សុខភាព
វ៉ាក់សាំងដូសជំរុញ អាចចាក់លាយគ្នាឬប្រភេទដដែលបានមែន ប៉ុន្តែត្រូវមានលក្ខខណ្ឌ
យោងតាមប្រភពពីក្រសួងសុខាភិបាល បានឱ្យដឹងថា ពេលនេះកម្ពុជាអាចប្រើវ៉ាក់សាំងដូសជំរុញលាយគ្នាក៏បានឬប្រភេទដដែលក៏បាន ប៉ុន្តែលើកលែងករណីមួយចំនួន។
រដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង អះអាងថា អ្នកចាក់វ៉ាក់សាំង២ដូសដំបូងប្រភេទផ្សេង អាចចាក់ដូសជំរុញប្រភេទផ្សេងមួយទៀត ឬអាចចាក់ប្រភេទដូចគ្នានឹងលើកមុន ដោយពុំមានផលប៉ះពាល់ ឬផលរំខានច្រើនឡើយ។ ប៉ុន្តែមានប្រភេទវ៉ាក់សាំងខ្លះ មិនទាន់អាចចាក់លាយគ្នាបានទេ ដោយត្រូវការការសិក្សាបន្ថែមសិន។
![](https://www.kampucheathmey.com/wp-content/uploads/2021/08/ម៉ម-ប៊ុនហេង-1024x683.jpg)
ថ្លែងក្នុងសារលិខិតប្រកាសព័ត៌មានរបស់ក្រសួងសុខាភិបាល ឯកឧត្តមមានប្រសាសន៍ថា អ្នកចាក់វ៉ាក់សាំង Sinopharm ឬ Sinovac ជាវ៉ាក់សាំងមូលដ្ឋានចំនួន ២ដូសរួចហើយ អាចចាក់វ៉ាក់សាំងប្រភេទដូចគ្នាជាវ៉ាក់សាំង Sinopharm ឬ Sinovac សម្រាប់ដូសជំរុញ ឬអាចចាក់វ៉ាក់សាំងប្រភេទផ្សេងគ្នាដូចជា វ៉ាក់សាំង AstraZeneca ឬវ៉ាក់សាំង Pfizer ឬ Moderna ក៏បានដែរ។
ចំណែកអ្នកដែលបានចាក់វ៉ាក់សាំង AstraZeneca ឬ Johnson & Johnson ជាវ៉ាក់សាំងមូលដ្ឋានបានគ្រប់ដូសរួចរាល់ អាចចាក់វ៉ាក់សាំងប្រភេទដូចគ្នាគឺវ៉ាក់សាំង AstraZeneca ឬ Johnson & Johnson ជាដូសជំរុញក៏បាន ឬអាចចាក់វ៉ាក់សាំង Pfizer ឬ Moderna ជាដូសជំរុញក៏បាន។
![](https://www.kampucheathmey.com/wp-content/uploads/2021/08/ដូសជំរុញ-1024x683.jpg)
សាស្ត្រាចារ្យ ម៉ម ប៊ុនហេង បញ្ជាក់ទៀតថា ចំពោះការចាក់វ៉ាក់សាំងកូវីដ-១៩ ដូសជំរុញនេះ ទោះបីប្រើប្រាស់វ៉ាក់សាំងប្រភេទដូចគ្នា ឬវ៉ាក់សាំងប្រភេទខុសគ្នាក៏ដោយ ក៏មិនបង្កឱ្យមានផលរំខានច្រើន លើសពីផលរំខានដែលបង្កឡើងដោយវ៉ាក់សាំងនីមួយៗជាធម្មតានោះទេ។
ដោយឡែក លទ្ធផលសិក្សារបស់សាកលវិទ្យាល័យ Oxford ក៏បានបង្ហាញផងដែរថា ការចាក់វ៉ាក់សាំងដូសជំរុញលាយគ្នាឬដូចគ្នា រឹតតែជួយបង្កើតការឆ្លើយតបនៃប្រព័ន្ធភាពស៊ាំខ្លាំងក្លាប្រឆាំងនឹងវីរុសទាំងពេលបច្ចុប្បន្ន និងអនាគត។
![](https://www.kampucheathmey.com/wp-content/uploads/2021/08/ដូសជំរុញ១-1024x683.jpg)
ទោះយ៉ាងណា ចំពោះការចាក់វ៉ាក់សាំងប្រភេទ Sinopharm ឬ Sinovac ជាដូសជំរុញសម្រាប់អ្នកដែលធ្លាប់ចាក់វ៉ាក់សាំង AstraZeneca ឬ Johnson & Johnson ជាវ៉ាក់សាំងមូលដ្ឋានបានគ្រប់ដូសរួចពីមុន មិនទាន់អាចចាក់បានទេ ដោយក្រុមការងារស្រាវជ្រាវនៃក្រសួងសុខាភិបាលនឹងសិក្សាបន្ថែម ហើយក្រសួងនឹងជូនដំណឹងអំពីលទ្ធផលនៃការសិក្សា នៅពេលក្រោយ៕
អត្ថបទ៖ សន្យា
ចុចអាន៖ កុំបារម្ភ! ការចាក់វ៉ាក់សាំងលាយគ្នា បង្កើតប្រព័ន្ធភាពស៊ាំខ្លាំងក្លាប្រឆាំង វីរុស
ចុចអាន៖ ក្រសួងប្រកាស អ្នកចាក់ដូសជំរុញ លែងត្រូវរង់ចាំដល់ ៨ខែទៀតហើយ
ចុចអាន៖ អ្នកធ្លាប់ចាក់វ៉ាក់សាំងចិនទាំង២ប្រភេទ មិនចាំបាច់ចាក់ Astra Zeneca ជាដូសជំរុញក៏បានដែរ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៣ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៧ ម៉ោង ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត