សុខភាព

មហារីកពោះវៀនធំ ដែលមិនបង្ហាញរោគសញ្ញា អាចនឹងគ្រោះថ្នាក់ខ្លាំង

បានផុស

៣ years មុន

នៅ

ថ្ងៃចន្ទ ៣០ សីហា ២០២១

ដោយ

អ្នកជំងឺដែលមានជំងឺមហារីកពោះវៀនធំ អាចមិនបង្ហាញរោគសញ្ញាខុសពីធម្មតា ឬពួកគេអាចជួបតែរោគសញ្ញាស្រដៀងទៅនឹងជំងឺពោះវៀន ដែលអាចជារោគសញ្ញានៃជំងឺមហារីកពោះវៀនធំ។

ការពិនិត្យរកមហារីកពោះវៀនធំ អាចធ្វើឲ្យយើងដឹងមហារីកបានទាន់ពេលវេលា។ ជាលទ្ធផលការព្យាបាលទាន់ពេលវេលា កាត់បន្ថយការស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោគសញ្ញាមហារីកពោះវៀនធំ

វេជ្ជបណ្ឌិត Pakpong Wattanaolarn គ្រូពេទ្យផ្នែកវះកាត់បានបញ្ជាក់ថា អ្នកជំងឺមហារីកពោះវៀនធំ អាចមិនបង្ហាញសញ្ញានៃការមិនប្រក្រតី ពីការពិនិត្យមហារីកពោះវៀនធំ ឬអាចមានរោគសញ្ញាដូចជា ទល់លាមក រាគរ៉ាំរ៉ៃ លាមកមានឈាមជាមួយពណ៌ខ្មៅឬក្រហម ឈឺពោះ អស់កម្លាំងដោយសារភាពស្លក់ស្លាំង ស្រកទម្ងន់ដោយមិនដឹងមូលហេតុ ឈឺពោះរ៉ាំរ៉ៃ ជាពិសេសអាចនឹងមានដុំពកក្នុងពោះ។

មហារីកពោះវៀនធំចែកចេញជា ៤ ដំណាក់កាលដូចខាងក្រោម៖

ដំណាក់កាលទី ១ គឺជាដុំពក នៅក្នុងស្រទាប់ពោះវៀនធំ។

ដំណាក់កាលទី ២ ចាប់ផ្ដើមរាលដាលចូលទៅក្នុងជញ្ជាំងពោះវៀនធំ ឬជ្រាបចូលទៅក្នុងជាលិកាពោះវៀនរាលដាលទៅសរីរាង្គក្បែរនោះ។

ដំណាក់កាលទី ៣ រាលដាលដល់កូនកណ្ដុរ ដែលនៅជិត។

ដំណាក់កាលទី ៤ រាលដាលដល់កូនកណ្ដុរហើយចូលក្នុងចរន្តឈាមទៅសរីរាង្គដូចជាថ្លើមសួតនិងខួរក្បាល។

ការព្យាបាលជំងឺមហារីកពោះវៀនធំ

ការព្យាបាលដ៏ល្អបំផុតសម្រាប់ជំងឺមហារីកពោះវៀនធំ គឺជាការវះកាត់ដែលអាចត្រូវបានអនុវត្តនៅគ្រប់ដំណាក់កាលនៃជំងឺ ដែលអាចត្រូវបានធ្វើឡើងដោយការព្យាបាលដោយកាំរស្មីនិងការព្យាបាលដោយប្រើគីមី។ ទោះយ៉ាងណាក៏ដោយ ការព្យាបាលអាស្រ័យលើស្ថានភាព នៃជំងឺដូចជាដំណាក់កាលនៃជំងឺ។

លើសពីនេះ អ្នកជំងឺគួរតែកាត់បន្ថយកត្តាហានិភ័យនៃជំងឺដោយកំណត់ការទទួលទានសាច់ក្រហម និងអាហារដែលមានជាតិខ្លាញ់ខ្ពស់។ បង្កើនខែលដោយការហូបដើម្បីជួយសម្រួលដល់ការបញ្ចេញ ធ្វើលំហាត់ប្រាណទៀងទាត់ គេងឲ្យបានគ្រប់គ្រាន់ ព្រមទាំងទទួលការពិនិត្យសុខភាពប្រចាំឆ្នាំ៕

ប្រែសម្រួល៖ សាង ស្រីល័ក្ខ

ចុចអាន៖មកដឹងហឺតមួយប្រភេទទៀត ហៅថាក្អកហឺត

ចុចអាន៖អង្ករ៤ ប្រភេទខុសៗគ្នា សុទ្ធតែមានសារធាតុ ចិញ្ចឹមម្យ៉ាងម្នាក់

Related Topics:ការថែទាំសុខភាព