សុខភាព

ការធ្លាក់ឈាមត្រីមាសដំបូងនៃគភ៌ រួមជាមួយផលលំបាក និងការំខាន

បានផុស

៣ years មុន

នៅ

ថ្ងៃពុធ ២០ តុលា ២០២១

ដោយ

ការធ្លាក់ឈាមអំឡុងពេលមានគភ៌ ជាក្តីបារម្ភរបស់ស្ត្រីជាមាតាទាំងឡាយ។ ២០% ទៅ ៣០% នៃគភ៌សរុបអាចជួបប្រទះបញ្ហានេះ នៅអំឡុងពេលត្រីមាសដំបូង។ បញ្ហានេះអាចជាសញ្ញាអាសន្ន ដែលស្ត្រីចាំបាច់ត្រូវត្រួតពិនិត្យនិងតាមដានជាបន្ទាន់នៅមន្ទីរពេទ្យ ឬមណ្ឌលសុខភាពដែលនៅក្បែរផ្ទះរបស់លោកអ្នក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទុយទៅវិញបញ្ហានេះ អាចជាផលរំខានតិចតួចតែប៉ុណ្ណោះចំពោះស្ត្រីនិងគភ៌ វាអាស្រ័យលើបរិមាណនៃការធ្លាក់ឈាម និងរោគសញ្ញាផ្គួបផ្សំ (៧០% នៃការធ្លាក់ឈាមរបស់ស្ត្រី គភ៌អាចវិវត្តន៍ធម្មតា) ។

១) ប្រភេទនៃការធ្លាក់ឈាម៖

-ការធ្លាក់រំអិលឈាមក្រហម ឬក្រមៅ (កករ ឃ្លោក ឬកាកកាហ្វេ)

-ការធ្លាក់ឈាមដូចកណ្តាលរដូវ ពណ៌ក្រហម ឬ ក្រមៅ

-ការធ្លាក់កំណកឈាម ក្រហម ឬក្រមៅ

២) រោគសញ្ញាផ្គួបផ្សំ៖

– ឈឺពោះ ឬឈឺលើថ្ងាសផ្នែកខាងក្រោមនៃពោះ

– កម្រិតឈឺ តិច ឬខ្លាំង

– រោយចង្កេះ

– អស់កម្លាំង ល្ហិតល្ហៃ

– បាត់បង់ស្មារតី

៣) មូលហេតុ៖ មូលហេតុដែលអាចជួបប្រទះ (ពីស្រាលទៅធ្ងន់)មានៈ

– ការប៉ះទង្គិច ឬកកិតមាត់ស្បូន (ការរួមភេទ, ការពិនិត្យមាត់ស្បូន)

– ការបង្កកំណើតរបស់គភ៌ក្នុងស្បូន (ការកាច់សំបុក)

– ការគំរាមរលូត ឬរលូត

– កូនក្រៅស្បូន

– កូនពង

– ការរលាកមាត់ស្បូន

Vaginal Bleeding in Early Pregnancy | One Medical

៤) ដំបូន្មាន៖

– ប្រការគួរជៀសវាងមាន ការរួមភេទ ការហែលទឹក ការធ្វើដំណើរឆ្ងាយ និងការធ្វើការងារធ្ងន់។

– សូមរក្សាអនាម័យដោយការផ្លាស់ប្តូរសំឡីទ្រនាប់ និងការសំអាតប្រដាប់ភេទ។

– សូមស្ត្រីយកចិត្តទុកដាក់ និងវាយតម្លៃលើបរិមាណនៃការបាត់បង់ឈាមតាមទ្វាមាស ដោយត្រួតពិនិត្យលើការប្រើប្រាស់សំឡីអនាម័យ ចំនួននៃការផ្លាស់ប្តូរសំឡី និងកម្រិតឈាមដែលជ្រាបជោគលើសំឡីរបស់ស្ត្រី។ គ្រូពេទ្យជំនាញ ឬឆ្មបជំនាញ នឹងសួរបញ្ជាក់សុំឲ្យស្ត្រីរៀបរាប់នូវសភាព និងលក្ខណៈនៃឈាម ដែលហូរតាមទ្វាមាសរបស់ស្ត្រី។ ស្ត្រីអាចថតរូបភាពបង្ហាញជូនគ្រូពេទ្យ ឬឆ្មបជំនាញក៏បាន។

សូមស្ត្រីយកចិត្តទុកដាក់លើថ្ងៃខែមករដូវជាប្រចាំរបស់ខ្លួន បើសិនមានការរាំងរដូវ សញ្ញាធ្លាក់ឈាម ឬឈឺចាប់លើផ្ទៃពោះផ្នែកណាមួយសូមប្រញាប់មកពិនិត្យសុខភាពកុំបីខាន ជាមួយក្រុមគ្រូពេទ្យជំនាញផ្នែកសម្ភព នៃមន្ទីរពេទ្យកាល់ម៉ែត ដើម្បីកំណត់បាននូវរោគវិនិច្ឆ័យ និងធ្វើការព្យាបាលបានទាន់ពេលវេលា ប្រកបដោយប្រសិទ្ធភាព៕

អត្ថបទ៖ រស្មី