សុខភាព

មូលហេតុអ្នកជំងឺនៅសេសសល់រោគសញ្ញាក្រោយជា ដែលគេហៅថា កូវីដរយៈពេលវែង

បានផុស

៤ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ក្រោយជាសះស្បើយពីជំងឺកូវីដ ១៩ ហើយ មិនមែនមានន័យថា យើងបានជាដាច់មិនឈឺអ្វីទៀតឡើយ។ អ្នកជំងឺនៅទូទាំងពិភពលោកដែលបានឆ្លង ក្រោយជានឹងមានអាការទន់ខ្សោយជាងមុន ហើយរាងកាយក៏ផ្លាស់ប្ដូរ លែងមានកម្លាំងកំហែងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Piamlarp Saengsayan ប្រធានព្យាបាលជំងឺស្ទះសួត នៅវិទ្យាស្ថានវះកាត់ដើមទ្រូងបញ្ជាក់ថា នៅពេលឆ្លងកូវីដ អ្នកឈឺនឹងជាសះស្បើយក្នុងរយៈពេល ២-៣ សប្ដាហ៍ ព្រោះមេរោគនឹងស្ថិតនៅក្នុងខ្លួនប្រហែល ១០-១៤ ថ្ងៃ រហូតដល់ ២១ ថ្ងៃ អាស្រ័យលើរាងកាយរបស់បុគ្គលម្នាក់ៗ។ ប៉ុន្តែមានអ្នកជំងឺខ្លះ ត្រូវប្រឈមមុខនឹងស្ថានភាពនៃ“ កូវីដវែង” ឬរោគសញ្ញាដែលនៅសេសសល់ បន្ទាប់ពីឆ្លងមេរោគ ។ រោគសញ្ញានឹងបន្តលើសពី ២ ខែ រហូតដល់ ៤-៦ ខែ។

មូលហេតុនៃកូវីដរយៈពេលវែង បណ្ដាលមកពីការរលាកដែលនៅសល់ ឬបណ្ដាលមកពីការប្រើថ្នាំការពារភាពស៊ាំ ដូចជាស្តេរ៉ូអ៊ីដ កត្តាដែលជះឥទ្ធិពលដល់ការកើតជំងឺកូវីដ រួមមានអាយុ ឬជំងឺពីកំណើត ដូចជាធាត់ ប្រព័ន្ធការពារខ្សោយ ឬអ្នកជំងឺដែលទទួលការព្យាបាលដោយប្រព័ន្ធភាពស៊ាំ បណ្ដាលឲ្យរាងកាយមិនដំណើរការតាមសក្ដានុពលពេញលេញ ដូច្នេះអ្នកជំងឺមានអារម្មណ៍អស់កម្លាំងជាខ្លាំង។

កត្តាសំខាន់មួយទៀត ដែលរួមចំណែកដល់កូវីដយូរអង្វែងគឺ“ ស្ត្រេស” ដែលអាចបណ្ដាលមកពីការថប់បារម្ភ ដោយសារអ្នកជំងឺត្រូវបានគេបង្ខាំងនៅក្នុងកន្លែងបិទជិតអស់ពេលយូរ។

អ្នកជំងឺម្នាក់ មានកូវីដកម្រិតស្រាលបាននិយាយថា បន្ទាប់ពីជាសះស្បើយ គាត់មានអារម្មណ៍ថារាងកាយរបស់គាត់មិនដូចគ្នាទេ។ ពីមុនគាត់គឺជាបុរសខ្លាំង អាចរត់រាប់ម៉ោង ដើរពិនិត្យរបស់របរ លើករបស់ផ្សេងៗដំណើរការធម្មតា។ ប៉ុន្តែឥឡូវនេះ វាប្រែទៅជាមនុស្សម្នាក់ដែលអស់កម្លាំងយ៉ាងងាយស្រួល។ ជាពិសេសគឺតែងតែងងុយដេកជាប់ ហើយរាងកាយក៏លែងរឹងមាំដូចមុនតែម្ដង៕

ប្រែសម្រួល៖ សាង ស្រីល័ក្ខ

ប្រភព៖thairath

ចុចអាន៖នេះគម្លាតដូសទី ២ ទៅទី ៣ នៃវ៉ាក់សាំង ៤ ប្រភេទ ដែល កម្ពុជា បើកយុទ្ធនាការចាក់

ចុចអាន៖ ៦ សំនួរ មុន-ក្រោយចាក់វ៉ាក់សាំងកូវីដ អាចធ្វើអ្វីបាននិងមិនអាច

Related Topics: