សុខភាព
ផឹកទឹកដោះគោមួយកែវមុនចូលគេង ផ្ដល់អត្ថប្រយោជន៍ច្រើនដល់សុខភាព
ទឹកដោះគោស្រស់គឺមានប្រយោជន៍ច្រើនដល់សុខភាពដោយសារទឹកដោះគោស្រស់សម្បូរដោយវីតាមីន និងជាតិរ៉ែ។ អ្នកជំនាញជឿថាការផឹកទឹកដោះគោស្រស់មុនចូលគេងអាចជួយបន្ធូរអារម្មណ៍ និងគេងលក់ស្រួលជាងមុនបន្ទាប់ពីធ្វើការពេញមួយថ្ងៃ។ យកល្អយើងគួរផឹកទឹកដោះគោមុនចូលគេង៣ម៉ោង និងកុំផឹកទឹកដោះគោច្រើនមុនចូលគេងព្រោះអាចផ្តល់ផលប៉ះពាល់អវិជ្ជមានដល់ប្រព័ន្ធរំលាយអាហារទៅវិញ។
១. គេងលក់ស្រួល
ការផឹកទឹកដោះគោមុនចូលគេងគឺអាចជួយឲ្យគុណភាពដំណេកកាន់តែល្អ។ នេះមកពីទឹកដោះគោមានសារធាតុ tryptophan និង bioactive peptideដែលជួយដល់ដំណេក។ ក្នុងករណីដែលគ្នាយើងមួយចំនួនមានបញ្ហាក្នុងការគេងដោយសារស្ត្រេស ទឹកដោះគោមួយកែវគឺអាចជួយឲ្យគេងលក់ស្រួល និងទទួលបានដំណេកគ្រប់គ្រាន់។
២. សម្រកទម្ងន់
ការផឹកទឹកដោះគោនៅពេលយប់អាចជួយឲ្យយើងមានអារម្មណ៍ឆ្អែត និងមិនភ្ញាក់ដោយសារតែឃ្លាន។ គ្នាយើងអាចទប់ស្កាត់ការឃ្លានអាហារសម្រន់នៅពេលយប់ជាមួយនឹងទឹកដោះគោក្ដៅឧណ្ហៗដោយមិនចាំបាច់បារម្ភថានឹងឡើងទម្ងន់។ បន្ថែមពីនេះ ទឹកដោះគោក៏ជាប្រភពប្រូតេអ៊ីនដ៏សំខាន់ដែលជួយរក្សាកម្រិតជាតិស្ករក្នុងឈាម និងធានានូវកម្រិតថាមពលឲ្យគ្រប់គ្រាន់។ យកល្អយើងគួរផឹកទឹកដោះគោមានជាតិខ្លាញ់តិច។
៣. សុខភាពឆ្អឹង
ទឹកដោះគោមានវីតាមីន D ខ្ពស់ដែលរាងកាយត្រូវការដើម្បីស្រូបយកកាល់ស្យូមដែលជាសារធាតុសំខាន់សម្រាប់សុខភាពឆ្អឹង។ វីតាមីន D ក៏អាចជួយទប់ស្កាត់ការកើតឡើង និងការប៉ះពាល់បង្កដោយជំងឺពុកឆ្អឹង ជំងឺបេះដូង និងជំងឺទឹកនោមផ្អែមដែរ។
៤. សុខភាពស្បែក
ការផឹកទឹកដោះគោពេលយប់ក៏មានប្រយោជន៍ដល់ស្បែកដែរ។ ការផឹកទឹកដោះគោជាប្រចាំអាចជួយឲ្យស្ថានភាពស្បែកកាន់តែល្អ។ ទឹកដោះគោមានវីតាមីន B12ដែលអាចជួយបង្ការការបាត់បង់ភាពយឺតរបស់ស្បែក និងខូឡាជែន។ រីឯវីតាមីន A ក្នុងទឹកដោះគោអាចជួយដល់ការផលិតកោសិកាថ្មី និងប្រឆាំងបញ្ហាស្បែកផ្សេងៗដែលនេះអាចជួយឲ្យស្បែកស្អាតរលោង។
៥. ផ្តល់ថាមពល
ការផឹកទឹកដោះគោក្ដៅឧណ្ហៗមុនគេងអាចផ្តល់ថាមពលដល់យើងនៅថ្ងៃបន្ទាប់។ យើងនឹងភ្ញាក់ពីគេងដោយមានថាមពលដែលអាចជួយឲ្យយើងចាប់ផ្តើមថ្ងៃថ្មីជាមួយនឹងស្មារតីល្អ និងសកម្មពេញមួយថ្ងៃ។
៦. កាត់បន្ថយស្ត្រេស
ផឹកទឹកដោះគោមួយកែវមុនចូលគេងអាចកាត់បន្ថយស្ត្រេសបាន។ នេះមកពីប្រូតេអ៊ីន និង Lactium ក្នុងទឹកដោះគោមានឥទ្ធិពលវិជ្ជមានទៅលើរាងកាយដោយបញ្ចុះសម្ពាធឈាម សម្រាកសាច់ដុំ និងបន្ថយកម្រិតអ័រម៉ូន Cortisol ដែលរាងកាយបញ្ចេញនៅពេលស្ត្រេស។ រីឯ Lactium អាចមានឥទ្ធិពលលើរ៉េស៊ិបទ័ររបស់ខួរក្បាលដើម្បីគ្រប់គ្រងស្ត្រេស និងអាការៈថប់បារម្ភ។
៧. គ្រប់គ្រងកម្រិតកូលេស្តេរ៉ូល
