ឈប់យល់ច្រឡំចំពោះសុវត្ថិភាពវ៉ាក់សាំងកូវីដលើសុខភាពបន្តពូជចំនួន ២នេះ

បច្ចុប្បន្ន ការសង្ស័យចំពោះប្រសិទ្ធភាពវ៉ាក់សាំងបង្ការកូវីដ-១៩ អាចបន្តមានសម្រាប់ពលរដ្ឋមួយចំនួន។ ជាពិសេសកង្វះទំនុកចិត្តលើសុវត្ថិភាពចំពោះសុខភាពបន្តពូជ ក្រោយពេលចាក់វ៉ាក់សាំងការពារកូវីដ-១៩។

ក្នុងករណីនេះ អង្គការយូនីសេហ្វ បានបញ្ជាក់ច្បាស់ថា ប្ដីប្រពន្ធដែលមានបំណងយកកូន ឬស្ត្រីកំពុងមានរដូវអាចចាក់វ៉ាក់សាំងដោយគ្មានការបារម្ភនោះទេ ព្រោះវាមិនប៉ះពាល់ដល់សរីរាង្គបន្តពូជឡើយ។

ប្រភពដដែលបន្តថា វ៉ាក់សាំងការពារជំងឺកូវីដ-១៩មិនបណ្តាលឲ្យបុរសឬស្ត្រីមានបញ្ហាក្នុងការមានបុត្រនោះទេ ដោយសារវ៉ាក់សាំងជាអ្នកជួយសង្គ្រោះជីវិត។ ដូច្នេះកុំមានការភ័យខ្លាចចំពោះរឿងនេះ។

ដោយឡែក ស្ត្រីកំពុងមានរដូវក៏អាចចាក់វ៉ាក់សាំងការពារជំងឺកូវីដ-១៩បាន ដោយមិនមានហានិភ័យនៅក្នុងវដ្តរដូវរបស់អ្នកនោះទេ។

ពុំទាន់មានហេតុផលណាមួយដែលហាមប្រាមស្ត្រីកំពុងមានរដូវមិនឱ្យចាក់វ៉ាក់សាំងការពារកូវីដ-១៩ឡើយ។ ទាំង CDC និងគ្រូពេទ្យជំនាញខាងរោគស្ត្រីរបស់អាមេរិក (ACOG) សុទ្ធតែអនុញ្ញាតឱ្យស្រ្តីកំពុងមានរដូវទទួលបានវ៉ាក់សាំងដូចគ្នាទៅនឹងបុគ្គលទូទៅ ហើយវាមិនមានផលអាក្រក់ដល់សុខភាពនៃវដ្តរដូវរបស់ស្ត្រីនោះទេ។

ទោះយ៉ាងណា ក្រោយចាក់វ៉ាក់សាំង សូមកុំបោះបង់ការធ្វើអនាម័យជាប្រចាំ និងបន្តអនុវត្តវិធានការ ៣ការពារ ៣កុំ ឱ្យបានខ្ជាប់ខ្ជួន៕

អត្ថបទ៖ សន្យា

ចុចអាន៖ អ្នកឆ្លងកូវីដមាន ៤កម្រិត​ គួរចំណាំអាការខ្លួនឯង ស្រួលស្វែងរកការព្យាបាល

ចុចអាន៖ ការបកស្រាយចំនួន ៤ ពាក់ព័ន្ធសុខភាពបន្តពូជ ក្រោយចាក់វ៉ាក់សាំងកូវីដ-១៩