សុខភាព
តើត្រូវសង្គ្រោះបែបណាពេលឃើញអ្នកគ្រោះថ្នាក់រលាកភ្លើង រលាកទឹកក្តៅ និងទឹកអាស៊ីត
មូលហេតុផ្សេងៗ ដែលបណ្តាលឲ្យរលាកដូចជាភ្លើង ទឹកក្តៅ ខ្លាញ់ក្តៅ ហ្គាសក្តៅ ឬឆេះសាំងរលាកដោយឆក់ខ្សែភ្លើង អាស៊ីត កាំរស្មី ជាដើម។ល។
ក) កម្រិតនៃការរលាក៖
ប្រសិនបើការរលាកស្បែកចាប់ពី ២០%ឡើងទៅ វាបណ្តាលឲ្យមាន៖
– ការឈឺចាប់ រលាកក្រហម ហើម រលួយ
– ក្តៅខ្លួន ឬត្រជាក់ខ្លួន បេះដួងដើរញាប់ ដង្ហើមញាប់ គ្រាប់ឈាមសឡើង
– បេះដូង និងសរសៃឈាម: វាបណ្តាលឲ្យសម្ពាធឈាមចុះ ឬ សុក
– ផ្លូវដង្ហើម: វាបណ្តាលឲ្យរលាកផ្លូវដង្ហើម រលាកសួត ឬហើមសួតធ្ងន់ធ្ងរ
– តម្រងនោម: វាបណ្តាលឲ្យខូចតម្រងនោមដោយសារ៖
+ បាត់បង់ជាតិទឹកនៅក្នុងខ្លួន
+ ការខូចសាច់ដុំនៅពេលរលាកដោយការឆក់ខ្សែភ្លើង
+ មេរោគនៅក្នុងឈាម
+ តម្រងនោមពុលដោយសារថ្នាំផ្សះ
ខ) មូលហេតុនៃការរលាកស្បែក៖
ការរលាកស្បែក គឺជាការបញ្ជូនថាមពលរវាងប្រភពកម្ដៅនឹងខ្លួនមនុស្សយើង។ មូលហេតុដែលបណ្តាលឲ្យរលាកស្បែកមាន:
– ការរលាកដោយកំដៅ (Brûlure thermique):
+ ប៉ះផ្ទាល់ជាមួយ ភ្លើង ទឹកក្តៅ ប្រេងក្តៅ ភ្លើងធ្យូង ដុំដែកក្តៅ ។ល។
+ ការឆាបសាំង អាល់កុល ហ្គាស
– ការឆក់ខ្សែភ្លើង (Brûlure électrique)
– អាស៊ីត: ភាពធ្ងន់ធ្ងរវាទាក់ទងទៅនឹងប្រភេទអាស៊ីត បរិមាណអាស៊ីត កំហាប់អាស៊ីត និងរយៈពេលនៃការប៉ះពាល់។
គ) កត្តាប្រឈមគ្រោះថ្នាក់ ដែលធ្វើឲ្យអ្នករងគ្រោះមានសភាពធ្ងន់ធ្ងរ៖
– អាយុៈ តិចជាង៥ឆ្នាំ ឬ ច្រើនជាង៦០ឆ្នាំ
– ភាគរយនៃការរលាក ចាប់ពី ៤០% ឡើងទៅ
– ការរលាកមានជម្រៅជ្រៅ
– ការរលាកដោយមានការបឺតចូលផ្លូវដង្ហើមនូវផ្សែងពុល
– មានការរលាកផ្លូវដង្ហើមរួមផ្សំ
– មានការប៉ះទង្គិចរួមផ្សំ
– ជនរងគ្រោះមានជំងឺរ៉ាំរ៉ៃប្រចាំកាយដូចជាៈ លើសឈាម ជំងឺទឹកនោមផ្អែម ជំងឺសួតរ៉ាំរ៉ៃ ។ល។
ឃ) វិធីជួយសង្គ្រោះ៖
ការជួយសង្គ្រោះបឋមគឺធ្វើឡើងដោយអ្នកឃើញហេតុការណ៍ផ្ទាល់ ឬអ្នកនៅជុំវិញជនរងគ្រោះទៅតាមប្រភេទ និងស្ថានការណ៍នីមួយៗ:
– អ្នកជួយសង្គ្រោះត្រូវមានសុវត្ថិភាពខ្លួនឯងជាចម្បងសិន។ ឧទាហរណ៍: ជនរងគ្រោះរលាកដោយសារការឆក់ខ្សែភ្លើង គឺយើងត្រូវបិទភ្លើងសិន។ បើរលាកដោយសារសារធាតុគីមី គឺយើងត្រូវពាក់ម៉ាស់ និងស្រោមដៃ។
– បញ្ឈប់រាល់មូលហេតុដែលបណ្តាលឲ្យរលាកស្បែក។ យកជនរងគ្រោះចេញឲ្យឆ្ងាយពីប្រភពរលាក ដោះសំលៀកបំពាក់ចេញ និងលាងសំអាតកន្លែងដែលរលាក។
– ប្រើប្រាស់ទឹកស្អាត ឬទឹកម៉ាស៊ីនដើម្បីបន្ថយកម្ដៅ និងការឈឺចាប់។
– ពន្លត់ភ្លើងក្នុងករណីមានការឆាបឆេះទៅលើជនរងគ្រោះ ដោយឲ្យជនរងគ្រោះដេកនៅលើដី រួចរមៀលឬយកអ្វីមួយមកគ្រប ឬយកទឹកមកបាចពន្លត់។
