ឪពុកម្ដាយគួរដឹង ផលរំខាននៃវ៉ាក់សាំង Sinovac ដូសមូលដ្ឋាន (១-២) លើក្មេងអាយុ ៣ ក្រោម ៥ ឆ្នាំ

ប្រតិកម្មពីវ៉ាក់សាំង Sinovac លើកុមារក្នុងអាយុ​ ៣​​ ទៅក្រោម ៥ ​ឆ្នាំ គឺមិនខុសពីមនុស្សធំឡើយ ប៉ុន្តែយ៉ាងណាក៏ដោយ ឪពុកម្ដាយគួរយកចិត្តទុកដាក់បន្ថែម ចៀសវាងនាំមានផលវិបាកដល់កូន។

ជាពិសេសក្មេងអាចនឹងយំ ប្រសិនបើមានការឈឺចាប់លើរាងកាយនៅផ្នែកណាមួយ (ក្មេងខ្លះពិបាកនឹងពន្យល់ប្រាប់ឪពុកម្ដាយរបស់ពួកគេណាស់)​ ខណៈលេចអាការទាំងនោះមក។ ដូច្នេះឪពុកម្ដាយ គួរត្រៀមថ្នាំសង្កូវ និងឧបករណ៏ជិតៗខ្លួន ប្រការកូនមានប្រតិកម្មពីវ៉ាក់សាំង ដែលបានចាក់រួចក្នុងថ្ងៃនេះ ទាំងដូសមូលដ្ឋាន និងដូសបន្តបន្ទាប់ទៀត។

ចំណែកផល​ប៉ះពាល់​ពីវ៉ាក់សាំង Sinovac ទាំង២ដូស(ដូសមូលដ្ឋាន) លើកុមារអាយុ ៣ទៅក្រោម ៥ ​ឆ្នាំមានដូចខាងក្រោម ៖

-ឈឺក្បាល

-ក្ដៅខ្លួន​

-​ឈឺនៅ​កន្លែងចាក់តិចតួច (ឡើងក្រហម) ឈឺសាច់ដុំ ឈឺសន្លាក់

-ក្អួតចង្អោរ

-គ្រុនក្ដៅ​និងអស់កម្លាំងតិចតួច ។

យ៉ាងណាមិញ​ អាការទាំងនេះមិនមែនគ្រប់កុមារ សុទ្ធតែមាននោះទេ វាអាស្រ័យលើរាងកាយក្មេងៗ ​ហើយនឹង​បាត់​ទៅវិញ ក្នុងរយៈពេល ២ ឬ ៣ ថ្ងៃ ប៉ុណ្ណោះ។ ប្រសិនបើលើសហ្នឹង គួរនាំកូនទៅជួបជាមួយគ្រូពេទ្យជាបន្ទាន់។

ស្របពេលអូមីក្រុងកំពុងវាយលុកពេញប្រទេសកម្ពុជា​ សូមពុកម៉ែដែលមានកូនតូចៗ ស្ថិតក្នុងអាយុដែលបានរៀបរាប់ខាងលើ ត្រូវយកកូនមកទទួលវ៉ាក់សាំងឲ្យបានគ្រប់ៗគ្នា ដើម្បីឲ្យកុមារមានភាពស៉ាំពីក្នុងខ្លួន ជួយការពារទាំងកូវីដផង និង វីរុសបំប្លែងខ្លួនផ្សេងទៀត ​​ជាពិសេស ​omicron ។

​​ត្រូបចងចាំថា វ៉ាក់សាំងស៊ីណូវ៉ាក់ ដែលបានជ្រើសរើស​ចាក់​ជូន​កុមារ​តូចៗ គឺមានក្រុមអ្នក​បច្ចេកទេស​ធ្វើការ​ស្រាវជ្រាវ​យ៉ាង​ហ្មត់ចត់ និងមានប្រសិទ្ធភាព ​ដូច​ក្រុម​វ័យ​ជំទង់ផង​ដែរ៕

អត្ថបទ៖ សាង ស្រីល័ក្ខ

ចុចអាន៖ពុកម៉ែគួរដឹង កុមារតូចៗ បើឆ្លង Omicron នឹងចេញរោគសញ្ញាប្រភេទនេះមុនគេ

ចុចអាន៖កុមារអាយុ ៥-១១ ឆ្នាំ ក្រោយចាក់វ៉ាក់សាំង​ មិនថាដូសទីប៉ុន្មា​ន មានរោគសញ្ញានេះ ត្រូវជួបគ្រូពេទ្យជាបន្ទាន់