សុខភាព

កុំឱ្យកូនទទួលទានអាហារ ៣មុខនេះ បន្ទាប់ពីចាក់វ៉ាក់សាំងកូវីដរួចភ្លាម

បានផុស

៣ years មុន

នៅ

ថ្ងៃសុក្រ ១៧ កញ្ញា ២០២១

ដោយ

Sonya

ក្រោយនាំកុមារទៅចាក់វ៉ាក់សាំងបង្ការកូវីដ-១៩ ឪពុកម្ដាយ ឬអាណាព្យាបាល ត្រូវបម្រុងប្រយ័ត្នចំពោះរបបអាហាររបស់ពួកគេ ដើម្បីជួយជំរុញប្រព័ន្ធភាពស៊ាំរឹង ឆាប់បណ្ដុះអង់ទីគ័រការពារសុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតក្មេងៗមិនមានត្រណមលើគ្រឿងស្រវឹង ឬបារី ប៉ុន្តែមិនមែនមានន័យថា ពួកគេអាចបរិភោគអាហារគ្រប់សព្វបាននោះទេ។ ក្មេងៗចន្លោះពី ៦ឆ្នាំ ដល់ក្រោម ១២ឆ្នាំ ដែលទើបចាក់វ៉ាក់សាំថ្មីៗ ក៏មានអាហារ និងភេសជ្ជៈប៉ុន្មានមុខគួរចៀស ដើម្បីជួយជំរុញប្រសិទ្ធភាពវ៉ាក់សាំងឱ្យខ្លាំងក្លា។

១. ភេសជ្ជៈផ្អែមៗ

The Bitter Side Of Sweet Drinks | Outlook Poshan

អង្គការសុខភាពពិភពលោក (WHO) បញ្ជាក់ថា ការផឹកទឹកក្រូច ឬទឹកផ្លែឈើកំប៉ុង ឬភេសជ្ជៈប៉ូវកម្លាំងនានា អាចបង្កើនហានិភ័យសុខភាពច្រើនយ៉ាង ក្នុងនោះក៏មានឥទ្ធិពលអវិជ្ជមានដល់ប្រសិទ្ធភាពនៃវ៉ាក់សាំងផងដែរ។

អង្គការនេះក៏បានណែនាំឲ្យផឹកភេសជ្ជៈប្រភេទណាដែលជាតិស្ករតិចបំផុត បើពុំនោះទេសុខភាពកុមារចាក់វ៉ាក់សាំងនឹងចុះខ្សោយ ហើយនាំឱ្យប្រព័ន្ធភាពស៊ាំមិនសូវរឹងមាំ។

ស្របពេលគ្នាដែរ អ្នកវិទ្យាសាស្ត្រស្រាវជ្រាវនៅសាលាសុខភាព Harvard T.H. Chan លោក Vasanti S. Malik បានប្រាប់ថា ការទទួលទានភេសជ្ជៈផ្អែមៗមិនមានអត្ថប្រយោជន៍ចំពោះសុខភាពទេ ជាពិសេសចំពោះអ្នកចាក់វ៉ាក់សាំងការពារកូវីដ-១៩ថ្មីៗ ។ ក្រោយពីទទួលវ៉ាក់សាំងទាំងពីរលើក កុមារចាក់វ៉ាក់សាំងគួរតមភេសជ្ជៈកំប៉ុងដែលសម្បូរជាតិស្កររយៈពេលពី ២ -៤ សប្ដាហ៍សិន ដោយសារពួកវាគ្មានផលល្អដល់ប្រព័ន្ធភាពស៊ាំ។

២. អាហាររហ័ស ឬ Fast Food

The top 10 fast-food brands in Asia-Pacific | Marketing | Campaign Asia

តិចច្រឡំថា កូនចាក់វ៉ាក់សាំងរួច ចង់ប៉ូវកូន ហើយនាំពួកគេញ៉ាំ ប៊ឺហ្គឺរ ភីហ្សា សេនវិច ភ្លៅមាន់បំពង ឬដំឡូងបារាំង ដើម្បីជំនួយសុខភាព អ្នកគិតខុសហើយ។

