សុខភាព

ប្រព័ន្ធភាពស៊ាំចុះខ្សោយហើយ បើឃើញសញ្ញាទាំង ៤ នេះ

បានផុស

៣ years មុន

នៅ

ថ្ងៃសុក្រ ២០ សីហា ២០២១

ដោយ

Sonya

គ្នាយើងធ្លាប់ឆ្ងល់ទេម៉េចបានជាពេលខ្លះចេះតែផ្ដាសាយ ឬរាករូសញឹកញាប់? បើសិនជាយើងឧស្សាហ៍មានអាការទាំងនេះ យើងប្រហែលជាមានប្រព័ន្ធភាពស៊ាំចុះខ្សោយហើយ។ ខាងក្រោមនេះជាសញ្ញាមួយចំនួនគ្នាយើងគួរដឹង។

១. របួសមិនងាយជាសះស្បើយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលយើងមុតដៃ មុតជើង ឬមានរបួសដោយប្រការមួយចំនួនផ្សេងទៀត ប្រព័ន្ធភាពស៊ាំរបស់យើងនឹងចេញធ្វើការភ្លាមៗដែរ។ ពេលមុត ឬមានរបួស ដំណើរការប្រឆាំងការឆ្លងមេរោគនឹងចាប់ផ្ដើមដោយកោសិកាឈាមសចេញជួយប្រឆាំងនឹងការឆ្លងមេរោគ ហើយឈាមក្រហមវិញជួយបង្កើតជាលិកាថ្មី។ ប៉ុន្តែបើយើងមានបញ្ហាប្រព័ន្ធភាពស៊ាំចុះខ្សោយវិញ ដំណើរការទាំងនេះនឹងត្រូវស៊ីពេលយូរ នាំឲ្យរបួសរបស់យើងមិនងាយជាសះស្បើយនោះទេ។

ចំណាំ៖ បើយើងមានជំងឺប្រចាំកាយ នោះនឹងនាំឲ្យចរន្តឈាមដើរមិនបានល្អ ដូចជាជំងឺទឹកនោមផ្អែម ជាដើម។ ករណីបែបនេះយើងត្រូវជួបពិភាក្សាជាមួយគ្រូពេទ្យ។

២. ឧស្សាហ៍ឆ្លងរោគនៅច្រមុះ និងត្រចៀក

How to Protect Your Lobe During Stretching – Credihealth Blog

គ្នាយើងអាចចំណាំមើលថាតើយើងមានឆ្លងរោគនៅត្រចៀក ឬច្រមុះញឹកញាប់ឬទេ បើមានច្រើនជាង៣ទៅ៤ដងក្នុងមួយឆ្នាំ នោះអាចថាយើងកំពុងមានបញ្ហាប្រព័ន្ធភាពស៊ាំធ្លាក់ចុះហើយ។ ដូចគ្នាដែរ បើយើងមានជំងឺផ្លូវដង្ហើមពីរដងក្នុងមួយឆ្នាំ ឬក៏ត្រូវប្រើឆ្នាំផ្សះលើសពីពីរដងក្នុងមួយឆ្នាំ ក៏អាចថាយើងមានបញ្ហាប្រព័ន្ធភាពស៊ាំចុះខ្សោយដូចគ្នា។

ចំណាំ៖ បើយើងមានបញ្ហាបែបនេះគួរទៅជួបពិភាក្សាជាមួយវេជ្ជបណ្ឌិតជំនាញខាងអាលែកហ្ស៊ី និងប្រព័ន្ធភាពស៊ាំ ដោយគ្រូពេទ្យអាចជួយយើងអំពីបញ្ហានេះបាន។

៣. ផ្ដាសាយញឹកញាប់

Young Asian woman is sick and sleeping in bed. 2315199 Stock Photo at Vecteezy

ទោះបីជាជំងឺផ្ដាសាយអាចមើលទៅដូចជាមិនសូវធ្ងន់ធ្ងរ ដូចការឆ្លងរោគដែលបានរៀបរាប់ក្នុងចំណុចខាងលើ តែវាក៏រំខានយើងខ្លាំងណាស់ដែរ។ បើយើងតែងជួបបញ្ហានេះ អាចថាប្រព័ន្ធភាពស៊ាំរបស់យើងកំពុងចុះខ្សោយដែរហើយ។

ចំណាំ៖ ការជួបបញ្ហាឆ្លងរោគនេះញឹកញាប់អាចមកពីយើងខ្វះវីតាមីន D ហើយ ដែលនេះយើងត្រូវបំពេញវីតាមីន D ដល់រាងកាយ ហើយយកល្អគួរពិភាក្សាជាមួយគ្រូពេទ្យដើម្បីដឹងថាគួរទទួលបានវីតាមីនD ពីប្រភពណាល្អ។

៤. ឧស្សាហ៍រាករូស ឬទល់លាមក

Woman opening up toilet seat with diarrhea symptom; sick woman suffering from diarrhea, stomachache, menstrual period cramp, abdominal pain, food poisoning, gastritis, constipation; asian woman model — unhealthy, water closet - Stock

បើគ្នាយើងជួបបញ្ហារាក ឬទល់លាមកញឹកញាប់ វាអាចជាសញ្ញាមួយបញ្ជាក់ថាយើងកំពុងជួបបញ្ហាប្រព័ន្ធភាពស៊ាំ ចុះខ្សោយ។ បញ្ហានេះ អាចបង្កឡើងដោយសារតែយើងស្ត្រេសច្រើនពេក ព្រោះថាបញ្ហាស្រ្តេស អាចបង្កឱកាសកាន់តែច្រើនឲ្យរាងកាយយើងឆ្លងរោគផ្សេងៗ។

ចំណាំ៖ ការបរិភោគអាហារមានជាតិស្ករច្រើន ឬអាហារកែច្នៃមាន Trans fats (ខ្លាញ់មិនឆ្អែត) និង Saturated fats (ខ្លាញ់ឆ្អែត)ច្រើនអាចនាំឲ្យប្រព័ន្ធភាពស៊ាំយើងដំណើរការមិនបានល្អ និងរំខានដល់បាត់តេរីក្នុងពោះវៀនយើងទៀតផង។ ដូចនេះការទទួលទានរបបអាហារត្រឹមត្រូវនឹងជួយដល់ប្រព័ន្ធភាពស៊ាំរបស់យើង។

ចំណុចគួរដឹង

របបអាហារមិនត្រឹមត្រូវ ការជក់បារី ផឹកគ្រឿងស្រវឹងច្រើនជ្រុល សុទ្ធតែដាក់សម្ពាធដល់ប្រព័ន្ធភាពស៊ាំរបស់យើង។ បើយើងមើលឃើញថាប្រព័ន្ធភាពស៊ាំចុះខ្សោយ យើងគួរពិនិត្យលើរបៀបរបបរស់នៅរបស់យើងឡើងវិញ។ ការហាត់ប្រាណ និងរបបអាហារល្អចំពោះសុខភាព គឺជាអ្វីដែលយើងត្រូវមានដើម្បីឲ្យរាងកាយមានប្រព័ន្ធភាពស៊ាំរឹងមាំ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ផ្លែឈើទាំង ៦មុខ ងាយរកទិញ ផ្ដល់ប្រយោជន៍ច្រើនដល់ប្រព័ន្ធភាពស៊ាំ

ចុចអាន៖ អាហារ ៥ ក្រុមនេះជាថ្នាំបំប៉នរាងកាយមនុស្សចាស់ ដើម្បីបង្កើនការការពារប្រឆាំងនឹងកូវីដ

Related Topics:ប្រព័ន្ធភាពស៊ាំ