សុខភាព
រលាកភ្នែកដោយសារកម្ដៅថ្ងៃ គ្រោះថ្នាក់បែបណា?
នៅពេលចេញក្រៅផ្ទះ គ្នាយើងតែងនឹងឃើញដល់ការលាបគ្រីមកាពារកម្ដៅថ្ងៃ តែគ្នាយើងទំនងជាមិនសូវបានដឹងដល់ការប្រើប្រាស់វ៉ែនតាការពារកម្ដៅថ្ងៃប៉ុន្មាននោះទេ។ ការត្រូវកម្ដៅថ្ងៃខ្លាំងអាចធ្វើឲ្យភ្នែកយើងរលាកបាន ដែលអាចហៅថារលាកភ្នែកដោយសារកម្ដៅថ្ងៃ។
១. អ្វីជាការរលាកភ្នែកដោយសារកម្ដៅថ្ងៃ?
ការរលាកភ្នែកដោយសារកម្ដៅថ្ងៃ គឺជាការឈឺចាប់បណ្ដោះអាសន្នមួយនៅនឹងភ្នែក បណ្ដាលមកពីយើងប៉ះពាល់ទៅនឹងកាំរស្មីUV ពិសេសកាំរស្មីUV របស់ព្រះអាទិត្យ។ ការរលាកភ្នែកដោយសារកម្ដៅថ្ងៃ អាចនិយាយបានថាដូចទៅនឹងការរលាកស្បែកដោយសារកម្ដៅព្រះអាទិត្យអ៊ីចឹងដែរ គ្រាន់តែថាវាធ្វើឲ្យប៉ះពាល់ដល់ក័រណេរបស់ភ្នែក មិនមែនស្បែក។ ការប៉ះពាល់ទៅនឹងកាំរស្មីUV អាចធ្វើឲ្យខូចខាតបណ្ដោះអាសន្នក័រណេភ្នែក (ជាចំណុចថ្លាតូចមួយនៅពីមុខកូនក្រមុំភ្នែក) និងស្រទាប់ជាលិកាភ្នែក។
២. តើវាកើតឡើងយ៉ាងដូចម្ដេច?
ភ្នែករបស់យើងអាចរងផលប៉ះពាល់ពេលត្រូវនឹងកាំរស្មីUV។ កាំរស្មី របស់ព្រះអាទិត្យទាំងUV-A និងUV-B ចេញពីព្រះអាទិត្យអាចធ្វើឲ្យភ្នែកយើងឈឺក្នុងរយៈពេលវែង ឬខ្លីបាន និងអាចធ្វើឲ្យប៉ះពាល់ដល់គំហើញទៀតផង។
ក្រៅពីការត្រូវដោយផ្ទាល់ទៅនឹងកាំរស្មីព្រះអាទិត្យ ការមើលចំណាំងប្លាតរបស់ព្រះអាទិត្យពីព្រិល ទឹក ឬជញ្ជាំងស៊ីម៉ងត៍ ពន្លឺឡាស៊ែរ ក៏ធ្វើឲ្យមានបញ្ហាភ្នែក។ ដូចគ្នាដែរ ការសម្លឹងមើលព្រះអាទិត្យពេលមានសូរ្យគ្រាស ក៏អាចធ្វើឲ្យភ្នែកខូចខាតធ្ងន់ធ្ងរ រលាក នៅត្រង់ស្រទាប់រ៉េទីនផងដែរ។
ដើម្បីការពារភ្នែក ពេលចេញក្រៅមានកម្ដៅថ្ងៃខ្លាំងយើងគួរប្រើវ៉ែនតាការពារកម្ដៅថ្ងៃ ឬពាក់មួកដែលអាចមានម្លប់ការពារមុខ នឹងភ្នែកបានពេញលេញល្អ។
៣. រោគសញ្ញារលាកភ្នែកដោយសារកម្ដៅថ្ងៃ
បើសិនជាយើងមានបញ្ហារលាកភ្នែកដោយសារកម្ដៅថ្ងៃ នឹងមានចេញរោគសញ្ញាដូចជា៖
- ភ្នែកឡើងក្រហម និងឈឺ
- ចេញទឹកភ្នែក
- ស្រវាំងភ្នែក
- ហើមភ្នែក
- ចាញ់ពន្លឺ
- បាត់បង់គំហើញរយៈពេលខ្លី និងរោគសញ្ញាផ្សេងៗមួយចំនួនទៀត។
រោគសញ្ញាទាំងនេះអាចនឹងបាត់ទៅវិញចន្លោះពីប្រាំមួយទៅ២៤ម៉ោង ប៉ុន្តែជាទូទៅអាចបាត់ទៅវិញ ក្នុងរយៈពេល៤៨ម៉ោង។ ការប៉ះពាល់កាំរស្មីកាន់តែយូរ ស្ថានភាពរោគសញ្ញាក៏កាន់តែមិនងាយបាត់ទៅវិញដូចគ្នា។ ក្រៅពីនេះ ការប៉ះពាល់នឹងកាំរស្មីUV របស់ព្រះអាទិត្យកាន់តែយូរ ហានិភ័យកើតជំងឺភ្នែកឡើងបាយ ឬ បាត់បង់គំហើញក៏កាន់តែខ្ពស់ដូចគ្នា។