យោងតាមមតិក្នុងវិស័យវេជ្ចសាស្រ្ត ការបរិភោគអាហាររហ័ស ឬ Fast Food ក្រោយចាក់ថ្នាំបង្ការជំងឺកូវីដ-១៩ នាំប្រព័ន្ធភាពស៊ាំក្នុងខ្លួនរងផលប៉ះពាល់ដែលជាហេតុធ្វើឱ្យវាចុះខ្សោយ ហើយរារាំងដល់តួនាទីធ្វើការរបស់វ៉ាក់សាំង។

ប្រភេទអាហារ Fast Food សម្បូរទៅដោយជាតិស្ករ ខ្លាញ់ និងអំបិលបន្ថែម ដែលក្រោយទទួលទានអាចបង្កផលប៉ះពាល់ដល់សុខភាពជាខ្លាំង ជាពិសេសកុមារដែលទើបទទួលចាក់វ៉ាក់សាំងរួចថ្មីៗ រឹតតែអាក្រក់ចំពោះសុខភាព ព្រោះគ្រឿងផ្សំដែលមាននៅក្នុងអាហារទាំងនេះ នឹងរាំងខ្ទប់សមត្ថភាពរបស់ថ្នាំ។

៣. នំកញ្ចប់ ឬអាហារកែច្នៃ

Crumbs! A history of biscuits in 15 fantastic facts – from flatulence cure to phenomenal fuel | Biscuits | The Guardian

អាហារកែច្នៃប្រភេទនំកញ្ចប់ នំកំប៉ុង ស្ករគ្រាប់ជាដើម ជាអាហារពេញនិយមសម្រាប់កុមារបំផុត តែវាក៏ជាសត្រូវសុខភាព មិនថាមិនទាន់ចាក់វ៉ាក់សាំងក៏ដោយ។

លោកស្រី Torey Armul អ្នកនាំពាក្យនៃបណ្ឌិត្យសភាអាហាររូបត្ថម្ភនិងរបបអាហារវិទ្យា (AND) និយាយថា “ អាហារដែលកែច្នៃច្រើនតែធ្វើពីគ្រឿងផ្សំច្រើន ដូចជាម្សៅ និងស្ករពណ៌ស រួមទាំងខ្លាញ់មិនល្អ ហើយដាក់សារធាតុបន្ថែមដែលបង្កើនកម្រិតជាតិខ្លាញ់សូដ្យូមនិងស្ករដើម្បីរក្សាទុកបានយូរ ” ។ អាហារអស់នោះមិនត្រឹមគ្មានប្រយោជន៍ចំពោះភាពស៊ាំ ថែមទាំងបង្កផលប៉ះពាល់ដោយជំរុញដល់ភាពធាត់ និងជះឥទ្ធិពលអវិជ្ជមានដល់រាងកាយក្នុងការឆ្លើយតបចំពោះវ៉ាក់សាំងកូវីដទៀតផង៕

អត្ថបទ៖ សន្យា

ចុចអាន៖ ប្រការចាំបាច់ត្រូវចៀសវាងសម្រាប់កុមារ មុននិងក្រោយពេលចាក់វ៉ាក់សាំងកូវីដ

ចុចអាន៖ ក្រោយកូនៗចាក់ដូសទី ១ រួចហើយ រយៈពេលប៉ុន្មានដែលអាចចាក់ដូសទី ២ និង ៣ បាន

ចុចអាន៖ តើក្មេងៗត្រូវរង់ចាំយូរប៉ុនណា ទើបអាចចាក់វ៉ាក់សាំងផ្សេង ក្រោយចាក់វ៉ាក់សាំងកូវីដ?

Related Topics:របបអាហារ