សុខភាព
អ្នកឆ្លងវីរុសកូវីដ-១៩ មិនចេញរោគសញ្ញាសោះ កម្រនឹងចម្លងទៅអ្នកដទៃ
អ្នកឆ្លងជំងឺបង្កដោយវីរុស COVID-19 ដែលមិនមានចេញរោគសញ្ញាសោះគឺទំនងជាកម្រនឹងចម្លងទៅអ្នកដទៃណាស់។ នេះជាការលើកឡើងរបស់លោកស្រី Maria Van Kerkhove ជាអ្នកដឹកនាំការឆ្លើយតបនឹងវីរុស COVID-19 និងជំងឺឆ្លងរបស់អង្គការសុខភាពពិភពលោក កាលពីថ្ងៃទី៨ ខែមិថុនា។
តាមរបាយការណ៍របស់ប្រទេសជាច្រើនទាក់ទងនឹងការតាមដានករណីអ្នកឆ្លងវីរុសមិនមានចេញរោគសញ្ញា គឺមិនបានរកឃើញថាមានការចម្លងទៅបុគ្គលផ្សេងទេ។ សម្រាប់ករណីអ្នកឆ្លងមិនមានរោគសញ្ញាសោះនេះដែរគឺមិនមានអាការៈក្ដៅខ្លួន ក្អក ឬពិបាកដកដង្ហើមគួរឲ្យកត់សម្គាល់នោះទេ ហើយបើសិនជាធ្លាក់ខ្លួនឈឺភាគច្រើនអ្នកទាំងនោះគឺមានស្ថានភាពជំងឺស្រាល។
ចំពោះអ្នកឆ្លងវីរុស COVID-19 នេះអាចនឹងមិនមានរោគសញ្ញាសោះហើយមានស្ថានភាពជំងឺស្រាល ឬអាចមានរោគសញ្ញាដែលមិនបញ្ជាក់ឲ្យដឹង ឬមួយពួកគេអាចមិនទាន់ចេញរោគសញ្ញា។ ការមិនមានរោគសញ្ញាគឺខុសគ្នាពីការមិនទាន់ចេញរោគសញ្ញាដោយការមិនមានរោគសញ្ញាមានន័យថាអ្នកជំងឺឆ្លងវីរុសតែមិនមានចេញរោគសញ្ញាអ្វីទាំងអស់ ប៉ុន្តែការមិនទាន់ចេញរោគសញ្ញាគឺស្ថិតក្នុងដំណាក់កាលដំបូងដែលមិនទាន់ចេញរោគសញ្ញាអ្វីមួយ។
ការសិក្សាមួយកាលពីខែមេសាបានលើកឡើងថាអ្នកឆ្លងវីរុសនេះចាប់ផ្ដើមចម្លងពីពីរទៅបីថ្ងៃមុនចេញរោគសញ្ញា។ បន្ថែមពីនេះទៀត មជ្ឈមណ្ឌលគ្រប់គ្រងជំងឺឆ្លងសហរដ្ឋអាមេរិកបានប៉ាន់ស្មានថា៤០%នៃការចម្លងវីរុសនេះគឺកើតមុនពេលអ្នកឆ្លងវីរុសចាប់ផ្ដើមធ្លាក់ខ្លួនឈឺ។ អ្នកជំងឺទាំងនោះបានចម្លងវីរុស COVID-19 ទៅអ្នកដទៃមុននឹងពួកគេចេញរោគសញ្ញា។
ការបែងចែកភាពខុសគ្នារវាងអ្នកមិនមានរោគសញ្ញាសោះ អ្នកមិនទាន់ចេញរោគសញ្ញា និងអ្នកចេញរោគសញ្ញាដែលមិនបញ្ជាក់ឲ្យដឹង ឬស្រាល គឺសំខាន់ណាស់។ ម៉្យាងទៀត ការតាមដានពីការប៉ះពាល់អ្នកផ្ទុកវីរុសនេះនៅកោះតៃវ៉ាន់ ក៏ដូចជានៅប្រទេសអាល្លឺម៉ង់បានឲ្យដឹងថាអ្នកមិនមានរោគសញ្ញាសោះគឺកម្រនឹងចម្លងទៅអ្នកដទៃណាស់។
ការសិក្សានៅប្រទេសអាល្លឺម៉ង់បានរកឃើញទៀតថាការចម្លងនេះតែងកើតមានមុន ឬនៅថ្ងៃដែលអ្នកផ្ទុកវីរុសចេញរោគសញ្ញាដំបូង។ ការសិក្សាតាមបណ្តាប្រទេសជាច្រើនទៀតក៏បានបញ្ជាក់ទៅលើការចម្លងមុនចេញរោគសញ្ញាដែរ ហើយបានណែនាំថាអ្នកដែលមិនមានអាការៈអ្វីមិនប្រាកដថាមិនអាចចម្លងវីរុសនេះទេ។ ដូចនេះហើយវិធានការណ៍តាមដាន និងដាក់ឲ្យនៅដាច់ដោយឡែកគួរអនុវត្តតាមបណ្ដាប្រទេសនានា៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ វីរុសកូវីដ-១៩ អាចរស់នៅលើអេក្រង់ទូរសព្ទ និងក្រដាសប្រាក់ជិត ៣០ថ្ងៃ
ចុចអាន៖ មូលហេតុអ្នកជំងឺនៅសេសសល់រោគសញ្ញាក្រោយជា ដែលគេហៅថា កូវីដរយៈពេលវែង
ការតភ្ជាប់លើការដឹកជញ្ជូន ពាណិជ្ជកម្ម នឹងជួយពង្រឹងជំហរអាស៊ានជាមហាអំណាចសេដ្ឋកិច្ច
បារាំង អង់គ្លេស និងអាល្លឺម៉ង់ ជំរុញឲ្យអ៊ីស្រាអែលបើកជំនួយចូលតំបន់ហ្គាហ្សាឡើងវិញ
គ្រួសារជនរងគ្រោះ រួមទាំងអតីតមេឃុំស្នើសុំពិនិត្យឡើងវិញ ករណីឃាត់ខ្លួនបុរស ៣ នាក់ភ្ជួរដីដាំដំឡូង និងស្វាយចន្ទី
សហព័ន្ធកីឡាបញ្ចស៊ីឡាត់ នឹងរៀបចំការប្រកួតជើងឯកថ្នាក់ជាតិលើកដំបូង
បណ្ឌិត ហង់ជួន ណារ៉ុន ស្នើគ្រប់ភាគីបន្តលើកកម្ពស់សាសនា និងសីលធម៌សង្គម
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
សមាជិកសភាត្រូវបណ្តេញចេញពីសាលប្រជុំ ព្រោះស្រែកតវ៉ាការថ្លែងរបស់ លោក ត្រាំ
ត្រាំ ថា ពេញចិត្តណាស់ ចំពោះលិខិតដែល ហ្សេលេនស្គី ផ្ញើឲ្យគាត់
Starmer និង Macron នឹងដឹកដៃ Zelensky ទៅអាមេរិកម្តងទៀត ដើម្បីបញ្ចុះបញ្ចូល Trump ឲ្យជួយអ៊ុយក្រែន
ក្តៅគគុក! ចិននិងអាមេរិក សុទ្ធតែប្រកាសត្រៀមខ្លួនរួចរាល់ ច្បាំងគ្នាក្នុងសង្គ្រាម
-
សន្តិសុខសង្គម៣ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ១ សប្តាហ៍ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
ជីវិតកម្សាន្ដ៣ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ២ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៦ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម៦ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ចរាចរណ៍៣ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង