សុខភាព

ដុកទ័រ បង្ហាញពីរោគសញ្ញាកូវីដធ្លាក់ចូលក្នុងសួត ហើយអាចធ្ងន់ធ្ងរ

បានផុស

៤ years មុន

នៅ

ថ្ងៃចន្ទ ១៣ កញ្ញា ២០២១

ដោយ

លោកវេជ្ជបណ្ឌិត Somsak Oraksilp អគ្គនាយកនៃនាយកដ្ឋានសេវាកម្មវេជ្ជសាស្ត្រ មានប្រសាសន៍ថា មនុស្សម្នាក់ៗនឹងមានរោគសញ្ញាខុសៗគ្នា អាស្រ័យលើកត្តាជាច្រើនដូចជា ភាពស៊ាំ និងជំងឺមូលដ្ឋានរបស់អ្នកជំងឺ។ ប្រសិនបើអ្នកមានអារម្មណ៍ថាតឹងទ្រូង ពិបាកដកដង្ហើម ហត់នឿយ អស់កម្លាំង កម្រិតអុកស៊ីសែនក្នុងឈាមចុះទាបជាងធម្មតា នោះបង្ហាញថា កូវីដកំពុងរីករាលដាលចូលទៅក្នុងសួតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរីករាលដាលនៃជំងឺកូវីដ -១៩

អាចឆ្លងតាមរយៈការដកដង្ហើមចូលតាមរន្ធច្រមុះ ចូលក្នុងសួតពីការក្អក ការកណ្ដាស់ ការបញ្ចេញទឹកមាត់ឬការប៉ះពាល់នឹងការសំងាត់របស់មនុស្សដែលមានជំងឺកូវីដ។ បន្ទាប់ពីឆ្លងមេរោគអ្នកជំងឺប្រហែលជាមិនមានរោគសញ្ញាទូទៅដូចជា គ្រុនក្ដៅ ក្អក ឈឺបំពង់ក ច្រមុះមិនមានក្លិន អណ្ដាតមិនមានរសជាតិជាដើម។

ក្រុមដែលមានហានិភ័យនៃការចម្លងមេរោគកូវីដ ១៩ ចូលទៅក្នុងសួត

អ្នកដែលមានហានិភ័យ បង្កឲ្យមានភាពធ្ងន់ធ្ងរនៃជំងឺ និងការឆ្លងមេរោគអាចចូលទៅក្នុងសួតគឺមនុស្សចាស់ និងអ្នកដែលមានជំងឺរួមគ្នារួមមាន ធាត់ លើសឈាម ទឹកនោមផ្អែម ផ្លូវដង្ហើមរ៉ាំរ៉ៃ សរសៃឈាមបេះដូង តម្រងនោមរ៉ាំរ៉ៃ ខួរក្បាល មហារីកគ្រប់ប្រភេទ និងអ្នកដែលមានអភ័យឯកសិទ្ធិទាប ដូច្នេះក្រុមហានិភ័យទាំងនេះគួរតែប្រយ័ត្នជាងមនុស្សធម្មតា។ ពីព្រោះប្រសិនបើការឆ្លងបានចូលទៅក្នុងសួត អាចប៉ះពាល់ដល់ប្រព័ន្ធខាងក្នុងផ្សេងទៀតនៃរាងកាយ។

កូវីដ -១៩ ចូលសួត តើមានរោគសញ្ញាអ្វីខ្លះ?

សួតនៅក្នុងរាងកាយដើរតួនាទីយ៉ាងសំខាន់ ក្នុងការផ្លាស់ប្ដូរអុកស៊ីសែននៅក្នុងឈាម។ ប្រសិនបើអ្នកជំងឺកូវីដ រកឃើញថាបានឆ្លងមេរោគចូលសួត នឹងបណ្ដាលឲ្យអ្នកជំងឺមានរោគសញ្ញាដូចខាងក្រោម៖ អស់កម្លាំង ដង្ហើមខ្លីៗ ឈឺទ្រូង ថយចុះកម្រិតអុកស៊ីសែនក្នុងឈាម។ ប្រសិនបើកម្រិតអុកស៊ីសែននៅក្នុងឈាមត្រូវបានកាត់បន្ថយច្រើនពេក ឧទាហរណ៍អុកស៊ីសែនតិចទៅខួរក្បាល នឹងបណ្តាលឲ្យមានជំងឺធ្លាក់ទឹកចិត្ត មានអារម្មណ៍អស់កម្លាំង។ ធម្មតាកម្រិតនៃអុកស៊ីសែននៅក្នុងឈាមរបស់រាងកាយគឺ ៩៧-១០០ភាគរយ (អុកស៊ីម៉ែតចុងម្រាមដៃ) ។

វិធីងាយស្រួលក្នុងការធ្វើតេស្តរកកូវីដ អាចដឹងថាមាននៅក្នុងសួត

ដើម្បីពិនិត្យមើលថា តើកូវីដបានទៅដល់សួតហើយឬនៅ សូមព្យាយាមធ្វើលំហាត់ប្រាណស្រាលៗ ដូចជាដើរឲ្យបានលឿន ៦ នាទី ព្រោះការដើររយៈពេល ៦ នាទី គឺគ្រប់គ្រាន់ដើម្បីបង្ហាញពីបញ្ហាមិនប្រក្រតី។ ការផ្លាស់ប្តូរអុកស៊ីសែន នៅពេលមានភាពមិនប្រក្រតីកើតឡើងនៅក្នុងថង់ខ្យល់នៅក្នុងសួត (Alveoli) ការផ្លាស់ប្ដូរអុកស៊ីសែនត្រូវបានកាត់បន្ថយ។ ដូច្នេះប្រសិនបើមានជំងឺសួត ឬការឆ្លងមេរោគនៅក្នុងសួត កម្រិតអុកស៊ីសែននៅក្នុងឈាមនឹងទាបជាងកម្រិតធម្មតា៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖អ្នកជំងឺដែលផ្ទុកវីរុសកូវីដក្នុងសួតកាន់តែខ្ពស់ អាចបណ្ដាលឲ្យស្លាប់ងាយឬដោយមិនដឹងខ្លួន

Related Topics:សួត