សុខភាព

សូមប្រយ័ត្នក្រិនថ្លើមដោយមិនដឹងខ្លួន

បានផុស

៤ years មុន

នៅ

ថ្ងៃសុក្រ ១៣ សីហា ២០២១

ដោយ

Sorn Phanith

ជំងឺក្រិនថ្លើម និងដុំសាច់មហារីកថ្លើម មានអត្រាកើនឡើងជាលំដាប់។ ជំងឺនេះបង្កឡើងដោយមូលហេតុចម្បងបីគឺ៖

– វីរុសរលាកថ្លើមប្រភេទ B ឬ C

– ការបរិភោគស្រាច្រើនហួសកម្រិតជាដើម

– ការប្រើប្រាស់ថ្នាំច្រើនហួសកម្រិត និងរយៈពេលវែង

នៅប្រទេសកម្ពុជាយើង វីរុសរលាកថ្លើមប្រភេទ B មានអត្រាច្រើនជាង ហើយក៏ជាមូលហេតុដ៏ចម្បង ដែលបង្កជាជំងឺមហារីកថ្លើម។ ការយល់ដឹងពីវិធីសាស្ត្រនៃការព្យាបាល ជាគោលសំខាន់ៗសម្រាប់វីរុសរលាកថ្លើមប្រភេទ B នេះ គឺមានសារៈសំខាន់បំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្យាបាលជំងឺរលាកថ្លើមប្រភេទ B នេះមាន ២ ដំណាក់កាលសំខាន់គឺ៖

ក- ដំណាក់កាលទី១៖ ការប្រើថ្នាំដើម្បីកម្ចាត់វីរុស មិនឲ្យមានវីរុសក្នុងឈាមទៀត ដែលជាទូទៅវាត្រូវការរយៈពេលចាប់ពី ៣ខែ ទៅ៦ខែ ទៅតាមបរិមាណនៃចំនួនវីរុស។ ប៉ុន្តែពេលដែលអស់វីរុសនេះ មិនមែនមានន័យថា អ្នកជំងឺបានជាសះស្បើយនោះទេ ព្រោះវានៅមានវីរុសនៅជាប់នឹងកោសិកាថ្លើមរបស់យើង ដែលវាអាចបង្កើតវីរុសមកវិញបានគ្រប់ពេល។

ខ- ដំណាក់កាលទី២៖ ការគ្រប់គ្រងកុំឲ្យមានវីរុសឡើងវិញ។ ដំណាក់កាលនេះមានសារៈសំខាន់ណាស់ ដើម្បីទប់កុំឲ្យ មានការផលិតវីរុសនេះចូលមកក្នុងឈាមវិញ ដែលអាចបង្កអោយខូចសាច់ថ្លើមបន្តទៀត។ ការព្យាបាលនេះវាត្រូវការរយៈពេល អាចពី ១ឆ្នាំ ទៅ ៥ឆ្នាំព្រោះវាអាស្រ័យលើប្រព័ន្ធការពាររបស់យើង ថាអាចបង្កើតអង់ទីករបានឬទេ (ជាទូទៅមានប្រហែល ៥%ប៉ុណ្ណោះ ដែលអ្នកទទួលការព្យាបាល អាចមានការកកើតប្រព័ន្ធការពារវីរុសនេះ) បើអង់ទីករដុះ និងមានចំនួនគ្រប់គ្រាន់ទើបយើងអាចបញ្ឈប់ការព្យាបាលបាន។

Cirrhosis patients not getting all the support they need - QIMR Berghofer

ទោះយ៉ាងណាក៏ដោយ លោក លោកស្រីមិនត្រូវអស់សង្ឃឹមនោះទេ ព្រោះថាបើអនុវត្តន៍តាមដានពិនិត្យ និងព្យាបាលបានត្រឹមត្រូវ គ្រូពេទ្យជំនាញអាចជួយព្យាបាលជំងឺថ្លើមបាន ដោយជៀសវាងពីការក្រិន និងមានដុំសាច់ក្នុងថ្លើម។

ប្រសិនបើលោក លោកស្រីមានបញ្ហាប្រឈមដូចខាងលើនេះ សូមមេត្តាប្រញាប់មកពិគ្រោះជាមួយក្រុមការងារវេជ្ជបណ្ឌិតឯកទេសជំនាញនៃមន្ទីរពេទ្យកាល់ម៉ែត ដើម្បីទទួលបានការធ្វើរោគវិនិច្ឆ័យ និងវិធីសាស្ត្រនៃការព្យាបាលឲ្យបានឆាប់រហ័ស ប្រសិទ្ធភាពខ្ពស់៕

អត្ថបទ៖ រស្មី

សូមចុចអាន៖ នេះជារោគសញ្ញាឡើងជាតិអាស៊ីតអ៊ុយរិកក្នុងឈាម ដែលគ្រប់គ្នាគួរប្រុងប្រយ័ត្ន

Related Topics:ក្រិនថ្លើម