដែកចេញទាំងស្រុង ហើយប៉ះពាល់យ៉ាងធ្ងន់ធ្ងរដល់មុខងារថ្លើម៕

ប្រែសម្រួល៖ សាង ស្រីល័ក្ខ

ចុចអាន៖ឧស្សាហ៍ឈឺក្បាលប្រកាំង ត្រូវប្រយ័ត្នក្នុងការហូបអាហារខាងក្រោមនេះដាច់ខាត

ចុចអាន៖ទម្លាប់អាក្រក់ ៥ យ៉ាង បំផ្លាញសុខភាពដោយស្ងៀមស្ងាត់ គ្រោះថ្នាក់ដូចការជក់បារីដែរ