សុខភាព

កុំចេះតែផឹក! ភេសជ្ជៈផ្អែម បង្កជំងឺមហារីកច្រើនមុខ

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

Sonya

យើងដឹងហើយថា ផឹកភេសជ្ជៈផ្អែមច្រើន ប៉ះពាល់ដល់សុខភាព បង្កជាជំងឺធាត់ ជំងឺទឹកនោមផ្អែម ជាដើម។ តែការសិក្សាថ្មីៗនេះ រកឃើញទៀតថា ភេសជ្ជៈផ្អែម បង្កឲ្យកើតមហារីកច្រើនមុខទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សានេះ ចេញផ្សាយលើកាសែតវេជ្ជសាស្ត្រអង់គ្លេស BMJ ដោយវិភាគលើទិន្នន័យពលរដ្ឋបារាំង ១០១.២៥៧នាក់ ដោយ ២១% ជាបុរស និង ៧៩% ជាស្ត្រី និងវាយតម្លៃលើការផឹកភេសជ្ជៈផ្អែមរបស់ពួកគេ។ អ្នកស្រាវជ្រាវ បានតាមដានលើការសិក្សានេះ រយៈពេល ៩ឆ្នាំ ពីឆ្នាំ២០០៩-២០១៨ វាយតម្លៃលើកត្ដាប្រឈម នៃមហារីកគ្រប់ប្រភេទ។

លទ្ធផល រកឃើញថា ការផឹកភេសជ្ជៈផ្អែម ១០០មីល្លីក្រាម/ថ្ងៃ បង្កើនកត្ដាប្រឈមនឹងជំងឺមហារីកគ្រប់ប្រភេទ ១៨% និងមហារីកសុដន់ ២២% ប៉ុន្ដែមហារីកក្រពេញប្រូស្ដាត និងមហារីកពោះវៀន មិនពាក់ព័ន្ធនោះទេ។ ទោះបីភេសជ្ជៈផ្អែម បែងចែកជាប្រភេទទឹកផ្លែឈើ និងប្រភេទភេសជ្ជៈផ្អែមខ្លាំង ក៏ភេសជ្ជៈទាំង ២ប្រភេទនេះ បង្កហានិភ័យខ្ពស់ នៃជំងឺមហារីកផងដែរ។

Is Taxing Sugar-sweetened Beverages a Sweet Deal?

អង្គការសុខភាពពិភពលោក បានណែនាំឲ្យញ៉ាំជាតិស្ករ តិចជាង ១០% នៃថាមពលសរុប ប៉ុន្ដែបើកាត់បន្ថយដល់ក្រោម ៥% ឬ ២៥ក្រាម/ថ្ងៃ នោះវាកាន់តែល្អថែមទៀត។ ចំណែកប្រទេសជាច្រើន រួមមានចក្រភពអង់គ្លេស បែលហ្ស៊ិក បារាំង ម៉ិកស៊ិក បាន និងគ្រោងអនុវត្តពន្ធលើភេសជ្ជផ្អែម ក្នុងគោលបំណងលើកកម្ពស់សុខភាពប្រជាជន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គេងបានច្រើនម៉ោងដែរ តែនៅស្ងាបរហូត មកពីអ្វីទៅ? ផឹកកាហ្វេ ឬភេសជ្ជៈផ្អែមៗល្អអត់?

ចុចអាន៖ ញាក់សាច់! បើដឹងពីជាតិស្ករដ៏កំណាចក្នុងភេសជ្ជៈផ្អែមៗនានា