សម្បុកត្រចៀកកាំថ្លៃមែន តែគុណប្រយោជន៍ក៏ច្រើនណាស់ដែរ

សម្បុកត្រចៀកកាំជាអាហារពេញនិយមក្នុងចំណោមអ្នកមានទ្រព្យធូធារ ហើយក៏ជាឱសថព្យាបាលរោគ និងជំនួយសុខភាពជាច្រើនប្រការ។ ស្របពេលដែលវាផ្ដល់គុណសម្បត្តិដ៏លើសលប់ សម្បុកត្រចៀកកាំក៏មានតម្លៃខ្ពស់ណាស់ដែរ។

ទន្ទឹមនឹងតម្លៃដ៏ថ្លៃខ្លាំង ប្រភពពី GOLDEN NEST បានឱ្យដឹងថា សម្បុកត្រចៀកកាំមានសារធាតុចិញ្ចឹមដែលអាចជួយឱ្យប្រព័ន្ធស៊ាំរឹងមាំ ប្រឆាំងនឹងជំងឺ ឬការពារមេរោគឆ្លងបានខ្ពស់ផងដែរ។

មិនត្រឹមតែជំនួយដល់ប្រព័ន្ធភាពស៊ាំប៉ុណ្ណោះទេ វាមានសមត្ថភាពជួយព្យាបាលជំងឺហឺត បញ្ហាក្អក អាការពិបាកលេបអាហារ បង្កើនចំណង់អាហារ និងជួយបង្កើនថាមពលឱ្យខ្លាំងក្លាថែមទៀតផង។

ចំណុចពិសេសរបស់វាម្យ៉ាងទៀត គឺវាអាចជួយផ្សាំរបួសដែលមានទាក់ទងនឹងសរសៃរឈាម ពោលគឺរបួសដែលបណ្តាលមកពីការទទួលទានជាតិខ្លាញ់ រឺកូឡេស្តេរ៉ូលលើសកម្រិត។

បើនៅប្រទេសចិនវិញ ស្ត្រីដែលមានផ្ទៃពោះតែងតែទទួលទានសម្បុកត្រចៀកកាំជាប្រចាំ ដើម្បីរក្សាគភ៌ ជំនួយសុខភាពទារក ជាពិសេសគឺនៅក្នុងអំឡុងត្រីមាសដំបូង។

ក្រៅពីនោះ វាអាចជួយស្បែកឱ្យមានសុខភាពល្អ ដោយសារសារធាតុចិញ្ចឹមនៅក្នុងវាផ្ដល់ឱ្យស្បែកនូវសំណើម រក្សាស្បែកឱ្យភ្លឺថ្លា មិនងាយចាស់ កាត់បន្ថយភាពជ្រីវជ្រួញ និងជួយបណ្តឹងស្បែកទៀតផង។

ថ្វីត្បិត សម្បុកត្រចៀកកាំ មានតម្លៃថ្លៃខ្លាំង ប៉ុន្តែអ្នកមានបញ្ហាសុខភាព និងអ្នកដែលចង់ថែសុខភាពឱ្យល្អឈ្នះជំងឺ​ ពួកគេកម្រនឹងអាក់ខានពិសារវាណាស់។ ម្យ៉ាង សម្បុកត្រចៀកកាំ ជាប្រភេទអាហារពិបាករក ពិបាកចិញ្ចឹម ទើបវាថ្លៃយ៉ាងនេះ៕

ប្រែសម្រួល៖ សន្យា

ចុចអាន៖ វីតាមីន ៣សំខាន់ ជួយ​កាត់​បន្ថយហានិភ័យកើតជំងឺផ្ដាសាយ

ចុចអាន៖ ផ្លែសេដាល្អចំពោះភ្នែក និងផ្ដល់ប្រយោជន៍ច្រើន ដល់សុខភាព