សុខភាព

មួយថ្ងៃហូបរបស់អស់នេះលើស ២០០ ក្រាម ប្រយ័ត្នឆាប់ស្លាប់!

បានផុស

៤ years មុន

នៅ

ថ្ងៃអង្គារ ៧ កញ្ញា ២០២១

ដោយ

ដឹងហើយញ៉ាំសាច់ច្រើនមិនល្អចំពោះសុខភាពទេ កុំថាឡើយសាច់កែច្នៃ មិនថាជាសាច់គោ សាច់ជ្រូក ឬសាច់ក្រក បើញ៉ាំលើសពី ២០០ក្រាម/ថ្ងៃ នាំឲ្យឆាប់ស្លាប់ នៅ ២០ ឆ្នាំខាងមុខ បើធៀបនឹងអ្នកញ៉ាំសាច់ទាំងនេះ តិចជាង ១០០ ក្រាម/ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាថ្មីនៅហ្វាំងឡង់ រកឃើញថា ញ៉ាំសាច់ក្រក ៣ដុំ ឬសាច់ភ្លៅជ្រូក ១០ចំណិត សាច់គោអាំង ១ដុំ ឬសាច់ជ្រូកបីជាន់ ៦ចំណិត មានទម្ងន់ស្មើប្រមាណ ២០០ ក្រាម/ថ្ងៃ នឹងនាំឲ្យឆាប់ស្លាប់។ អ្នកស្រាវជ្រាវ បញ្ជាក់ថា ប្រភពសំខាន់នៃប្រូតេអ៊ីន គឺសាច់ក្រហម ជាប់ពាក់ព័ន្ធនឹងការកើតជំងឺបេះដូង និងមហារីកពោះវៀន (Bowel Cancer)។

ការសិក្សានេះ ធ្វើឡើងដោយសាកលវិទ្យាល័យហ្វាំងឡង់ សាកល្បងលើមនុស្ស ២.៦៤១នាក់ អាយុពី ៤២-៦០ ឆ្នាំ។

ចំណែកក្រសួងសុខាភិបាលចក្រភពអង់គ្លេស ណែនាំឲ្យញ៉ាំសាច់ក្រហម តិចជាង ៧០ក្រាម/ថ្ងៃ ខណៈវិទ្យាស្ថានស្រាវជ្រាវមហារីកអាមេរិក ណែនាំឲ្យញ៉ាំសាច់អតិបរមា ៥១០ ក្រាម/សប្ដាហ៍ ឬស្មើ ៧២ ក្រាម/ថ្ងៃ។

គួរបញ្ជាក់ថា សាច់ក្រហម មានខ្លាញ់ឆ្អែតកម្រិតខ្ពស់ជាងសាច់មាន់ នាំឲ្យកើនឡើងកម្រិតកូលេស្តេរ៉ូល ជាសារធាតុបង្កជំងឺបេះដូង៕

អត្ថបទផ្ដល់ដោយ៖ Hello Krupet

ចុចអាន៖ជីរភ្លូ ធ្វើអន្លក់ឆ្ងាញ់លេខ១ ឯស្លឹក ផ្កា ឫស កបនឹងជំងឺច្រើនមុខ

ចុចអាន៖គ្រូពេទ្យ ៖ ព្យាបាលទាស់ពេលកូនខ្ចី អ្នកម្ដាយដាច់ខាត កុំប្រើថ្នាំខ្មែរផ្សំពីសត្វព្រៃ