សុខភាព

ហូបសឹងរាល់ថ្ងៃ មានដឹងអាហារទាំងនេះ ផ្ទុកវីតាមីន D ដែលជួយបង្កើតភាពស៊ាំ ទប់ទល់នឹងវីរុសគ្រប់ប្រភេទ

បានផុស

៣ years មុន

នៅ

ថ្ងៃចន្ទ ១៦ សីហា ២០២១

ដោយ

លោកវេជ្ជបណ្ឌិត Suwanchai អគ្គនាយកនៃអគ្គនាយកដ្ឋានសុខាភិបាលថៃបានបង្ហាញថា ដោយសារតែការរីករាលដាលនៃជំងឺកូវីដនិងវីរុសបំប្លែងខ្លួនគ្រប់ប្រភេទ បន្ថែមពីលើវិធានការមួយចំនួនដូចជា ការពាក់ម៉ាស់ពេលចេញពីផ្ទះ ឬនៅក្នុងផ្ទះលាងដៃឲ្យបានញឹកញាប់ ជ្រើសរើសរបបអាហារដែលមានសុខភាពល្អ សំបូរប្រូតេអ៊ីននិងវីតាមីនខ្ពស់ នឹងជួយលើកកម្ពស់សុខភាពរាងកាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារដែលមានផ្ទុកវីតាមីន D ជាវីតាមីនជួយបង្កើតភាពស៊ាំទប់ទល់នឹងជំងឺបច្ចុប្បន្ននេះ។ ជារឿយៗវាត្រូវបានគេរកឃើញនៅក្នុងអាហារទាំងនេះ៖ ត្រីទីឡាយ៉ា ត្រីកំផ្លៀង ត្រីសាលម៉ុង ត្រីធូណាកំប៉ុង ត្រី McCoral ស៊ុត ថ្លើម ទឹកដោះគោ ផ្សិត ជាដើម។

បើទោះបីមាតិកាវីតាមីន D ល្អសម្រាប់សុខភាព តែវាក៏ត្រូវសមស្របសម្រាប់អាយុនីមួយៗក្នុងមួយថ្ងៃគឺក្នុងការទទួលទាន៖ អាយុពី ៦ ទៅ ១២ ខែគួរតែទទួលបាន ១០ មីក្រូក្រាមក្នុងមួយថ្ងៃ។ អាយុ ១ ទៅ ៧០ ឆ្នាំគួរតែទទួលបាន ១៥ មីក្រូក្រាមក្នុងមួយថ្ងៃ។ មនុស្សចាស់ដែលមានអាយុលើសពី ៧០ ឆ្នាំគួរតែទទួលបាន ២០ មីក្រូក្រាមក្នុងមួយថ្ងៃ។

គ្រោះថ្នាក់ប្រសិនបើអ្នកទទួលបានវីតាមីន D ច្រើនពេក

បើអ្នកទទួលបានវីតាមីន D ច្រើនពេកវាក៏អាចប៉ះពាល់ដល់រាងកាយ ដែលដោយហៅថាពុល ព្រោះវាផ្តល់វីតាមីន D ច្រើនពេកដែលបង្កគ្រោះថ្នាក់ដល់កុមារនិងមនុស្សវ័យចំណាស់ ហើយចំពោះខ្លះទៀតមានរោគសញ្ញាធ្ងន់ធ្ងរ អាចស្លាប់ដោយសារខ្សោយសរីរាង្គនៅក្នុងរាងកាយ។

បើទទួលបានបរិមាណតិចពេកឬកង្វះវីតាមីន D ក៏អាចបណ្ដាលឲ្យមានជំងឺឆ្អឹង។ ចំពោះកុមារអាចប្រែជាឆ្អឹងខ្ចី ចំពោះមនុស្សធំមានការប្រកាច់ឬពុកធ្មេញ ព្រមទាំងអាចបង្កការឆ្លងមេរោគក្នុងផ្លូវដង្ហើមបានយ៉ាងងាយស្រួល។

ប៉ុន្តែរាងកាយក៏អាចទទួលបានវីតាមីន D ពីពន្លឺព្រះអាទិត្យក្នុងកំឡុងពេលសកម្មភាពក្រៅ ឬលំហាត់ប្រាណដោយស្បែកត្រូវពន្លឺព្រះអាទិត្យយ៉ាងហោចណាស់ ១៥-២០ នាទីជារៀងរាល់ថ្ងៃ នៅចន្លោះម៉ោង ០៨ -១០ ។ ម៉ោង ៤.០០ រសៀលល្ងាចជាដើម៕

ប្រែសម្រួល៖សាង ស្រីល័ក្ខ

ចុចអាន៖ផ្សិតត្រចៀកកណ្ដុរស អាហារជួយប្រព័ន្ធការពាររាងកាយនៃសួត ទប់ទល់នឹងវីរុស

ចុចអាន៖ពិនិត្យខ្លួន! ស្រ្តេសដោយសារកូវីដ អាចមានរោគសញ្ញាទាំងនេះក្នុងរាងកាយ