ផឹកទឹកដោះគោមានជាតិខ្លាញ់ទាប ឬគ្មានជាតិខ្លាញ់អាចបញ្ចុះកម្រិតកូលេស្តេរ៉ូលបាន ព្រោះប្រូតេអ៊ីនក្នុងទឹកដោះគោអាចបន្ថយកម្រិតជាតិខ្លាញ់អាក្រក់ (LDL) និងបង្កើនកម្រិតជាតិខ្លាញ់ល្អ (HDL) ក្នុងរាងកាយ។ ម៉្យាងទៀត ទឹកដោះគោសម្បូរដោយវីតាមីន A វីតាមីន D និងកាល់ស្យូមដែលសុទ្ធតែល្អសម្រាប់សុខភាពបេះដូង។
៨. សម្រួលដល់ការរំលាយអាហារ
ការលាយទឹកឃ្មុំជាមួយនឹងទឹកដោះគោផ្តល់ប្រយោជន៍ច្រើនដល់សុខភាព។ ការផឹកទឹកដោះគោលាយជាមួយនឹងទឹកឃ្មុំមុនចូលគេងអាចជួយដល់សុខភាពប្រព័ន្ធរំលាយអាហារ។ ទឹកដោះគោនៅពេលលាយជាមួយនឹងទឹកឃ្មុំនឹងក្លាយជា prebiotic ដែលជួយដល់ការលូតលាស់នៃបាក់តេរីល្អ និងកម្ចាត់បាក់តេរីអាក្រក់ដែលបង្កជំងឺក្នុងពោះវៀន។
៩. ការពារពីជំងឺផ្ដាសាយ និងក្អក
ការផឹកទឹកដោះគោក្ដៅឧណ្ហៗលាយជាមួយនឹងម្សៅល្មៀតបន្តិចនៅពេលយប់គឺជាឱសថធម្មជាតិមួយដែលជួយបន្ធូរអាការៈជំងឺផ្ដាសាយ និងក្អក។ សារធាតុប្រឆាំងអុកស៊ីតកម្ម និងបាក់តេរីនៅក្នុងទឹកដោះគោលាយនឹងម្សៅល្មៀតជួយពន្លឿនការជាសះស្បើយក៏ដូចជាបង្ការការឆ្លងដែរ។
១០. ប្រឆាំងនឹងជំងឺពោះវៀន
ការផឹកទឹកដោះគោត្រជាក់នៅពេលយប់អាចបន្ធូរអាការៈឡើងអាស៊ីដក្នុងក្រពះ និងជួយសម្រួលដល់ការទល់លាមក និងការហើមពោះជាដើម។ នេះមកពីអាស៊ីដ lactic មានក្នុងទឹកដោះគោអាចជួយបន្សាបការកើនឡើងនៃអាស៊ីដក្នុងក្រពះ។ ម៉្យាងទៀតទឹកដោះគោមានកាល់ស្យូមខ្ពស់អាចស្រូបយកបរិមាណអាស៊ីដលើសដែលក្រពះបានបញ្ចេញមក៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ពោះទទេ ញ៉ាំទឹកដោះគោបានអត់?
ចុចអាន៖ ពិតឬចចាមអារ៉ាម ល្បីថា យ៉ាអួ ជួយដល់អ្នកធ្លាក់ទឹកចិត្តឲ្យប្រសើរ ពីជំងឺលាក់មុខនេះ
ឈ្វេងយល់ពីនីតិវិធីនៃការដកខ្លួនចេញពីកិច្ចសហប្រតិបត្តិការCLV-DTA
តើក្រុមហេសបូឡានៅលីបង់ជានរណា និង ហេតុអ្វីត្រូវធ្វើសត្រូវជាមួយអ៊ីស្រាអែល?
តុលាការកំពូល បំភ្លឺអង្គហេតុ និងច្បាប់ ជុំវិញវិវាទដីធ្លីនៅវត្តចង្ក្រានតាព្រហ្មស្ទឹងមានជ័យ
ជំនឿកប់សពរួមក្នុងព្រៃជនជាតិដើមភាគតិចខេត្តមណ្ឌលគិរីដាក់ពាងចំណាំំ ចែកតាមឋានៈគ្រួសារ
លោក វង្សី វិស្សុត៖ ពិព័រណ៍ចិន-អាស៊ាន បានក្លាយជាវេទិកាសំខាន់ដើម្បីជំរុញសកលភាវូបនីយកម្ម និងសេរីភាវូបនីយកម្មនៃការធ្វើពាណិជ្ជកម្ម
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
រលកយក្សស៊ូណាមិតូចមួយវាយប្រហារប្រជុំកោះ Izu របស់ជប៉ុន
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
កម្ពស់ទឹកទន្លេមេគង្គខេត្តក្រចេះខ្វះតែ ០,៦០ ម៉ែត្រទៀត ដល់កម្រិតប្រកាសឲ្យប្រុងប្រយ័ត្ន
សារមន្ទីរជាតិ សោកស្តាយយ៉ាងខ្លាំងចំពោះយុវជនខ្មែរមួយចំនួនសម្រុកផ្លោះរបងចូលសារមន្ទីរពេល Ishowspeed ទៅទស្សនាទីនោះ
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ សប្តាហ៍ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ៨ ម៉ោង agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