សុខភាព

ត្រូវបោកគក់ជាប្រចាំ! កូវីដ-១៩ និងវីរុសបំប្លែងខ្លួនអាចទំជាប់សម្លៀកបំពាក់បាន ៣ថ្ងៃ

បានផុស

៣ years មុន

នៅ

ថ្ងៃអង្គារ ៧ កញ្ញា ២០២១

ដោយ

Sonya

អ្នកស្រាវជ្រាវមកពីសាកលវិទ្យាល័យ De Montfort បានរកឃើញថា វីរុសកូវីដ-១៩ ក៏ដូចជាវីរុសស្រដៀងគ្នាដទៃទៀតអាចជាប់នៅលើក្រណាត់រយៈពេលច្រើនថ្ងៃ ហើយពួកគេផ្តល់ដំបូន្មានឱ្យធ្វើការបោកគក់សម្លៀកបំពាក់ជាប្រចាំដើម្បីការពារការចម្លង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលនៃការសិក្សាស្រាវជ្រាវមួយបង្ហាញថា ទាំងមេរោគ Covid-19 ទាំងប្រភេទវីរុសប្រហាក់ប្រហែលគ្នា អាចមានជីវិតនៅលើសម្លៀកបំពាក់រហូតដល់ ៧២ម៉ោង ព្រមទាំងអាចចម្លងទៅផ្ទៃផ្សេងទៀតបាន ប្រសិនមិនមានការបោកសម្អាតដោយត្រឹមត្រូវនោះទេ។ ត្បិតមិនមានការបញ្ជាក់ចំឈ្មោះចំពោះវីរុសបំប្លែងខ្លួនណាមួយក៏ពិតមែន ប៉ុន្តែត្រង់ណេះអ្នកវិទ្យាសាស្ត្រក៏សំដៅទៅលើកូវីដបំប្លែងខ្លួនថ្មីៗជាច្រើននាពេលបច្ចុប្បន្នផងដែរ។ នេះមានន័យថា មិនត្រឹមតែកូវីដ-១៩ប៉ុណ្ណោះទេដែលជាប់នៅលើសម្លៀកបំពាក់បានយូរម៉ោង សូម្បីវីរុសបំប្លែងខ្លួនផ្សេងទៀត ក៏មានសមត្ថភាពទំជាប់សម្លៀកបំពាក់ និងអាចចម្លងដូចគ្នាដែរ។

ការស្រាវជ្រាវដែលធ្វើឡើងដោយសាកលវិទ្យាល័យ De Montfort (DMU) ក្នុងទីក្រុង Leicester បានតាមដានប្រតិកម្មនៃវីរុសលើប្រភេទក្រណាត់ផ្សេងគ្នាដែលប្រើនៅក្នុងវិស័យថែទាំសុខភាព ហើយជាលទ្ធផល សារធាតុ polyester ដែលបង្កហានិភ័យខ្ពស់បំផុតក្នុងការបញ្ជូនវីរុស នៅតែជាប់លើក្រណាត់បន្ទាប់ពី៣ថ្ងៃ និងអាចផ្ទេរមេរោគទៅផ្ទៃផ្សេងៗថែមទៀតផង។

អ្នកវិទ្យាសាស្ត្រនិយាយថា នៅលើក្រណាត់ធ្វើពីកប្បាស ១០០% វីរុសនៅរស់បានរយៈពេល ២៤ ម៉ោង ខណៈក្រណាត់ធ្វើពីសំឡី វារស់បានតែ ៦ ម៉ោងប៉ុណ្ណោះ។

ការសិក្សាដែលដឹកនាំដោយជីវវិទូ លោកស្រី Katie Laird អ្នកជំនាញជីវសាស្រ្ត លោកស្រី Maitreyi Shivkumar និងអ្នកស្រាវជ្រាវផ្នែកវេជ្ជសាស្ត្រ លោក Lucy Owen ឱ្យដំបូន្មានដូចៗញគ្នាថា រាល់ឯកសណ្ឋានសុខាភិបាល សម្លៀកបំពាក់អ្នកជំងឺ ឬសម្លៀកបំពាក់អ្នកផ្ទាល់ គួរតែបោកគក់នៅក្នុងមន្ទីរពេទ្យតាមស្តង់ដារបច្ចេកទេស ឬដោយម៉ាស៊ីនបោកគក់ឱ្យត្រឹមត្រូវ និងទៀងទាត់បំផុត។

ដើម្បីការពារការចម្លងបានខ្ពស់ ត្រូវបោកគក់សម្លៀកបំពាក់ជាចាំបាច់ដោយ៖

-កុំរលាស់សម្លៀកបំពាក់កខ្វក់ទាំងនោះមុនពេលបោកគក់ចៀសវាងការសាយភាយនៃវីរុសក្នុងខ្យល់។

What Is Laundry Stripping? How to Strip Towels Cleaning Method

-បោកសម្អាតជាមួយសាប៊ូ និងទឹកក្ដៅក្នុងសីតុណ្ហភាពសមរម្យចន្លោះ ៦០ទៅ៩០អង្សាសេ តាមការណែនាំរបស់អង្គការសុខភាពពិភពលោក។ តែក៏ត្រូវដឹងដែរសម្លៀកបំពាក់ខ្លះបើត្រូវសីតុណ្ហភាពក្ដៅអាចនាំឲ្យខូចបាន អ៊ីចឹងត្រូវមើលថាអាវខោអាចធន់នឹងសីតុណ្ហភាពប៉ុន្មាន។

-ហាលសម្លៀកបំពាក់ឲ្យស្ងួតល្អ។

-ពាក់ស្រោមដៃពេលបោកគក់ និងលាងសម្អាតដៃជាមួយសាប៊ូក្រោយពីដោះស្រោមដៃ។

-បើយើងមិនប្រើស្រោមដៃត្រូវលាងសម្អាតដៃជាមួយសាប៊ូភ្លាមក្រោយពីបោកគក់រួច។

-លាងសម្អាតកន្ត្រកដាក់សម្លៀកបំពាក់ ឬអាចប្រើថង់ប្លាស្ទិកដាក់សម្លៀកបំពាក់កខ្វក់មុនបោកគក់ រួចបោះថង់នោះចោលឲ្យបានត្រឹមត្រូវ។