សុខភាព

អំឡុងពេលមករដូវ ស្រីៗអាចញ៉ាំអាហារជូរបានអត់?

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

Sonya

ស្រីៗយើងភាគច្រើនយល់ថា ការញ៉ាំអាហារជូរអំឡុងពេលមករដូវ ដូចជាម្ជូរជាដើមអាចធ្វើឲ្យយើងចុកពោះខ្លាំង ឬមករដូវច្រើនជាងធម្មតា ខណៈពេលដែលអ្នកខ្លះទៀតជឿថា អាហារជូរអាចបង្អាក់ការមករដូវរបស់យើងភ្លាមៗ។

តើជំនឿទាំងនេះជាការពិតដែរឬទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង មិនមានភស្តុតាងបែបវិទ្យាសាស្ត្រណាមួយ ដែលអាចបញ្ជាក់ថាអាហារជូរមានគ្រោះថ្នាក់ដល់សុខភាពស្ត្រី នៅអំឡុងពេលមករដូវឡើយ ហើយក៏មិនមានអាហារជាក់លាក់ណាដែលគួរជៀសវាងផងដែរ នេះបើយោងតាមប្រសាសន៍របស់វេជ្ជបណ្ឌិតDaljit Kaur ប្រធានផ្នែករបបអាហារនៅវិទ្យាស្ថានបេះដូងFortis Escorts។

ពិតណាស់ នៅអំឡុងពេលមករដូវ ស្រីៗយើងចាំបាច់ញ៉ាំអាហារសុខភាព មិនថាជូរ ឬអត់នោះទេ ពីព្រោះថាការបាត់បង់ឈាមអំឡុងពេលមករដូវ អាចធ្វើឲ្យរាងកាយរបស់យើងចុះខ្សោយ។ ហេតុនេះហើយ យើងចាំបាច់ត្រូវញ៉ាំអាហារល្អៗចំពោះរាងកាយឲ្យបានច្រើន។ ជាទូទៅ វដ្ដរដូវរបស់យើងគ្រប់គ្រងដោយអ័រម៉ូន ដូច្នេះហើយ ការញ៉ាំអាហារជូរមិនជះឥទ្ធិពលដល់ការមករដូវឡើយ។

អាហារដែលគួរញ៉ាំអំឡុងពេលមករដូវ

Consumption evolution': Further boom predicted for China's fresh food e-commerce platforms post-COVID-19

អាហារទាំង៣ប្រភេទ ដែលល្អបំផុតសម្រាប់ស្រីៗយើង អំឡុងពេលមករដូវ មានដូចជា៖

១. អាហារមានជាតិប្រូតេអ៊ីន

ការញ៉ាំអាហារដែលសម្បូរទៅដោយជាតិប្រូតេអ៊ីនមានសារសំខាន់ណាស់ នៅអំឡុងពេលមករដូវ ហើយពពួកអាហារដែលមានជាតិប្រូតេអ៊ីនខ្ពស់ រួមមានទឹកដោះគោជូរ សាច់មាន់ ស៊ុត និងត្រី។

២. អាហារសម្បូរទៅសារធាតុចិញ្ចឹម

ជាមួយគ្នានេះដែរ ដើម្បីថែទាំសុខភាពឲ្យបានល្អអំឡុងពេលមករដូវ គ្នាយើងគប្បីញ៉ាំរបបអាហារដែលមានតុល្យភាព និងជីវជាតិ។ ចូរញ៉ាំអាហារឲ្យបាន៣ទៅ៤ដងក្នុងមួយថ្ងៃ ដើម្បីធានាថា យើងទទួលបានសារធាតុចិញ្ចឹមគ្រប់គ្រាន់។

៣. អាហារសម្បូរដោយជាតិដែក

អំឡុងពេលមករដូវ ស្រីៗយើងបាត់បង់ឈាមអស់យ៉ាងច្រើន ដូចនេះ យើងចាំបាច់ញ៉ាំរបបអាហារដែលសម្បូរទៅដោយជាតិដែកឲ្យបានច្រើន។ អាហារទាំងនេះមានដូចជាស្ពៃពួយឡេង គ្រាប់ល្ពៅ ផ្លែឈើក្រៀម គ្រាប់ធញ្ញជាតិ និងសាច់ក្រហម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មករដូវចំថ្ងៃមានកម្មវិធី អាចផឹកស្រាបានអត់?

ចុចអាន៖ បញ្ឈប់ទម្លាប់ ៥ នេះ បើមិនចង់មានគ្រោះថ្នាក់ អំឡុងពេលមករដូវ

Related Topics:មករដូវ