សុខភាព

សូមប្រយ័ត្ន កើតជំងឺគ្រាប់គ្រួសធ្លាក់ថ្ពក់ ជាប់នៅរុនបង្ហូរនោម

បានផុស

៣ years មុន

នៅ

ថ្ងៃសុក្រ ២០ សីហា ២០២១

ដោយ

គ្រាប់គ្រួសថ្ពក់ជាប់នៅបង្ហូរនោម គឺជាការរមៀលធ្លាក់ចុះនៃគ្រាប់គ្រួសដែលកកើតនៅក្នុងតម្រងនោម ឬប្លោកនោម ហើយនៅពេលអ្នកជំងឺបត់ជើងតូច គ្រាប់គ្រួសនោះក៏ធ្លាក់មកថ្ពក់ជាប់នឹងបង្ហូរនោម ដែលជាផលវិបាកមិនអាចឱ្យទឹកនោមធ្លាក់ចេញមកក្រៅបាន ជាហេតុធ្វើឱ្យមានការស្ទះនោមស្រួចស្រាវ ដែលភាសាបច្ចេកទេសហៅថា Rétention Aiguë d’Urine។ ជំងឺនេះអាចកើតលើបុរស ពិសេសបុរសពេញវ័យ ក្នុងករណីតិចតួចក៏មានកើតលើស្ត្រីផងដែរ។

Gluing your urethras shut is not a good idea for contraception | Metro News

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១) រោគសញ្ញា៖

រោគសញ្ញាដែលស្ដែងចេញឱ្យយើងចាប់អារម្មណ៍មានដូចជាៈ

– សភាពអ្នកជំងឺឡេះឡះ

– ពិបាកទ្រាំ

– ខ្សោយកម្លាំង

– ចុកពោះលើថ្ងាស

– ពិបាកនោម

– នោមក្រហល់ក្រហាយ

– ទំហំទឹកនោមតូច នោមតិចមិនចង់ចេញ

– ជួនក្ដៅខ្លួន ទឹកនោមល្អក់

– ស្ទះនោមជិតឈឹង

– មានទឹកនោមប៉ោងលើថ្ងាស

– បើគ្រាប់គ្រួសធ្លាក់មកផ្នែកក្រោមនៃបង្ហួរនោមយើងអាចស្ទាបឃើញ ។

Cek Efektivitas Jumping Urine Atasi Susah Kencing!

២) ការធ្វើរោគវិនិច្ឆ័យ៖

តើយើងអាចដឹងថា គ្រាប់គ្រួសថ្ពក់ជាប់បង្ហួរនោមដោយវិធីណា ?

– ពិនិត្យអេកូសាស្ដ្រ

– ថតកាំរស្មីអ៊ិច

៣) វិធីព្យាបាល៖

ដំណោះស្រាយនៃការព្យាបាលរួមមានៈ

ក. បើគ្រាប់គ្រួសថ្ពក់ជាប់បង្ហួរនោមផ្នែកខាងលើៈ

– យើងអាចបាញ់គ្រាប់គ្រួស បញ្ចូលក្នុងប្លោកនោម (Pression Hydrostatique) រួចយើងឆ្លុះបំបែកគ្រាប់គ្រួស ក្នុងប្លោកនោមជាក្រោយ ។

បញ្ជាក់៖ ជៀសវាងការវះកាត់បង្ហួរនោមយកគ្រួសចេញ ដែលជាហេតុធ្វើឱ្យបង្ហួរនោមរួមតូច។

ខ. បើគ្រាប់គ្រួសថ្ពក់ជាប់បង្ហួរនោមផ្នែកខាងក្រោម (Méat Uréthral):

– យើងអាចបំបែកគ្រួសដោយចុង Pince មុខវែង។

៤) ផលវិបាក៖

បញ្ហាប្រឈមដែលយើងធ្លាប់ជួបប្រទះ ចំពោះអ្នកជំងឺដែលពុំបានទទួលការព្យាបាល ឬក៏ទទួលការព្យាបាលពុំបានត្រឹមត្រូវមានដូចជាៈ

– ការបង្ករោគធ្ងន់ធ្ងរតាមប្លោកនោម បង្ហួរនោម

– រលាកប្លោកនោម បង្ហួរនោមរ៉ាំរ៉ៃ

– បង្ហួរនោមរួមតូច

– បង្ហួរនោមស្ទះជិតឈឹង

Kidney Stones: Early Warning Signs and Symptoms | Shield HealthCare

៥) ដំបូន្មានក្រុមគ្រូពេទ្យជំនាញឯកទេសវះកាត់ប្រព័ន្ធទឹកនោម៖

សូមបងប្អូនប្រជាពលរដ្ឋយើងទាំងអស់ ដែលមានការសង្ស័យ ឬមានជំងឺស្ទះទឹកនោមស្រួចស្រាវដែលបណ្តាលមកពីគ្រាប់គ្រួសថ្ពក់ជាប់បង្ហួរនោម ដែលមានសញ្ញាដូចបានរៀបរាប់ជូនខាងលើសូមមេត្តាអញ្ជើញមកទទួលការពិគ្រោះ ជាមួយក្រុមការងារវេជ្ជបណ្ឌិតជំនាញ ឯកទេសវះកាត់ប្រព័ន្ធទឹកនោមនៃមន្ទីរពេទ្យកាល់ម៉ែត ដើម្បីទទួលបានការវិភាគរោគវិនិច្ឆ័យប្រាកដជាក់លាក់មួយ ដោយឈរលើសមត្ថភាពជំនាញ និងបទពិសោធន៍ខ្ពស់ ជាមួយនឹងឧបករណ៍ទំនើបស្វ័យប្រវត្តិ បំបែកគ្រាប់គ្រួសតាមរយៈម៉ាស៊ីនឡាហ្សែរ LASER៕