សុខភាព
កត្តាដែលនាំឲ្យមានការកើនឡើងកម្ដៅ លើស្ដ្រីក្នុងអំឡុងពេលមានផ្ទៃពោះ
អាការៈខ្លួនក្នុងអំឡុងពេលមានផ្ទៃពោះ គឺជាការកើនឡើងកម្តៅខ្លួន លើស ឬស្មើ ៣៧.៨ អង្សាសេ។
១) មូលហេតុ៖
កត្តាដែលនាំឲ្យមានការកើនឡើងកម្ដៅក្នុងអំឡុងពេលមានផ្ទៃពោះ មានបីប្រភេទគឺ:
ក. មូលហេតុមិនសូវធ្ងន់ធ្ងរ៖
– រលាកត្រចៀក
– រលាកបំពង់ក
– រលាកទងសួត
– ផ្តាសាយធំ
ខ. មូលហេតុធ្ងន់ធ្ងរ៖
– ការរលាកតម្រងនោម
– ការរលាក ប្រដាប់បន្តពូជ
– ការរលាកស្រោមទឹកភ្លោះ
– ស្អូច, Toxoplasmose , cytomegalovirus , herpès , រលាកសួត ,ស្រឡទែន,រលាកថ្លើមប្រភេទ B ,C, របេង, listeriose , ជំងឺអេដស៍។
![](https://www.kampucheathmey.com/wp-content/uploads/2021/08/2__@__unknown-1.jpg)
គ. មូលហេតុធ្ងន់ធ្ងរដែលតម្រូវឲ្យមានការវះកាត់បន្ទាន់មានដូចជាៈ
– រលាកខ្នែងពោះវៀន
– រលាកថង់ទឹកប្រមាត់
២) រោគសញ្ញា៖
អាការៈដែលអាចកើតមានឡើងគួបផ្សំជាមួយការកើនឡើងនៃកម្ដៅមាន
ក. សញ្ញានៃការពិបាកបត់ជើងតូចមានដូចជា
– ពិបាកនោម
– នោមមិនអស់
– នោមក្រហាយ
– ឈឺចង្កេះ
– នោមមានឈាម
ខ. សញ្ញាផ្នែកប្រដាប់រំលាយអាហារ
– រាករូស
– ក្អួតចង្អោរ
– ចុកពោះ
គ. សញ្ញាផ្លូវដង្ហើម
– ក្អក
– ហត់
– ពិបាកដកដង្ហើម
– ថប់ដើមទ្រូង
ឃ. សញ្ញានៃប្រដាប់បន្តពូជ
– ធ្លាក់សខ្លាំង មានក្លិនស្អុយ
– ការធ្លាក់ឈាម
– ការហូរខ្ទុះ
*បញ្ជាក់: ចំពោះការបង្ករោគដោយប៉ារ៉ាស៊ីត វីរុស ឬបាក់តេរីមួយចំនួនធំ គឺមិនបណ្តាលឲ្យមានសញ្ញាតម្អូញអ្វីទាំងអស់ ដូច្នេះទាមទារឲ្យស្ត្រីមានផ្ទៃពោះទាំងអស់ត្រូវមកពិនិត្យផ្ទៃពោះ និងធ្វើតេស្តឈាមរកមេរោគមួយចំនួន ឲ្យបានទៀងទាត់ និងទាន់ពេលវេលា។
៣) កត្តាប្រឈម
ហានិភ័យដែលអាចកើតមានឡើង បណ្តាលមកពីគ្រុនក្តៅក្នុងអំឡុងពេលមានផ្ទៃពោះមានដូចជាៈ
– អាចបណ្តាលអោយរលូតកូន
– កូនកើតមិនគ្រប់ខែ
– ទារកស្លាប់ក្នុងពោះ
– ជំងឺដែលអាចកើតមានលើទារកដែលបណ្តាលមកពីការឆ្លងរោគពីម្តាយទៅកូន។
៤) វិធីការពារ និងព្យាបាល៖
– ត្រូវនៅឲ្យឆ្ងាយពីសត្វឆ្មា ឬសត្វអាចបង្ករោគមួយចំនួនទៀត
![](https://www.kampucheathmey.com/wp-content/uploads/2021/08/3__@__unknown-2.jpg)
– មិនត្រូវបរិភោគ សាច់ឆៅ ឬបន្លែឆៅ ដែលលាងសម្អាតមិនបានស្អាតល្អ
![](https://www.kampucheathmey.com/wp-content/uploads/2021/08/5__@__unknown.jpg)
– មិនត្រូវបរិភោគ អាហារផ្អាប់ ឬអាហាររក្សាក្នុងទូរទឹកកករយៈពេលយូរ ព្រោះវាមានផ្ទុកនូវប៉ារ៉ាស៊ីតមួយចំនួន
– ត្រូវនៅឲ្យឆ្ងាយពីក្មេង ឬកុមារដែលកើតអុតស្វាយ ឬស្អូចព្រោះបណ្តាលឲ្យឆ្លងបាន
– ត្រូវមកពិនិត្យផ្ទៃពោះ និងពិនិត្យឈាមដើម្បីស្វែងរកមេរោគមួយចំនួន ដែលអាចបង្កហានិភ័យដល់ទារកក្នុងផ្ទៃ
ប្រសិនបើមានអាការៈក្តៅខ្លួន កម្ដៅលើស ឬស្មើ ៣៧.៨ អង្សាសេ ត្រូវមកជួបពិគ្រោះជាមួយវេជ្ជបណ្ឌិតជំនាញនៃមន្ទីរពេទ្យកាល់ម៉ែតជាបន្ទាន់ ដើម្បីស្វែងរកមូលហេតុ និងទទួលបានការព្យាបាលឲ្យបានទាន់ពេលវេលា ជៀសវាងការបង្កគ្រោះថ្នាក់ដល់ម្តាយ និងទារកក្នុងផ្ទៃ។
![](https://www.kampucheathmey.com/wp-content/uploads/2021/08/unknown-6.jpg)
“សុភមង្គលក្នុងគ្រួសារបានដោយសារ គ្មានការចម្លងមេរោគចំពោះម្តាយ និងកូន៕
អត្ថបទ៖ រស្មី
សូមចុចអាន៖ ហេតុអ្វីបានជាស្ដ្រី មានអត្រាកើតជំងឺរលាកតម្រងនោមខ្ពស់ជាងបុរស
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៥ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?