– ក្នុងករណីរលាកដោយសារសារធាតុគីមី ត្រូវលាងសំអាតនឹងទឹកឲ្យបានយូរ។
– ប្រសិនបើខ្ទាតចូលភ្នែក ក៏ត្រូវលាងសំអាតភ្នែកនឹងទឹកឲ្យបានយូរដែរ។
– ត្រូវគ្របដណ្តប់អ្នកជំងឺរលាកភ្លើងដោយក្រណាត់ស្អាត រួចបញ្ជូនទៅមន្ទីរពេទ្យដែលនៅជិតជាបន្ទាន់។
– អ្វីដែលយើងមិនត្រូវធ្វើមាន:
+ មិនត្រូវយក ម្សៅ ប្រេង ឬអ្វីផ្សេងៗ មកលាបលើមុខរបួសទេ
+ មិនត្រូវប្រើប្រាស់ទឹកកកទេ
+ មិនត្រូវលាងទឹកយូរពេក ដែលនាំឲ្យអ្នកជំងឺត្រជាក់ខ្លួនខ្លាំង ក៏ជាកត្តាគ្រោះថ្នាក់មួយដែរ។
ង) ការព្យាបាល៖
ប្រសិនបើកម្រិតនៃការរលាក ចំពោះក្មេងចាប់ពី ១០% ឡើងទៅ មនុស្សចាស់ចាប់ពី ២០% ឡើងទៅ សូមនាំអ្នកជំងឺមកមន្ទីរពេទ្យ ដើម្បីធ្វើការសង្គ្រោះ និងព្យាបាលឲ្យបានត្រឹមត្រូវ ជៀសវាងផលវិបាក និងជំងឺផ្សេងៗ ដែលកើតមានដោយសារការរលាក។
ក្រុមការងារគ្រប់ជំនាញនៃមន្ទីរពេទ្យកាល់ម៉ែត សូមជម្រាបលោក លោកស្រីមេត្តាប្រយ័ត្នប្រយែងនឹងគ្រោះថ្នាក់ជាយថាហេតុ និងសូមមេត្តាប្រញាប់ប្រញាល់មកទទួលការសង្គ្រោះជាបន្ទាន់ ករណីជួបប្រទះស្ថានការណ៍រៀបរាប់ខាងលើ៕
អត្ថបទ៖ រស្មី
សូមចុចអាន៖ ហាត់ប្រាណទាំងមានអាការឈឺចាប់លើរាងកាយល្អ ឬអត់?
សម្ដេចតេជោ៖ កម្ពុជាតែងតែចង់ធ្វើជាមិត្តល្អរបស់សហរដ្ឋអាមេរិក
លោកប្រធានកីឡាកាយសម្ព័ន្ធ ផ្តល់គន្លឹះ៥ចំណុចដើម្បីជោគជ័យស៊ីហ្គេម២០២៥
ក្រសួងអប់រំ នឹងកំណត់ស្តង់ដាការបណ្តុះបណ្តាលថ្នាក់បណ្ឌិតដើម្បីពង្រឹងគុណភាព និងគុណវុឌ្ឍិបណ្ឌិតនៅកម្ពុជា
កម្ពុជា និង វៀតណាមប្តេជ្ញាពង្រឹងសហប្រតិបត្តិការធុរកិច្ច និងពាណិជ្ជកម្ម
ក្នុងឆ្នាំ២០២៤ នាយករដ្ឋមន្ត្រីធ្វើទស្សនកិច្ចផ្លូវការទៅកាន់ប្រទេសចំនួន៨
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
រុស្ស៊ី ព្រមាន ត្រាំ មិនឲ្យសាកល្បងអាវុធនុយក្លេអ៊ែរ
រុស្ស៊ីបិទព្រលានយន្តហោះ៤កន្លែងនៅមូស្គូដោយបញ្ហាសន្តិសុខ ខណៈសង្គ្រាមកាន់តែកញ្ជ្រោលខ្លាំង
មន្ត្រីជាន់ខ្ពស់ការងារ បន្តអំពាវនាវម្ចាស់ផ្ទះជួល និងអ្នកលក់ទំនិញ កុំតម្លើងថ្លៃតាមប្រាក់ឈ្នួលកម្មករ
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៤ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍១ សប្តាហ៍ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៧ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ៧ ថ្ងៃ agoកម្ពុជាបានចំណាយជាង២,១៨ពាន់លានដុល្លារលើការនាំចូលប្រេងឥន្ធនៈក្នុងរយៈពេល១១ខែ
-
ព័ត៌មានអន្ដរជាតិ៧ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