សុខភាព

អាហារទាំង ៥នេះ ល្អខ្លាំងសម្រាប់សុខភាពបន្តពូជ

បានផុស

៤ years មុន

នៅ

ថ្ងៃចន្ទ ៣០ សីហា ២០២១

ដោយ

Sonya

ពិតណាស់ថាគ្មានអាហារជាក់លាក់ណាមួយអាចជួយដោះស្រាយបញ្ហាសុខភាពបន្តពូជបាននោះទេ ប៉ុន្តែអាហារដែលយើងញ៉ាំ ឬជ្រើសរើសញ៉ាំមួយចំនួនអាចជួយគាំទ្រដល់សុខភាពបន្តពូជរបស់បុរស និងស្រ្តីបាន។ អាហារងាយរកមួយចំនួនខាងក្រោមនេះអាចមានប្រយោជន៍សម្រាប់សុខភាពទូទៅ ក៏ដូចជាសុខភាពបន្តពូជ ដែលគ្នាយើងគប្បីមានក្នុងរបបអាហារជាប្រចាំ។

១. ក្រូច

Orange juice Phnom Penh 2 - Vegan Food Quest

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពពួកក្រួចត្រូវគេដឹងថាជាប្រភពសំខាន់មួយរបស់វីតាមីនC។ ក្រូចក៏មានផ្ទុកសារធាតុ polyamine putrescine ដែលតាមការសិក្សាបានបង្ហាញថាមានប្រយោជន៍ជួយដល់គុណភាពមេជីវិតញី និងសុខភាពទឹកកាមបុរស។

យើងអាចញ៉ាំសាច់ក្រូចធម្មតា ឬក៏អាចច្របាច់យកទឹកញ៉ាំក៏បាន។ យ៉ាងណា គ្នាយើងត្រូវចាំដែរថា ក្រូចអាចមានប្រតិកម្មជាមួយថ្នាំដែលយើងកំពុងប្រើប្រាស់មួយចំនួន។ ដូចនេះ បើយើងកំពុងប្រើប្រាស់ថ្នាំណាមួយ គួរពិភាក្សាជាមួយគ្រូពេទ្យថាអាចញ៉ាំក្រូចបានឬអត់។

២. ថ្លើមសត្វ

ថ្លើមសត្វ ជាពិសេសថ្លើមគោ ជាអាហារសម្បូរដោយសារធាតុចិញ្ចឹមបំផុតមួយ។ ថ្លើមផ្ទុកទៅដោយវីតាមីន ពិសេសវីតាមីន A ដែលពិបាករកបានក្នុងអាហារផ្សេងទៀត។

ក្រៅពីសម្បូរដោយវីតាមីនA ថ្លើមសត្វក៏មានផ្ទុកជាតិដែក ដែលមានសារសំខាន់ជួយការពារការរលូតកូន និងស្លេកស្លាំង។ ចំណែកវីតាមីនB12 នៅក្នុងថ្លើមក៏ជួយដល់ការបង្កើតគ្រាប់ឈាមក្រហម និងDNA ផងដែរ។ ក្រៅពីនេះថ្លើមក៏ជាប្រភពនៃអាស៊ីដខ្លាញ់អូមេហ្គា៣ ហ្វូឡេត និង choline ទៀតផង។

៣. ប៉េងប៉ោះ

How to Grow a Better Tomato - The New York Times

ប៉េងប៉ោះមានផ្ទុកសារធាតុ lycopene ខ្ពស់ ដែលជាសារធាតុប្រឆាំងអុកស៊ីតកម្មយ៉ាងមានឥទ្ធិពលបំផុតមួយ។ សារធាតុ lycopene អាចជួយបង្កើនសមត្ថភាពបង្កកំណើតរបស់យើងបាន ជាពិសេសត្រូវគេដឹងថា វាមានប្រយោជន៍ខ្លាំងលើសមត្ថភាពបង្កកំណើតរបស់បុរស។

៤. អ័យស្ទ័រ

អ័យស្ទ័រ ត្រូវបានគេកត់ត្រាចូលក្នុងគ្រប់បញ្ជីមុខអាហារដែលជួយដល់ការបង្កកំណើត។ អ័យស្ទ័រមានសារធាតុចិញ្ចឹមជាច្រើន សុទ្ធតែជួយជំរុញដល់ការបង្កកំណើត។ វីតាមីន និងរ៉ែសំខាន់ សម្រាប់ជំរុញដល់ការបង្កកំណើតមាននៅក្នុងអ័យស្ទ័រមានដូចជា៖

វីតាមីន B12
ស័ង្កសី
ជាតិដែក និងselenium។

៥. ស៊ុត

ស៊ុតផ្ទុកទៅដោយជាតិដែក កាល់ស្យូម ស័ង្កសី វីតាមីនB6 ហ្វូឡេត និងវីតាមីនB12។ ស៊ុតក៏មានផ្ទុកវីតាមីន A និងប្រូតេអ៊ីនផងដែរ។ ស៊ុតមានតម្លៃធូរថ្លៃ តែសម្បូរសារធាតុចិញ្ចឹម នេះហើយជាចំណុចល្អមួយរបស់ស៊ុត។ ស៊ុត ត្រូវបានគេរកឃើញថាមានប្រយោជន៍ល្អសម្រាប់ការបង្កកំណើតទាំងលើបុរស និងស្រ្តី ដោយសារតែវាមានផ្ទុកនូវសារធាតុចិញ្ចឹមច្រើនសម្បូរបែបដូចនេះ។

ដូចគ្នាដែរ ស៊ុតក៏មានផ្ទុកសារធាតុ choline ដែលអាចជួយកាត់បន្ថយហានិភ័យការលូតលាស់មិនប្រក្រតីណាមួយរបស់គភ៌ផងដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការរួមភេទ ផ្ដល់ប្រយោជន៍សុខភាព ចំពោះអ្នកធ្លាប់គាំងបេះដូង

ចុចអាន៖ ការបកស្រាយចំនួន ៤ ពាក់ព័ន្ធសុខភាពបន្តពូជ ក្រោយចាក់វ៉ាក់សាំងកូវីដ-១៩