សុខភាព
សញ្ញាព្រមានទាំង ៥ បញ្ជាក់បានថា យើងកំពុងអាឡ័កស៊ីជាមួយសាប៊ូកក់សក់
សព្វថ្ងៃនេះ មានម៉ាកនិងរូបមន្តផ្សេងៗគ្នា ជាច្រើននៃសាប៊ូកក់សក់ ។ ខណៈសាប៊ូខ្លះ អាចបង្កឲ្យយើងអាការប្លែកៗ ដូចជា រមាស់នៅលើស្បែកក្បាល ឬឡើងកន្ទួលជាដើម។
ខាងក្រោម ជាសញ្ញាព្រមានចំនួន ៥ ដែលបង្ហាញថា អ្នកអាចនឹងអាឡ័កស៊ីជាមួយសាប៊ូកក់សក់៖
១ រមាស់ស្បែកក្បាលនិងក្រហមស្បែក
![](https://www.kampucheathmey.com/wp-content/uploads/2021/10/newscms_thaihealth_c_bfijkluvz247.jpg)
បើអ្នកប្រើសាប៊ូកក់សក់ហើយមានអារម្មណ៍ថា រមាស់ស្បែកក្បាលតាំងពីប្រើលើកដំបូង។ ទោះបីជាអត់មានរបួសនៅលើស្បែកក្បាលក៏ដោយ។ រោគសញ្ញានេះ ជារោគសញ្ញាដែលមនុស្សអាឡ័កស៊ីនឹងសាប៊ូកក់សក់។ ព្រោះសាប៊ូកក់សក់អាចមានសារធាតុគីមីមួយចំនួន ដែលធ្វើឲ្យស្បែកក្បាលរលាក ហើយឡើងក្រហមលើស្បែកជុំវិញស្បែកក្បាល។
២ មានកន្ទួលនិងរមាស់
កន្ទួល ឬរមាស់នៅកន្លែងផ្សេងទៀត ដែលសាប៊ូកក់សក់បានប៉ះដល់ អាចបណ្ដាលមកពីសាប៊ូមួយចំនួនមានផ្ទុកសារធាតុ SLS (សារធាតុ surfactants) និង parabens (សារធាតុរក្សានៅក្នុងគ្រឿងសម្អាង) ដែលបំផ្លាញសំណើម និងធ្វើរលាកឲ្យដល់ចំណុចនៃការប៉ះពាល់ដោយផ្ទាល់ ជាមួយសាប៊ូកក់សក់។
៣ ស្ទះមុន
![](https://www.kampucheathmey.com/wp-content/uploads/2021/10/acne-aestivalis.png)
សាប៊ូកក់សក់ដែលយើងប្រើ អាចជាមូលហេតុនៃការបង្កមុនដោយផ្ទាល់។ នេះច្រើនតែកើតលើថ្ងាស គល់សក់ និងតំបន់ថ្គាម ជាពិសេសស្នាមមុន ឬមុនដែលស្ទះ។ ព្រោះសាប៊ូកក់សក់មានផ្ទុកសារធាតុស៊ីលីកូន ដើម្បីជួយសក់ឲ្យទន់រលោងក្នុងពេលតែមួយ។ ស៊ីលីកូន ជាមូលហេតុចម្បងនៃការកើតមុន ដែលមានក្នុងសាប៊ូកក់សក់ ហើយវាកកកុញនៅក្នុងឫសសក់ ។
៤ មានអង្គែ
វាជាសញ្ញាសម្គាល់មួយទៀតដែលគួរតែពិនិត្យមើល នៅពេលអ្នកកក់សក់។ អាចបណ្ដាលមកពីមូលហេតុមួយចំនួន រួមទាំងស្បែកក្បាលស្ងួត និងរលាក ក៏ដូចជាផ្សិតផងដែរ។ ដូច្នេះហើយ ត្រូវសង្កេតមើល ប្រសិនបើប្ដូរសាប៊ូហើយ នៅមានអង្គែទៀត គួរតែបញ្ឈប់ជាបន្ទាន់។
៥ ជ្រុះសក់
![](https://www.kampucheathmey.com/wp-content/uploads/2021/10/hair-1024x614.png)
សាប៊ូកក់សក់គឺជាមូលហេតុមួយ នៃការបាត់បង់សក់ទាំងអស់។ នោះគឺបណ្ដាលមកពីសារធាតុស៊ីលីកូនក្នុងសំណល់សាប៊ូជុំវិញឫសសក់។ វានឹងធ្វើឲ្យស្ទះ ដែលបណ្តាលឲ្យជ្រុះសក់។ លើសពីនេះ ការជ្រុះសក់ក៏អាចបណ្តាលមកពីមូលហេតុផ្សេងទៀតដូចជា អាឡ័កស៊ីអាហារ ការចូលគេងយឺត ឬអាកប្បកិរិយាដែលប៉ះពាល់យ៉ាងធ្ងន់ធ្ងរដល់សក់៕
ប្រែសម្រួល៖ សាង ស្រីល័ក្ខ
ចុចអាន៖គ្រូពេទ្យណែនាំវិធីកាត់បន្ថយអាឡ័កស៊ីទូទៅ នៅរដូវភ្លៀងធ្លាក់ ចៀសវាងច្រឡំជារោគសញ្ញាកូវីដ
ចុចអាន៖ភ្នាក់ងារប្រឆាំងនឹងអ៉ីស្តាមីន ៥ ប្រភេទពីធម្មជាតិ ព្យាបាលអាឡ័កស៊ីបានយ៉ាងសក្ដិសិទ្ធិ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២១ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២១ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?