សុខភាព
ផ្សិតពីភ្នំហិម៉ាល័យ មានតម្លៃថ្លៃជាងមាស ល្បីខ្លាំងខាងប៉ូវផ្លូវភេទ
ផ្សិតនេះជាថ្នាំបុរាណចិនដ៏កម្រ ដែលត្រូវគេស្គាល់ថា “ថ្នាំវីយ៉ាក្រានៃភ្នំហិម៉ាល័យ “ដែលមានតម្លៃថ្លៃជាងមាសទៅទៀត ហើយក៏កំពុងក្លាយជាមុខសញ្ញាពាក់ព័ន្ធ ដែលអង្គភាពប្រឆាំងអំពើពុករលួយចិន ត្រូវបង្រ្កាបផងដែរ។
តាមប្រព័ន្ធផ្សព្វផ្សាយរដ្ឋចិន ផ្សិតកម្រនេះ មានតម្លៃ ៨៣ ៨០០ដុល្លារ/គីឡូក្រាម។ នោះមានន័យថា ផ្សិតនេះ មានតម្លៃ ៨០ដុល្លារ/១ក្រាម ថ្លៃជាងតម្លៃមាសបច្ចុប្បន្នទៅទៀត ដែលថ្លៃប្រមាណ ៥៩,៤០ដុល្លារ/១ក្រាម ប៉ុណ្ណោះ។
ផ្សិតនេះ អាចរកបានតែនៅតំបន់ភ្នំហិម៉ាល័យប៉ុណ្ណោះ និងក្លាយជាទម្រង់កម្រមួយ នៃរូបិយវត្ថុ ដែលត្រូវបានប្រើប្រាស់ទៅសូកប៉ាន់មន្រ្តីពុករលួយ។ ផ្សិតនេះ ត្រូវបានប្រើប្រាស់ជាថ្នាំបូរាណ ដោយជនជាតិចិន និងទីបេ អស់រយៈពេលរាប់សតវត្សមកហើយ។ ផ្សិតនេះ អាចរកបាននៅក្នុងប្រទេសនេប៉ាល់ ប៊ូតាន ឥណ្ឌា និងតំបន់ទីបេ ប៉ុន្ដែនៅរយៈកំពស់ចន្លោះពី ៣ ០០០ម៉ែត្រ-៥ ០០០ម៉ែត្រ លើកម្ពស់ទឹកសមុទ្រ។
ផ្សិតកម្រនេះ ត្រូវគេចាត់ទុកថាជា មាសជីវសាស្រ្ត ដែលផ្ដល់សារៈប្រយោជន៍ជាច្រើនដល់សុខភាព រួមមានការបង្កើនសមត្ថភាពផ្លូវភេទ ការស្ដារឡើងវិញមុខងារបន្ដពូជ និងតម្រងនោម អាចព្យាបាលជំងឺធាត់ជ្រុល និងមហារីកផងដែរ។
ផ្សិតនេះ ពិតជាកម្រណាស់ ដោយសារវាអាចលូតលាស់នៅសីតុណ្ហភាពក្រោម ២១អង្សារសេប៉ុណ្ណោះ ហើយអ្នកវិទ្យាសាស្រ្ត បានរកឃើញផលប៉ះពាល់នានា នៃបម្រែបម្រួលអាកាសធាតុ និងការប្រើប្រាស់ច្រើនពេក ដែលបានធ្វើឲ្យផ្សិតនេះជិតផុតពូជនៅក្នុងប្រទេសចិន។
កាលពីខែមីនា ឆ្នាំ២០១៩ អង្គភាពប្រឆាំងអំពើពុករលួយ ក្នុងខេត្ត Qinghai របស់ចិន បានប្រកាសយុទ្ធនាការ បង្រ្កាបមន្រ្ដីចិន ដែលកំពុងពាក់ព័ន្ធជាមួយផ្សិតកម្រនេះ។ យោងតាមសេចក្តីប្រកាសរបស់គណៈកម្មការត្រួតពិនិត្យវិន័យរបស់ខេត្ត Qinghai បានបញ្ជាក់ថា ក្រុមជំនាញ បានកំណត់គោលដៅលើមន្រ្តីចិន ដែលបានកេងប្រវ័ញ្ចពីតួនាទីរបស់ពួកគេ សម្រាប់ផលប្រយោជន៍ផ្ទាល់ខ្លួន តាមរយៈផ្សិតដង្កូវរដូវរងា (Winter worm)។ ចំណែកប្រព័ន្ធផ្សព្វផ្សាយរដ្ឋចិន ក៏បានរាយការណ៍ករណីពុករលួយមួយចំនួន នាពេលកន្លងមកផងដែរ ដែលមន្រ្តីចិន ត្រូវបានរកឃើញថា បានទទួលសំណូក ផ្សិតដង្កូវរដូវរងា (Winter worm) នេះ៕
ចុចអាន៖មើមខ្ជាយ ជាឱសថជួយពង្រឹងប្រព័ន្ធភាពស៊ាំ និងជួយកាត់បន្ថយភាពធ្ងន់ធ្ងរនៃវីរុសកូវីដ ១៩
ចុចអាន៖កត្តា ៤យ៉ាង ជះឥទ្ធិពលខ្លាំងក្លាដល់ជីវិតលើគ្រែ
ពូទីន ព្រមឈប់បាញ់តែលើសំណង់ហេដ្ឋារចនាសម្ព័ន្ធ និងរោងចក្រថាមពលអ៊ុយក្រែន ប៉ុណ្ណោះ
ល្បែងអនឡាញ និងអំពើឆបោក ពលរដ្ឋត្រូវជៀសឱ្យផុត កុំពាក់ព័ន្ធឱ្យសោះ បើមិនចង់វិនាសដល់ខ្លួនឯង និងគ្រួសារ!
អាមេរិកហាមឃាត់ការប្រើប្រាស់ DeepSeek លើឧបករណ៍រដ្ឋាភិបាល
គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះ បានសាងសង់ដោះស្រាយ នឹងបញ្ចប់សរុប 3172 ផ្ទះហើយ
ជនសង្ស័យដែលឆក់កាបូបពី គូដណ្តឹងលោក Chris អាចជាប់ទោសជាប់ពន្ធនាគារ២០ឆ្នាំ ដោយសារតែមិនរាងចាល
អាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
ពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
នគរបាលស្រុកគាស់ក្រឡ ឃាត់ខ្លួនមន្ត្រីសាលាក្រុងបាត់ដំបងម្នាក់ ពាក់ព័ន្ធករណីចោរកម្ម
អាមេរិក ឆ្លើយតបចុកៗ ទៅអ្នកនយោបាយបារាំង ដែលទាមទារឲ្យប្រគល់រូបសំណាកសេរីភាពមកវិញ
លោក ត្រាំ នឹងបញ្ចេញឯកសារសម្ងាត់ចំនួន ៨០ ០០០ទំព័រ ពាក់ព័ន្ធនឹងរឿងក្ដីធ្វើឃាតលោក Kennedy
-
KPT+៣ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ១៩ ម៉ោង agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ២១ ម៉ោង agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម៤ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៧ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៥ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៤ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៦ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង