សុខភាព

បើក្មេងក្ដៅខ្លួនដល់កម្រិតនេះហើយ ត្រូវនាំកូនទៅជួបពេទ្យឲ្យលឿន

បានផុស

៤ years មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

អាការក្ដៅខ្លួន ជាបញ្ហាទូទៅមួយកុមារតូចៗ កើតញឹកញាប់មែនទែន រហូតម៉ាក់ប៉ាមួយចំនួនមិនច្បាស់ថា ក្ដៅខ្លួនបែបណាមិនបាច់បារម្ភពេក និងក្ដៅខ្លួនពេលណាគួរនាំកូនទៅជួបពេទ្យ។ ត្បិតតែវាជាអាការទូទៅ ប៉ុន្តែបើធ្វេសប្រហែស វាក៏អាចគំរាមកំហែងដល់សុខភាពកូនយើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីផ្ដល់ជាជំនួយដល់ម៉ាក់ប៉ាគ្រប់រូប លោកស្រីវេជ្ជបណ្ឌិត កុសល កណិការ ឯកទេសជំងឺកុមារ និងទារកបានពន្យល់ឲ្យដឹងថា ដោយសារស្ថានភាពឥឡូវនេះ ពិបាករកពេទ្យព្យាបាល ពិសេសពេលកូនឈឺ ឬក្ដៅខ្លួន ម៉ាក់ប៉ាមួយចំនួនមិនដឹងថា គួរប្រញាប់យកកូនទៅពេទ្យ ឬគួរតែតាមដានសុខភាពកូននៅផ្ទះសិន ឬយ៉ាងណា។ យ៉ាងណាមិញ ខាងក្រោមនេះជាសញ្ញាអាការៈក្ដៅខ្លួនកើតឡើងលើទារក ឬកុមារ ម៉ាក់ប៉ាគួរនាំកូនទៅពេទ្យ បើសង្កេតឃើញថា អាអូនមានអាការៈដូចខាងក្រោម៖

ទារក៖

អាយុក្រោម៣ខែ
បៅតិចជាងធម្មតា
កម្ដៅត្រឹម ឬលើស ៣៨ អង្សាសេ

កុមារ៖

ក្អួត
រាករូស (លើស៣ដង/ថ្ងៃ)
នោមតិចខុសធម្មតា
សន្លឹម មិនលេងច្រើនដូចធម្មតា
ឈឺក្បាល
ក្ដៅខ្លួនលើស៣ថ្ងៃ

បន្ថែមពីលើនេះ លោកស្រីវេជ្ជបណ្ឌិតបន្តថា អាការៈក្ដៅខ្លួនមួយចំនួនអាចជាសញ្ញានៃជំងឺរលាកស្រោមខួរលើកុមារ ហេតុនេះហើយម៉ាក់ប៉ាត្រូវតែមានការប្រយ័ត្នខ្លាំង ពិសេសចំពោះកូនតូច។ ប៉ុន្តែ ប្រសិនបើអាអូនមានអាយុច្រើនដែរហើយ ម៉ាក់ប៉ាអាចផ្ដល់ថ្នាំបញ្ចុះកម្ដៅឲ្យកូន និងបន្តតាមដានសុខភាពកូនសិន បើផ្ដល់ថ្នាំហើយអាអូននៅតែមិនធូរស្បើយ គួរយកកូនទៅពេទ្យឲ្យបានលឿន៕

អត្ថបទផ្ដល់ដោយ៖ Hello Krupet

ចុចអាន៖ចំណុចសំខាន់ៗ ឪពុកម្ដាយត្រូវដឹង មុននាំកូនអាយុ ៦-១២ ឆ្នាំ ទៅចាក់វ៉ាក់សាំង Sinovac

ចុចអាន៖លាងច្រមុះកាត់បន្ថយអាការតឹងច្រមុះពេលកូនផ្ដាសាយ ល្អជាងការឆ្ពង់សេរ៉ូមប្រៃ?