ដូចគ្នាដែរ បើយើងកំពុងនៅក្រៅផ្ទះ ឬអាគារ ហើយមានចេញរោគសញ្ញាណាមួយ គួរប្រញាប់ចូលក្នុងផ្ទះឬអាគារវិញ និងចូលក្នុងបន្ទប់ងងឹតមិនមានពន្លឺខ្លាំង។ បើយើងប្រើ contact lenses ត្រូវដោះវាចេញ និងមិនត្រូវញីភ្នែកនោះទេ។
ក្នុងករណីមានចេញរោគសញ្ញាបែបនេះយូរជាងពីរថ្ងៃ គួរតែទៅជួបគ្រូពេទ្យជំនាញ។ គ្រូពេទ្យភ្នែកនឹងពិនិត្យភ្នែករបស់យើង និងអាចសាកសួរពីសកម្មភាពដែលយើងបានធ្វើ និងបរិស្ថានការងារផងដែរ។ គ្រូពេទ្យនឹងកំណត់ថារោគសញ្ញាទាំងនេះ អាចបង្កការខូចខាតភ្នែកក្នុងកម្រិតណាមួយ និងអាចចេញវេជ្ជបញ្ជាឲ្យប្រើថ្នាំបន្តក់ភ្នែកមួយចំនួន៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ មូលហេតុដែលបណ្ដាលឲ្យភ្នែកស្ងួត និងវិធីកាត់បន្ថយ
ចុចអាន៖ ពន្លឺថ្ងៃមានទាំងគុណសម្បត្តិ និងគុណវិប្បត្តិដល់សុខភាពស្បែក ត្រូវចេះការពារឲ្យបានល្អ
ថៃប្រាប់ពលរដ្ឋខ្លួនដែលរស់នៅព្រំដែនអ៊ីស្រាអែល-លីបង់ចាកចេញ
អ៊ីស្រាអែលហាមអគ្គលេខាធិការ UN ចូលទឹកដីខ្លួន ក្រោយមិនថ្កោលទោសអ៊ីរ៉ង់
លោក ប៉ែន បូណា សម្តែងការហួសចិត្តនៅពេលឃើញសង្គមស៊ីវិល ចេញមុខការពារអ្នកបង្កើតព័ត៌មានក្លែងក្លាយ
អ៊ុយក្រែនមានសមត្ថភាពផលិតដូ្រន៤លានគ្រឿងក្នុងមួយឆ្នាំ
កម្ពុជា-ចិន ឯកភាព៧ចំណុច ពង្រឹងកិច្ចសហប្រតិបត្តិការណ៍ទេសចរណ៍ឱ្យកាន់តែរស់រវើក
សម្លាប់ក្មួយថ្លៃបោះចោលជើងភ្នំ ដោយសារជួយលាក់រឿងប្រពន្ធរបស់ខ្លួនមានសាហាយ
ភ្ជុំបិណ្ឌថ្ងៃទី០១៖ គ្រោះថ្នាក់ចរាចរណ៍ឆក់យកជីវិតមនុស្ស ៩នាក់ និងរបួស ២២នាក់
ស្ថាប័នជាតិសំខាន់ៗរបស់ថៃសំដែងមរណទុក្ខ
អ៊ីស្រាអែលហាមអគ្គលេខាធិការ UN ចូលទឹកដីខ្លួន ក្រោយមិនថ្កោលទោសអ៊ីរ៉ង់
អ៊ីរ៉ង់ធ្លាក់ចូលក្នុងជម្លោះកាន់តែធ្ងន់ធ្ងរជាមួយអ៊ីស្រាអែល
-
ព័ត៌មានជាតិ៣ ថ្ងៃ agoព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
ជីវិតកម្សាន្ដ៧ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ២ ថ្ងៃ agoភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍៣ ថ្ងៃ agoឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានជាតិ៧ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ចរាចរណ៍៤ ថ្ងៃ agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ១ សប្តាហ៍ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ សប្តាហ៍ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព